Hrunið byrjaði í USA ...

Þær eru merkilegar fréttirnar um verðhrunið á hlutabréfamarkaðinum. Aðalfréttirnar eru um hrun í Kína og á Asíumarkaðinum í kjölfarið en enginn segir frá hruninu á iðnaðarhlutabréfum Dow Jones á fimmtudag og föstudag í síðustu viku. Mátti kannski ekki segja frá því að þetta hrun hafi einnig gerst í vöggu kapitalismans, þ.e. vestanhafs?

Dow Jones vísitalan lækkaði þá um 888 stig, meira en nokkru sinni áður tvo daga í röð, og þannig meira en í Hruninu mikla í október og nóvember 2008. 

Svo talaði spekingurinn sem sá fyrir Hrunið hér á landi 2008 að það væri einsdæmi og endurtæki sig aldrei aftur! Amk eru margir að spá því að núverandi bóla muni þá og þegar springa og sú sprengja yrði litlu skárri en sú sem sprakk 2008.

Kapitalisminn er nefnilega samur við sig. Hann er bólumyndandi - svo kemur kreppa - og so bóla á ný ... Og því minni stýring á markaðinum því stærra verður hrunið.

Við sjáum fyrstu merki þess en núverandi ókyrrð á markaði er sú stærsta í fjögur ár. Furðulegt að ráðandi öfl læri aldrei neitt af sögunni. 

Verðhrun á íslenskum markaði