Sænski boltinn

Það má nú alveg bæta örlitlu við þetta.

AIK er komið í Evrópukeppnina að ári og hlýtur það að styrka stöðu Helga Vals í baráttunni um stöðu miðjumanns í landsliðinu.

Aðrir eru ekki alveg eins heitir eða heppnir. Hjörtur Logi Valgarðsson hefur ekkert spilað með Gautaborg undanfarið og það breyttist ekkert í dag. Theódór Elmar kom inn á í blálokinn en Hjalmar spilar að venju alla leiki liðsins. Hannhlýtur að teljast líklegri í vinstri-bakvarðarstöðuna í landsliðinu, nú þegar Lagerbaeck er tekinn við, en Hjörtur Logi sem ekki nýtur trausts í Gautaborg.

Eiður Sigurbjörnsson var rekinn útaf í leik Örebro og Malmö, þegar staðan var 1-0 fyrir Örebro. Þetta breytti leiknum algjörlega sem endaði 1-2 fyrir Malmö.

Þá er Norrköpingsliðið ekki sannfærandi og rétt slapp við fall. Gunnar Heiðar nýtur trausts hjá þjálfaranum en er samt ekki að gera neinar rósir með liðinu.

Á næsta ári kemur lið Ara Skúlasonar upp í úrvalsdeildina, í stað Halmstad liðs Jónasar Guðna Sævarssonar. Verður forvitnilegt að sjá hvort Ari verði áfram hjá Sundsvall - og þá hvernig hann stendur sig í efstu deildinni.

Helgi Valur skoraði gegn meisturunum