Hræsni!

Þessi frétt er reyndar röng því Halvorsen sagði aðeins að hún - og flokkur hennar - vilji að Norðmenn dragi sig út úr beinum aðgerðum í Libýu (í bili). Hvorki hún né flokkurinn ræður neinu um það heldur fara Jafnaðarmenn með utanríkismálin og landvarnarráðuneytið - og ráða því sem þeir vilja í ríkisstjórninni.

Hér er hún greinilega fyrst og fremst að friða óánægjuraddir í eigin flokki. Þá er athyglisvert að hvorki hún né flokkurinn sem slíkur hafa mótmælt því að það voru norskar herflugvélar sem gerðu árás á heimili Gaddafis, með það greinilega markmið að drepa hann.

Þetta er auðvitað brot á öllum alþjóðareglum, m.a. um friðhelgi leiðtoga landa sem eiga í "stríði" (réttara sagt land sem ráðist er á), og til skammar fyrir flokk sem þennan sem þykist vera friðarsinnaður og vilja samtal en ekki stríð.

Sama tvískinnunginn er að finna hér á landi hjá Vinstri grænum. Þeir hafa mjóróma mótmælt stuðningsyfirlýsingu Össurar utanríkisráðherra við árásir NATO á Libýu en ekkert gert til að sú yfirlýsing verði dregin til baka eða á einhvern hátt milduð.

Það er greinilegt að það er að verða víðtækt samráð um þá stefnu sem Bandaríkjamenn hafa löngum tíðkað, en hefur orðið allsráðandi eftir árásina á tvíburaturnana 2001, og ekki síst núna eftir árás Bandaríkjamanna um síðustu helgi á þorphúsið í Pakistan, að skjóta fyrst og spyrja svo:

http://politiken.tv/nyheder/udland/udlandsanalyse/ECE1275198/obamas-nye-doktrin-hedder-skyd-foerst-spoerg-senere/

Vill norska herinn út úr Líbíu