Kaupþing á hausinn?

Loksins fékk maður að sjá skilgreiningu á því hvað þetta margumtalaða skuldatryggingarálag er.

Það mælir hvað það kostar fjárfesta að kaupa tryggingu gegn því að útgefandi skuldabréfs geti ekki staðið við skuldbindingar sínar.
Kostnaðurinn er mældur sem álag ofan á grunnvexti. Álagið er almennt talið einn besti mælikvarðinn á markaðskjör banka á alþjóðamörkuðum.

Annars er þessi frétt mjög athyglisverð og hefði kannski átt að bera yfirskriftina hér að ofan. Kaupþing virðist vera komin vel á veg með að verða fallít. Það þarf auðvitað erlendan aðila til að segja okkur það. Það kemur ekki á óvart að álagið er mest hjá Kaupþingi.

Við hefðum getað sagt okkur að eitthvað væri að þegar Kaupþing seldi banka sinn í Færeyjum, sem var í raun eitt fyrsta skrefið í hinni miklu útrás bankans, einhvers konar táknmynd þess.

Kaupin á hollenska bankanum er hins vegar líklega tákn um hrun útrásarinnar, eða a.m.k. Kaupsþings

Kaupin á honum hljóta að verðast einhver verstu mistök íslenskrar viðskiptasögu fyrr og síðar. 

Tryggingarálagið í hæstu hæðum

Athugasemdir

[Björn Heiðdal, 13.1.2008 kl. 11:54]

Vill einhver kaupa af mér Aquanet gull kort.  Góð kjör bjóðast þeim sem eiga ennþá eitthvað í Kaupþingbanka.

[Jónína Benediktsdóttir (IP-tala skráð) 13.1.2008 kl. 12:20]

Sigurdur Einarsson og Hreidar Mar skila vonandi kaupaukum, bonusum og hluta launa sinna. Thetta var allt a sandi byggt eins og augljost var theim sem a annad bord vildu sja hvernig thessir forkolfar hogudu ser. En rikisstjornin sofnadi a verdinum og thurfa nu ad bretta upp ermar og haetta thessum sleikjugangu vid jammarana. Partyid er buid!! Oll thjodin tharf ad axla abyrgdina ef ekki a mjog illa ad fara. Ef thessir glaefrafjarfestar framselja nu bref HS til thess ad bjarga FL group og Kaupthingi og spretthlaupurum Kaupthings tha er von. Sennilega er thad eina lausnin i sjonmali, su ad selja HS bref GGE til oliufurstanna sem lana islensku bonkunum peninga til thess ad vidhalda veislunni. God grein hja ther!

[joli (IP-tala skráð) 13.1.2008 kl. 18:27]

landráðamenn dabbi og co

[Guðjón Sigþór Jensson, 15.1.2008 kl. 20:24]

Ætli Kaupþing sé ekki alla vega á einn vetur lengur setjandi? Mosa finnst margir vera of fljótir að ákveða hvað eigi að senda í sláturhúsið. Nú er mikið en nokkuð erfitt fjárfestingaár að baki og því fyllsta ástæða til að doka og sjá hvort Eyjólfur hressist ekki.

Spurning hvort ekki sé að myndast gott kauptækifæri fyrir langtímafjárfesta?

Mosi

[Torfi Kristján Stefánsson, 17.1.2008 kl. 12:56]

Takk Jónína! Þú stendur þig líka vel!

Sjónarspilið í kringum Kaupþing heldur áfram. Í gær var frétt um það í fjölmiðlum að Kaupþing væri enn að leitast við að kaupa hollenska bankann (þegar allir aðrir eru að tala um að þeir séu að reyna að losa sig út úr kaupunum) og í dag var frétt um að hugmynd bankans væri að snúa sæminu við. Sá hollenski keypti Kaupþing!

Þetta síðasta hélt ég reyndar að væri raunin því hollenski bankinn er (eða var amk) miklu mun stærri en sá íslenski. Kaupin á hollenska bankanum tel ég hafa verið augljóst dæmi um að Kaupþing ætlaði að fara úr landi sem starfsemi sína, en hafi með látalátum ætlað að blóðmjólka kerfið hér heima áður en farið væri (og svo auðvitað kenna því um brottflutninginn, þ.e. að Kaupþing hafi neyðst til að flytja vegna óhagstæðs markaðsumhverfis).

Nú telja þeir sig hafa fengið ástæðuna, þ.e. að fá ekki að gera upp í evrum. Þeir geta hins vegar ekkert farið vegna þess að þeir eru með allt niðrum sig á erlendum lánamörkuðum - og geta auðvitað ekki staðið við kaupsamninginn við hollenska bankann því lánakostaðurinn til að fjámagna kaupin er svo hár.

Já, ég held að það sé tími til kominn hjá þessum háu herrum þar á bæ að skila kaupaukunum, bónusunum og lækka launin hjá sér umtalsvert.

Ef þeir gera það ekki þá á stjórn bankans að gera það fyrir þá.