Veikt fyrsta sæti hjá Össuri

Össur fær aðeins 972 atkvæði í fyrsta sætið eða undir 40% atkvæða.
Samfylkingin var að gantast með það að Bjarni Ben hafi aðeins fengið um 50% í fyrsta sætið í Kraganum og töldu það veika kosningu.
Hvað þá með þessa?
Mér sýnist af þessu að stuðningsmenn Össurar geti gleymt draumum sínum um að hann verði aftur formaður flokksins.

Hins vegar er komið sterkt formannsefni fyrir Samfylkinguna fram í Suðurkjördæmi, Oddný Harðardóttir.
Hún fékk fleiri atkvæði í fyrsta sæti þar, eða 1010, en Össur fékk í Reykjavík!
Prósentulega er munurinn auðvitað enn meiri því mun færri kusu í Suðurkjördæmi. Oddnú fékk þar hátt í 70% atkvæða.

Össur í 1. sæti, Sigríður í 2. sæti

Athugasemdir

[Torfi Kristján Stefánsson, 17.11.2012 kl. 22:14]

Nánari tölur:

1. Össur Skarphéðinsson með 972 atkvæði í 1. sæti

2. Sigríður Ingibjörg Ingadóttir með 1322 atkvæði í 1.-2. sæti

3. Helgi Hjörvar með 1205 atkvæði í 1.-3.sæti

4. Valgerður Bjarnadóttir með 1255 atkvæði í 1.-4. sæti

5. Skúli Helgason með 1246 atkvæði í 1.-5. sæti

6. Björk Vilhelmsdóttir með 1350 atkvæði í 1.-6. sæti

7. Mörður Árnason með 1477 atkvæði í 1.-7.sæti

8. Anna Margrét Guðjónsdóttir með 1381 atkvæði í 1.-8. sæti

Sterkt annað sæti hjá Sigríði, annars frekar jöfn dreifing nema að ESB-sinninn Anna Margrét Guðjónsdóttir fær frekar veika kosningu í 8. sæti.