Sannleikanum er hver sárreiðastur

Óþol vestrænna stjórnvalda við réttmætri gagnrýni á heimsvaldastefnu þeirra er sárara en tárum taki.

Afskipti þeirra af málefnum ríkja í arabalöndunum (islamstrúarlöndum) bera svo sannarlega keim af rasisma, sem og stuðningur þeirra við Ísrael.

Það er auðvitað spurning fyrir okkur hér heima, hvernig fulltrúar okkar á allsherjarþinginu brugðust við.

Gengu íslensku fulltrúarnir einnig út undir takti Bandaríkjamanna, eða sátu þeir sem fastast og fylgdu þannig í raun yfirlýsingum utanríkisráðherrans okkar um að styðja Palestínumenn gegn ofbeldi Ísraelsmanna?

Gengu út yfir ræðu Ahmadinejads

Athugasemdir

[Steini Bjarna, 22.9.2011 kl. 18:51]

Vonandi sat íslenski fulltrúinn sem fastast, nógu lengi vorum við attaníossar Kanaræflanna.  Enda minnist fréttin bara á fulltrúa Evrópusambandsríkjanna enda þeir ein hjörð eins og vænta mátti.

Það má til gamans rifja það upp að utanríkisstefna Íslands á vettvangi SÞ fólst í því á árum áður að íslenski fulltrúinn væri í góðu sjónfæri við þann bandaríska og greiddi atkvæði nákvæmlega eins og hann.

[Torfi Kristján Stefánsson, 22.9.2011 kl. 20:40]

Öll sendinefnd Bandaríkjanna gekk strax út. Á eftir fylgdu helstu leppar þeirra í dag (með hægri flokkana við stjórnvölinn): Frakkland, Kanada, Þýskaland, Bretland, Írland og Ástralía (eina landið af þessum með "vinstri" stjórn) - og svo fleiri aðrar vestrænar sendinefndir.

Eftir sátu meirihluti landa frá Asíu, Afríku, Latínsku Ameríku - og Rússar.

Þetta sýnir auðvitað best klofninginn sem ríkir í alþjóðastjórnmálum milli fyrsta og þriðja heimsins - klofning sem ógnar mjög friðsamlegum samskiptum í heiminum.

Ekki kemur fram hvað íslenska sendinefndin gerði - en hún hefur örugglega einnig gengið út, sem dyggur leppur Bandaríkjamanna.

[. (IP-tala skráð) 23.9.2011 kl. 00:16]

Þessi maður talar um kynþáttahatur en er sjálfur að ofsækja minnihlutahópa í sínu landi. Bahá'íar er meinað um æðri menntun í Íran og bahá'í börn sæta hræðilegri meðferð í grunnskólum landsins. Það er engum greiði gerður með að hlusta á svona öfgamenn.

[. (IP-tala skráð) 23.9.2011 kl. 00:17]

Bahá'íum er meinað* átti að standa þarna.