562 milljónir á hverja jörð!

18.10.2011 | 11:13

562 milljónir á hverja jörð!

Þeir hjá Lífsval hafa verið duglegir að veðsetja jarðir sínar! Fjórar jarðir með kröfur bankans upp á yfir tvo milljarða króna.

Ein jörðin, Kyljuholt, er smákot á Mýrum við Hornafjörð!

Athyglisvert er að bankinn hafi tekið það í mál að láta Lífsval komast upp með þessa veðsetningu, það er að veita svo há lán á jarðir sem á engan hátt standa undir sér.

Þá er auðvitað spurning af hverju er verið að setja kröfur á þessar jarðir einar og sér en ekki á sjálft fyrirtækið - og láta það sjálft standa fyrir kröfunum.

Þessi lána- og uppkaupsleikur Lífsvals er ekki aðeins bagalegt fyrir bankann heldur og einnig fyrir samfélagið sem slíkt - en með uppkaupum félagsins á jörðum (allt á lánum auðvitað), fór verð á jörðum upp úr öllu valdi og er enn alltof hátt.

Þá er þessi samruni jarða - og stórbú eins og á Flatey - talin vera einhver stærsta hætta sem staðar að landbúnaði og fæðuöflun alls staðar í heiminum í dag.

Því er mikilvægt að stjórnvöld komi inn í þetta ferli og setji loksins lög til að koma í veg fyrir slík uppkaup í framtíðinni. Lög um það liggja fyrir á þingi en Samfylkingin hefur tafið afgreiðslu þeirra hingað til. Mál er að linni.