Frábært!

Nú er loksins lokið farsaleikritið í kringum erfðamál Bobby Fischers - með fullum sigri Miyoko Watai.
Þetta lá auðvitað ljóst fyrir löngu - enda allir pappírar til staðar og einungis kvikindisháttur bandarískra stjórnvalda vegna vegabréfs Fischers stóð í veginum fyrir þessari niðurstöðu.

Það verður þó að segjast eins og er að framkoma ýmissa aðila hér á landi í þessu máli, aðila sem tengjast skákhreyfingunni, til dæmis þeirra sem reyndu með öllum ráðum að koma eigum Fischers í hendurnar á filippseyskri konu og dóttur hennar - væntanlega í von um að einhverjir molar falli af borði þeirra handa þeim - verður að teljast á mörkum þess siðlega.

Þessir sömu aðilar hafa verið í fréttum undanfarið vegna sölu á taflsetti frá einvígi aldarinnar - og vegna hinna svokölluðu Lewis-taflmanna.

Reyndar er athyglisverð líkindin milli sölu taflsettsins á uppboði og tilraun óþekktra aðila hér á landi til að selja bók um 61 minnisverðar skákir Fischers á uppboði - og sögðu hana vera eftir meistarann sjálfan (rétt eins og fyrirmyndin: 60 minnisverðar skákir hans).

Já, skákhreyfingin hefur lengi glímt við siðferðisvanda - rétt eins og íslenskt samfélag ef út í það er farið.

Hæstiréttur dæmdi Watai í vil