Arðurinn fluttur úr landi

Sem dæmi um mun betri afkomu álfyrirtækjanna en Landsvirkjunar má nefna að hagnaður Alcoa af reglulegri starfsemi í álverinu í Reyðarfirði, á nýliðnum þriðja ársfjórðungi, nam 19,9 milljörðum ísl. kr. Það er 182% aukning frá sama tímabili 2010!!!

Af þessu greiðir fyrirtækið sáralitla skatta en flytur hagnaðinn að langmestu leyti beint út úr landinu.

Talandi um nauðsyn erlendra fjárfestinga til að koma hagvextinum hér á landi á blússandi ferð aftur!!!!

Við þetta má bæta að í fréttinni kemur loks fram hvað álfyrirtækin eru að greiða fyrir raforkuna, en það er þrefallt minna en annars staðar í Evrópu (20-25 dali á megawatt en 70-75 í Evrópu).

Þetta lága orkuverð gerir lánakjör Landsvirkjunar mjög slæm þar sem arðsemin er svo lítil.

Það er ekki nema von að stóriðjuflokkarnir, Framsókn, íhald og kratar hafa hingað til haldið álverðinu leyndu (og logið því til að það hafi verið gert að ósk kaupendanna!). 

Þessi frétt ein ætti að vera okkur víti til varnaðar og segja okkur að aldrei að leyfa þessu liði að komast til valda aftur.

Of lítil arðsemi af virkjunum

Athugasemdir

[Torfi Kristján Stefánsson, 15.11.2011 kl. 18:25]

Það má enn bæta við þetta. Það þarf greinilega vinstri stjórn til að fá upplýsingar um raforkuverð til álfyrirtækja. Síðast þegar hulunni var svipt af raforkuverðinu, var í tíð Hjörleifs Guttormssonar sem iðnaðarráðherra vinstri stjórnarinnar á árunum 1971-74. Þá hafði Viðreisnarstjórn íhalds og krata legið á upplýsingum um raforkuverðið til álversins í Straumsvík, eins og ormur á gulli, - rétt eins og mið-hægri stjórnirnar hafa gert síðan.

Loksins núna fáum við aftur upplýsingar um raforkuverðið - og nota bene - það var ekki iðnaðarráðherrann sem upplýsti um það heldur ópólitískur forstjóri Landsvirkjunnar.

Loksins fáum við gagnsæi í þessi mál - gangsæi sem við verðum að standa vörð um og láta ekki stela frá okkur aftur!