Eitthvað til að mikla sig af?

Vestrænir fjölmiðlar eru óðum að átta sig á því, hvað árásin þann 1. maí var lítil hetjudáð, þó svo að Obama sé enn að mikla sig af henni.

Menn benda á hverju einangraðir íbúarnir í einbýlishúsinu í litla þorpinu í Pakistan höfðu verið og hversu veikburða og vesæll Osama (því svo virðist sem það sé komin almenn samstaða um að þetta hafi verið hann) var orðinn.

Noam Chomsky hefur bloggað um "hetjudáðina" og spyr hvernig okkur hefði orðið við ef íraskar sérsveitir hefðu ráðist inn á heimili George Bush, drepið hann og kastað líkinu í Atlandshafið (en gætt þess að gera það síðasta í samræmi við kristnar útfararhefðir): http://www.guernicamag.com/blog/2652/noam_chomsky_my_reaction_to_os/

Írakar hafa amk jafn ríka ástæðu til að drepa Bush og Bandaríkjamenn til að drepa bin Laden (150.000 óbreyttir Írak lágu í valnum eftir innrás Bandaríkjamanna í landið, innrás sem var kolólögleg og algjörlega ástæðulaus, en aðeins 3000 Kanar eftir 9/11).

Það sem Chomsky er að benda á er einfaldlega sú staðreynd að þessi aðgerð (og fleira slíkt athæfi af hálfu USA) er stórfellt brot á alþjóðalögum.

Hann nefnir einnig hversu ógeðfellt það er að nefna drápsvélar sínar og leiðandra eftir fórnarlömbum sínum - og vísar þá til þess að leiðandurinn og herþyrlur heita eftir indíanaættflokkum.

Hann spyr hvernig okkur myndi finnast það er Þjóðverjar kölluðu sín vígtól "gyðinga" eða "tatara" - og við getum bætt við "kommúnista".

Taugaóstyrkur fyrir árásina

Athugasemdir

[Einhver (IP-tala skráð) 9.5.2011 kl. 12:28]

Það sem að verra var að þeir voru ekki viss um hvort að þetta hafi verið rétti maðurinn eða sá Osama Bin Laden áður enn að þeir skutu hann þú svo væri ef hann væri lýkur honum. Ég spyr hvernig væri ef svo væri að þetta væri rangur maður ? Skjóta fyrst og spyrja svo.

[Axel Jóhann Hallgrímsson, 9.5.2011 kl. 20:12]

 Einhver ! -"Skjóta fyrst og spyrja svo" - hefði verið meira en Ósóminn gerði, hann bara drap og myrti á báðar hendur, hann spurði aldrei hvort fórnarlömb hans hefðu átt örlög sin skilið.

[Jeremías (IP-tala skráð) 10.5.2011 kl. 08:51]

Einhver, þarna ferðu með rangar heimildir. Hann var fyrst handtekinn, séð að þetta væri hann, notað andlitsskanni, og svo var hann tekinn af lífi. Ótrúlegt hvernig fólk er að snúa sér gegn Bandaríkjunum eftir að hafa gert heiminn að betri stað. En það er ekki hægt að rökræða það, að allt þetta fólk tekur hvert einasta tækifæri til að setja sig gegn Bandaríkjunum.

[torfi stefánsson (IP-tala skráð) 10.5.2011 kl. 12:46]

Já, Bandaríkjamenn gera heiminn betri með því að drepa fólk hægri vinstri!! Mikil er trú þín Jeremías!

Annars hef ég ekki heyrt þetta um andlitsskannann og að maðurinn hafi verið myrtur eftir skönnunina.

Ef þetta er satt þá er komið pottþétt mál gegn Obama fyrir stríðsdómstólnum í Haag.

Þá er nefnilega sannað að ætlunin hafi verið að drepa en ekki að taka til fanga eins og bandarísk yfirvöld hafa fullyrt hingað til.

En auðvitað er það borin von að Bandaríkjamenn verði ákærðir fyrir stríðsglæpi sína.

Dómstóllinn er jú hlutdrægur með afbrigðum og tekur aðeins fyrir mál þeirra sem á einhvern hátt standa í vegi fyrir heimsyfirráðastefnu Kanans.