Gott gengi?

Þetta er nú einhver misskilningur hjá Morgunblaðinu. Íslendingarnir eru alls ekki að standa sig vel á þessu móti, enda hefur íslensk skák dregist aftur úr á alþjóðavísu nú mörg undanfarin ár. Hér áður fyrr var landinn að berjast um efstu sætin á mótinu, sem að auki voru oft mun betur mönnuð þá en nú.

Eftir þrjár umferðir nú eru t.d. efsti Íslendingurinn í 10. sæti og sá næsti í því 12. Þriðji hæsti Íslendingurinn (sem er reyndar Dani) er svo í 27. sæti! 

Hér er listi yfir frammistöðu landans hingað til.

Fyrst eru alþjóðlegu meistararnir nefndir sem eru að stefna að stórmeistaratitli (þurfa að vera með 2500 til að ná honum). Síðasta talan gefur til kynna hvernig þeir standa sig miðað við fyrr stig:

Kristjansson Stefan   ISL  2476  2,5   2449  3  1,9 (stig í plús)
Gunnarsson Jon Viktor ISL  2429  2,0   2429 3  0,6
Thorfinnsson Bragi   ISL  2406  2,0   2193  3   -6,1

Þá þeir sem eru að reyna að verða alþjóðlegir meistarar (þurfa 2400 stig til þess):

Thorfinnsson Bjorn   ISL  2364  1,5   2578  3  11,9
Arngrimsson Dagur   ISL  2359  1,5   2357  3  -0,8
Lagerman Robert   ISL  2348  1,5   2328  3  -1,8
Johannesson Ingvar Thor  ISL  2338  1,0   2295  3  -3,0
Bergsson Snorri   ISL  2333  1,5   2419  3    4,8
Kjartansson Gudmundur   ISL  2307  1,5   2406  3  5,6
Kjartansson David   ISL  2288  1,0   2278  3  -1,5
Bjornsson Sigurbjorn   ISL  2286  1,5   2329  3  3,5

Þá þeir ungu sem eru efnilegastir:

Gretarsson Hjorvar Steinn ISL  2247  1,0   0  2  -0,8
Thorgeirsson Sverrir   ISL  2120  0,5   2076  3  -2,3

Hjörvar hefur reyndar aðeins teflt tvær skákir.

Einu gleðifréttirnar á mótinu (fyrir utan sigur Björns Þorfinnssonar á stigahæsta manni mótsins í fyrstu umferð) er frammistaða Atla Freys, Bjarna Jens og Helgi Brynjars en þessir piltar eru það stigalágir að það er langt í það að þeir geta farið að láta sig dreyma um að verða alþjóðlegir meistarar:

Kristjansson Atli Freyr ISL  2019  2,0   2530  3  25,0
Kristinsson Bjarni Jens ISL  1822  1,5   2426  3  29,3
Brynjarsson Helgi   ISL       1914  1,0   2282  3  16,8

Gott gengi Íslendinga á skákmótinu

Athugasemdir

[Sigurður Þór Guðjónsson, 7.3.2008 kl. 10:22]

Þetta er alveg rétt hjá þér. Íslendingsar eru ekki lengur eins góð skákþjóð og þeir voru um árabil. Skákáhugi er líka líklega minni og ekki er hægt að búa hann til með einhverjum skákatökum. Það er árangur bestu manna sem drífur upp áhugann. Enginn Íslendingur er nú meðal efstu manna. Skákbylgjan mikla er hnigin. Reykjavíkurmótin eru líka orðin annars flokks ef ekki þriðja flokks mót miðað við sem var t.d. í kringum 1975.