Árinni kennir ...

Væri ekki nær fyrir Alfreð að líta í eigin barm og athuga betur val sitt á liðinu? Hann segir t.d. um leikstjórnandann Snorra Stein að hann hafi gert "urmul mistaka" og hætt "í raun að stjórna" leik liðsins. Sá sem kom í hans stað hafi leikið of hægt.

Einhvers staðar hef ég gagnrýnt val Alfreðs á landsliðinu og furðað mig á því að Ragnar Óskarsson hafi ekki verið valinn. Hann hefur ekki aðeins verið margoft valinn besti leikmaður einhverrar sterkustu handboltadeildar í heimi, þeirrar frönsku, heldur alltaf staðið sína pligt þegar hann hefur verið valinn í landsliðið.

Snorri Steinn hefur hins vegar verið mjög mistækur með landsliðinu, átt oft góða leiki en svo skelfilega þess á milli, og því mikil þörf fyrir að vera með öflugan miðjumann á móti honum. Það var ekki gert svo Alfreð getur frekar sjálfum sér um kennt en liðinu.

Þá lýsti Alfreð því yfir fyrir leikinn að hann ætlaði að prófa Arnór Atlason í leikstjórnandastöðuna. Það virðist hann ekki  hafa gert, enda hefur Arnór ekki verið í náðinni hjá Alfreð þrátt fyrir góða frammistöðu í dönsku deildinni.

Er ekki frekar eitthvað að landsliðsþjálfaranum en liðinu?

Leikurinn við Ungverja fyrir neðan allar hellur