Sama og venjulega!

Já, ekki er hann hugmyndaauðugur blessaður landsliðsþjálfarinn okkar - og ætlar ekki að bregða út af vananum þó þetta sé síðasti leikurinn sem hann stjórnar landsliðinu og velur í það.

Sem dæmi má nefna að enn velur hann Alfreð Finnbogason í liðið, þó svo að hann hafi ekkert leikið með félagsliði sínu nú í haust.

Fleiri gloríur má nefna, en þar sem ég nefnt þær svo oft, þá ætla ég að hlífa tryggum lesendum við þeim í þetta sinn.

Það sem ég tek sérstaklega eftir er að Hallgrímur Jónasson er aftur valinn í landsliðið. Hann átti jú fínan leik gegn Kýpur en hefur síðan ekki leikið einn einasta leik með liði sínu, svo maður bjóst við að hann yrði ekki valinn aftur (og Sölvi Geir kominn aftur inn í liðið).

Þá er athyglisvert að sjá Matthías Vilhjálmsson í liðinu. Það er auðvitað góðra gjalda vert að velja mann sem leikur hér heima í liðið. En af hverju Matthías? Nú er t.d. Baldur Sigurðsson, leikmaður Íslandsmeistaranna, búinn að eiga fína leiki í sumar. Af hverju þá ekki hann?

Svo hefði vel mátt verðlauna einhvers sóknarmanninn hér heima fyrst ekki er hægt að nota mann eins og Gunnar Heiðar Þorvaldsson (eða Pálma Rafn) í liðinu.

Við höfum jú markaskorarann Garðar Jóhannsson, og jafnvel KR-inginn Kjartan Finnbogason sem hafa báðir alþjóðlega reynslu.

En Óli heldur sig við sitt gamla lið - og þeir sýna þakkir sínar með því að því að segja engin styggðaryrði um hann.

Síðasti landsliðshópur Ólafs

Athugasemdir

[Leifur Finnbogason, 29.9.2011 kl. 15:22]

Þú myndir aldrei velja Miroslav Klose ef þú værir þjálfari Þýskalands, er það nokkuð?

[Torfi Kristján Stefánsson, 29.9.2011 kl. 19:39]

Nei!

Og ég myndi frekar velja Heiðar Helguson en Alfreð Finnbogason í hópinn.

Heiðar lék þó með QPR í nokkrar mínútur í síðasta leik en Alfreð hefur enn ekki fengið að koma inn á hjá Lokeren sem þó er í einu af neðstu sætunum í belgísku deildinni.

[Leifur Finnbogason, 30.9.2011 kl. 12:35]

Svo þér er sama hvaða einstaklingar eru bestir fyrir landsliðið hverju sinni? Þú vilt einblína á tölfræði? Uppað þeim punkti að þér finnst nokkrar mínútur skipta máli?

Skelltu þér bara á UEFA-leyfi með því langtímamarkmiði að verða landsliðsþjálfari. Býst við að þín hugsun sé ólík hugsun allra núverandi landsliðsþjálfara, svo það er spurning hvernig þú myndir standa þig.