Heppni!

Við vorum heppin með drátt í umspilsleikjunum fyrir VM á næsta ári. Í pottinum voru lið eins og Serbía (sem við rétt unnum síðast), Slóvakía (sem var með á EM) og Rúmerar sem eru óðum að sækja í sig veðrið - en fengum Makedóníu!

Það verður mikið um að vera í maí og júní á handboltavellinum því í maí-júní verður undanriðinn fyrir Ól og svo þessir leikir við Makedóna strax á eftir.

Vonandi verða okkar menn í góðu formi - og létt yfir þeim - eftir riðlakeppnina en þar bíða okkar Pólverjar og Svíar í keppni um tvö sæti.

Það er ekki langt í þessa stórleiki og því mikilvægt að nýr landsliðsþjálfari verði valinn sem fyrst og það maður sem þekkir vel til íslensks handbolta því enginn tími gefst til gagngerra breytinga. Þessi stutti tími kallar á að íslenskur þjálfari verði ráðinn, maður sem hefur leikið með íslenska landsliðinu nýlega og þekkir þannig vel til mála,og hefur jafnframt fengið mikla og góða reynslu af þjálfun.

Ég hef ákveðinn þjálfara í huga og vil í því sambandi benda á árangur Dana nú mörg undanfarin ár í boltanum. Eftir að hafa unnið bronsið í síðustu keppnum eru þeir nú komnir alveg á toppinn og keppa um gullið í dag við Króata.

Aron Kristjánsson núverandi þjálfari Hauka hefur spilað og þjálfað þar í landi mörg undanfarin ár með góðum árangri og þekkir þannig til uppbyggingarinnar þar. Hann ætti að geta miðlað okkur af þeirra þjálfunaraðferðum og hjálpað okkur þannig upp á toppinn.

Ergo: Aron sem næsta landsliðsþjálfara!

Ísland mætir Makedóníu

Athugasemdir

[snorri (IP-tala skráð) 27.1.2008 kl. 11:44]

Hvað með Dag Sigurðsson, eða Geir Sveins.....eða þá báða saman... 

[Torfi Kristján Stefánsson, 27.1.2008 kl. 14:26]

Dagur er upptekinn við uppbygginguna hjá Val og gefur eflaust ekki kost á sér. Annars eru þeir saman annað val hjá mér - og ættu að geta bætt hvorn annan upp. Auðvitað væri gaman að fá Valsara sem þjálfara en ..