Klárt brot á alþjóðarétti

28.3.2011 | 14:56

Klárt brot á alþjóðarétti

Merkilegir þessir hægri sinnuðu hræsnarar í Frakklandi og Bretlandi. Þeir ganga miklu lengri í yfirlýsingum sínum um afskipti af innanríkismálefnum í Libýu - á landsvæði sem þeir hafa engan sögulegan rétt til - en bæði NATO og USA gera.
Tekið skal fram að umboð Nató nær aðeins til hernaðarhlutans. Frakkar eiga að sjá um hina pólitísku stjórnun. Við heyrum nú strax hvernig hún muni vera - og er eflaust sett fram sem pressa á NATO.

Tekið skal fram að Cameron forsætisráðherra Breta var að bjóða Sarkozy í gólf til sín. Já, þeir leika sér meðan Triboli brennur.

Áð meðan á þessu stendur þá eru harðir bardagar á Fílabeinsströndinni - landsvæði sem bæði Frakkar og Englendingar hafa haft afskipti af fyrr á tíð - en ekkert heyrist í þeim um það mál.
Þó er þar á ferð valdarán manns sem tapaði nýverið í kosningum þannig að stuðningur við lýðræðilega kjörinn forseta landsins ætti að vera gott dæmi um lýðræðisátt þessar tveggja fyrrum nýlenduríkja.

Að lokum má nefna það, í ljósi hins risavaxna kostnaðar sem hernaðurinn gegn stjórnvöldum í Líbýu hefur í för með sér, að gífurlegar mótmælaaðgerðir hafa verið í London um helgina vegna niðurskurðar í velferðarkerfinu á Bretlandseyjum.
Það eru nefnilega engir peningar til í breska ríkiskassanum til velferðamála, en nóg af þeim til hernaðar.