Eru takmarkanirnar þess virði?

Hér á landi hefur ekki verið gerð athugun á dánartíðni á tímum kófsins annars vegar og fyrri ára yfir sama tímabil hins vegar - án kófsins.
Norðmenn hafa aftur á móti gert þennan samanburð og niðurstöðurnar eru mjög athyglisverðar.
Af þeim 236 sem hafa látist í Noregi og verið með veiruna var 90% þeirra með krónískan undirliggjandi sjúkdóm. Reyndar er því haldið fram í rannsókninni að veiran hafi verið helsta ástæða andlátsins en þó er viðurkennt að ekki sé hægt að sjá hvort undirliggjandi sjúkdómar hafi haft mikil eða afgerandi áhrif.

Samt má sjá að dánartíðni í landinu hefur ekki aukist í faraldrinum. Hún var meira að segja aðeins minni en árið áður. Flestir sem dóu voru yfir 80 ára en "aðeins" 32 undir sjötugt. Þá var stærsta hlutfall þeirra sem létust með undirliggjandi lungnasjúkdóma. Þess vegna drógst mjög saman milli ára fjöldi þeirra sem dóu beint úr lungasjúkdómi eða 100 færri en venjulega á því tímabili sem dauðsföll af völdum veirunnar stóð yfir.
Einnig dóu mun færri úr inflúensu en á sambærilegu tímabili síðustu fimm árin.

Þetta bendir til þess að sjálf veiran sé miklu hættuminni en stjórnvöld og heilbrigðiskerfið vill vera láta - og að þær hörðu varnaraðgerðir gegn henni, og sá fórnarkostnaður sem þeim er samfara, séu alls ekki þess virði.

https://www.nrk.no/norge/ni-av-ti-som-dodemed-covid-19-hadde-en-kronisk-sykdom-1.15170100

Veiran dekkir horfurnar