Enginn framherji!!

Þetta hljómar alveg ótrúlega. Enginn senter í liðinu heldur er sóknartengiliður (kantmaður) látinn spila í framherjanum (Rúrik).

Ef ógöngur landsliðsþjálfarans hafa ekki verið orðnar öllum ljós þá ættu þær að vera það núna.

Þá er athyglisvert að Indriði Sigurðsson, sem hefur verið fastamaður í liðinu, sé ekki valinn nú. Þess í stað er Hjörtur Logi valinn í vinstri bakvörðinn, sem ekkert hefur leikið með Gautaborg undanfarið og Hallgrímur Jónasson í varnartengiliðinum, sem einnig hefur fengið fá tækifæri með liði sínu SönderJyske (og B-deildarmaðurinn í Noregi, Kristján Örn, í miðverðinum)!

Svo finnst mér alltaf grunsamlegt þegar leikmenn eru sagði meiddir rétt fyrir leik, eins og nú er sagt með Eggert Jónsson. Hann lék jú allan leikinn fyrir lið sitt gegn Rangers í skosku deildinni um síðustu helgi og fékk frábæra dóma - en nú er hann skyndilega meiddur!

 

 

Þrjú mörk gegn Portúgal en 5:3 tap

Athugasemdir

[Friðrik Friðriksson, 7.10.2011 kl. 21:09]

Þetta er alveg eins og var með Valsarana núna í sumar...Engin framherji Þeir Óskar Hrafn og Pétur Marteins , sérfræðingar í íslenska Boltanum á RÚV töluðu mikið um þetta en Valsarar enduðu þó í efri hlutanum.

Það væri vissulega gaman að vita hvað Óskari Hrafn finnist um Íslenska landsliðið en hann kallar ekki allt ömmu sína í þeim efnum

Vonandi verða þeir félagar Óskar Hrafn og Pétur Marteins aftur á skjánum næsta sumar...enda eru þeir ómssandi og gaman af þeim.

[Torfi Kristján Stefánsson, 7.10.2011 kl. 21:19]

En skoruðu samt. Og það eru "varnar"mennirnir sem eru mest ógnandi, Sölvi Geir og Hallgrímur!

Fer að taka allt aftur með Hallgrím! Danirnir bara vitlausir að nota hann ekki meira (og Svíarnir áður)!

[Torfi Kristján Stefánsson, 7.10.2011 kl. 22:07]

Hér eru myndir af mörkunum í leik Dana og Kýpur:

http://fotball.aftenposten.no/em/article211836.ece

[Torfi Kristján Stefánsson, 7.10.2011 kl. 22:35]

Svíar segja þetta um leikinn: "Portugal slog Island med 5–3, men var illa ute då Hallgrimur Jonasson, till vardags på Gais avbytarbänk, nätade två gånger i den andra halvleken."

Reyndar er Hallgrímnur kominn á varamannabekkinn hjá SönderJyske núna, en þó segir þetta heilmikið um liðið - og um frammistöðu Portúgalana.

Þeir luku keppni á heimavelli næstum eins illa og þeir byrjuðu (4-4 gegn Kýpur)!