Enn í hitanum hjá Jolla

Jóihannes Karl Guðjónsson hefur ekki leikið einn einasta leik með 1. deildar liði Burnleys nú á þessari leiktíð, og yfirleitt ekki einu sinni komist í leikmannahópinn, en leikið alla leikina með íslenska landsliðinu vegna náðar og miskunnar Eyjólfs landsliðsþjálfara.

Menn hafa verið að gagnrýna val  Jolla á leikæfingalausum Eiði en ekki nefnt Jóhannes á nafn þrátt fyrir afleita frammistöðu hans með landsliðinu. Þar hefur leikæfingarleysi hans hvað eftir annað komið berlega fram, varla átt eina heppnaða sendingu á samherja og misst boltann hvað eftir annað. Svo kvarta menn yfir slökum miðjuleik landsliðsins!

Ég vil leyfa mér að fullyrða að rangt val landsliðsþjálfarans á leikmönnum hafi átt stærstan þátt í slökum árangri íslenska landsliðsins. Svo alvarlegt er málið að mínu mati að reka hefði átt Eyjólf eftir síðasta leik, rétt eins og  gert var við Steve Stanton þjálfara írska landsliðsins í gær (voru Írar þó með 15 stig en ekki 8 eins og við).

Eina réttlætanleg ástæðan fyrir að það var ekki gert hlýtur að hafa verið loforð Eyjólfs um að velja Jóhannes Karl ekki aftur í liðið. Ef slík krafa hefur ekki verið lögð fram af stjórn KSÍ er hún samábyrg ef illa fer gegn Dönum á Parken nú í nóvember.

 

Jóhannes Karl enn úti í kuldanum