Góður fyrri hálfleikur!

Íslenska liðið hefur sýnt góðan leik í fyrri hálfleiknum gegn Sviss. Menn berjast hver fyrir annan. Sérstaklega hafa sóknartengiðliðirnir, Rúrik og Birkir, verið duglegir að koma aftur og hjálpa vörninni. Þá er Ragnar Sigurðsson að verða að miðverði á heimsmælikvarða.

Sóknin gengur ágætlega. Spilið er yfirleitt gott og menn eru að hitta hvern annan í lappirnar. Það er helst Emil Hallfreðsson sem er að gera gloríur með lélegar sendingar. Þá er hann - og einnig Birkir - oft út úr stöðum sínum. Þyrfti að aga þá með góðri ræðu í hléinu eða taka annan hvorn þeirra útaf snemma í seinni hálfleik, helst Emil fyrst.

Svo voru tvö óþarfa gul spjöld á Eggert og Rúrik þar sem engin ástæða var að brjóta. 

Íslenska liðið saknar alls ekki Arons Einars!

Tap gegn Sviss í Laugardalnum

Athugasemdir

[Torfi Kristján Stefánsson, 16.10.2012 kl. 20:36]

Þetta er að verða eins og í landsliðsþjálfaratíð Óla Jó. Íslenska landsliðið leikur "vel" en tapar samt!!

Það er greinilega eitthvað mikið að í hugmyndafræði hjá aðstandendum íslenska landsliðsins. Ungu mennirnir sem valdir eru í liðið er greinilega ekki enn komnir með nægilega mikla reynslu til að halda út leik eins og þennan.

Nú gefst tími fram í mars að breyta um strategíu - og kalla inn leikreyndari menn í liðið, menn sem eru að spila í betri deildum og menn sem eru að spila reglulega með félagsliðum sínu.

Undankeppnir EM og HM í fullorðinsflokki eru ekki fyrir börn.