Einn til frásagnar!

Nú hlaupa allir þeir sem eru með fóbíu fyrir islam upp til handa og fóta og hneykslast hvað af tekur.

Þetta á sérstaklega við í hinu víðsýna og umburðarlynda frændríki okkar, Danmörku.

Miklu meira er skrifað um þetta mál í dönskum fjölmiðlum en nokkrum sinni um hryðjuverk hægri-fasistans Breiviks, sem þó drap 84 manneskjur, allt í nafni stríðsins gegn fjölmenningunni og islam!

Það merkilega við þetta allt saman er að mannræfill þessi sem segist hafa orðið fyrir árás, er einn til frásagnar og hefur vísast logið öllu saman.

Hann hefur nefnilega kvartað nýlega yfir fjárskorti sem standi baráttuni gegn helv. islamistunum fyrir þrifum. Því ætlaði hann að laga fjárhaginn með því að endurbirta níðmyndirnar af Muhameð spámanni. Með þessari fjölmiðlauppákomu ætti hann m.a.s. geta sloppið við slík "skítverk", því peningarnir munu eflaust steymna inn til hans til stuðnings frjálsri tjáningu!

Teknar hafa verið nokkrar af helstu fullyrðingum hans um islam sem lesa má hér:

http://politiken.dk/indland/ECE1889556/fakta-se-lars-hedegaards-kontroversielle-citater/

Þar fullyrðir hann m.a. að þeir sem tilheyra islam nauðgi börnum sínum, frænkum og öðrum nátengdum stúlkubörnum (það tilheyri jú trú þeirra). Það sé hluti af trú þeirra að segja ósatt, osfrv.

Og þessi maður er nú helsti boðberi frjálsrar tjáningar og andstæðingur hvers kyns takmörkunum á tjáningarfrelsinu. Ritskoðun, nei takk!

Já, það er mikilvægt að trúa manninum og fordæma "aðförina" að honum því hún er jafnframt aðför að hinu vestræna tjáningarfrelsi: Hallejúja!

Reyndi að myrða Dana sem gagnrýnir íslam

Athugasemdir

[Torfi Kristján Stefánsson, 5.2.2013 kl. 20:43]

Svona í framhaldi af þessu máli má nefna að Hegegaard þessi var dæmdur fyrir rasisma vegna ummæla sinna um að islamstrúarmenn nauðgi kerfisbundið stúlkubörnum í fjölskyldum þeirra.

Eftir það reyndi flokkur hans Danski þjóðarflokkurinn að fá lögum um rasisma breytt og tókst það skilst mér.

Á meðan réttarhöldunum stóð greip einn þingmaður flokksins til varnar fyrir Hedegaard og sagði að islamskir feður nauðgi að vísu ekki dætrum sínum (létu frændur sína um það) heldur myrtu þær (vísaði þar til heiðursmorðanna svokölluðu).

Fyrir þetta var þinghelgi hans afnumið og hann leiddur fyrir rétt vegna söku saka og Hedegaard og sektaður um eitthvað smávegis, rétt eins og félagi hans:

http://www.dn.se/nyheter/varlden/dansk-rasismparagraf-kan-andras