Getur Kínverjinn ekki keypt hana?

Það væri viturlegra en að kaupa einbera eyðimörk uppi á Fjöllum - og það fyrir morðfjár.

Auk þess er engin lögfræðileg fyrirstaða fyrir því að útlenskir "fjárfestar" kaupi kofann.

Hann yrði eflaust fínasta hótel, með smá lagfæringum.

Einnig væri hægt að njósna um flugumferðina yfir Reykjavíkurflugvöll, enda staðurinn mjög hernaðarlega mikilvægur í Stríðinu!

Þá er gott útsýni yfir til Bessastaða ...

Perlan auglýst til sölu

Athugasemdir

[Anna Sigríður Guðmundsdóttir, 2.9.2011 kl. 20:56]

Kínverjinn er raunverulega umhverfis-sinnaður, og þess vegna myndi Perlan, inni í miðri Reykjavíkur-menguninni, aldrei passa inn í hans hugsjón.

Það hljóta allir umhverfissinnar að vera mér sammála um? Og umhverfið skapar okkur heilbrigð lífs-skilyrði? Eða hverjir annars?

 M.b.kv.

[Landfari, 2.9.2011 kl. 21:03]

Þetta fær nú ekki staðist hjá þér Anna Sigríður.

Reykjavík er ekki menguð borg og Perlan stendur á táknmynd hreinleika borgarinnar, heitavatnstönkunum sem eitt sinn voru og eru grunnur þess hva borgin er hrein.

[Torfi Kristján Stefánsson, 2.9.2011 kl. 21:40]

Þú meinar Anna Sigríður að umhverfissjónarmið hafi ekki ráðið gerðum Davíðs Oddssonar er hann réðist í byggingu Perlunnar?

Þá er ég ekki viss um að hótel og gólfvöllur á Grímstöðum (á Fjöllum) sé svo umhverfisvæn hugmynd!

[Anna Sigríður Guðmundsdóttir, 2.9.2011 kl. 22:11]

Landfari. Reykjavík er menguð borg á höfuðborgarsvæðinu, og á köflum er fólki sem er viðkvæmt fyrir mengun, ráðlagt að fara varlega. Það ætti að nægja fyrir að Perlan okkar blessuð passar ekki inn í hugsjónir Kínverjans um hreinleika andrúms-loftsins.

Annars finnst mér sjálfri Perlan frábær bygging, sem mér líður alltaf vel í, og vil vernda sem fjölskylduvæna miðstöð.

 M.b.kv. 

[Anna Sigríður Guðmundsdóttir, 2.9.2011 kl. 22:23]

Torfi. Davíð Oddson var barn síns tíma, eins og við öll verðum í framtíðinni, með öll okkar afglöp, og ekki svo góðar 100% gjörðir.

Getur þú rökstutt þína skoðun á að Grímsstaðir á Fjöllum verði ó-vistvæn, með Kínverjanum? Það er hægt að yfirbyggja golfvellina á stóru svæði, ef það hentar til golfiðkunar þarna. En það kostar að sjálfsögðu peninga að framkvæma slíkan vistvænan golfvöll. Og ef einhver vill nota sína peninga til slíkra verka, þá sé ég ekkert því til fyrirstöðu.

M.b.kv.

[Landfari, 2.9.2011 kl. 22:54]

Anna, þó að svifryksmengun fari nokkara daga á ári yfir heilsuverndarmörk vegna nagladekkjanotkunar er reykjavík hrein borg. Enginn skorsteinn sem rýkur úr og vindurinn ber burt mestu  af útblæstri bílanna.

Hitt er rétt hjá þér að Reykjavík er borg á höfuðborgarsvæðinu. Um það ætla ég ekki að deila. :)