Ástæða árásarinnar

Ég skrifaði færslu hér fyrr í morgun til að gera grein fyrir hvers kyns skóli þetta væri. Þessi frétt Morgunblaðsins nú staðfestir það sem ég skrifaði þá, þ.e. að hér sé um að ræða skóla öfgafullra Zionista sem er einhver helsta hugmyndafræðin fyrir landnámi gyðinga á hernumdu svæðinu.

Samkvæmt þeim er landnámið liður í því að víkka út landamæri Zions, ríki Davíðs konungs, svo að Ísraelsríki nútímans nái yfir jafn stórt svæði og á tímum Davíðs. Það myndi þýða að stór hluti Líbanons, Sýrlands og Jórdaníu myndu tilheyra hinu nýja Zion. Talandi um útþenslustefnu!

Ísraelsk yfirvöld gagnrýnd

Athugasemdir

[Theódór Norðkvist, 7.3.2008 kl. 11:56]

Góð ábending, en réttlætir ekki árás á óbreytta borgara í námi, ekki frekar en að Ísraelsmenn mættu ráðast inn í moskur sem eru mjög oft látnar gegna hlutverki útungarstöðva fyrir hryðjuverkamenn.

[Haukur (IP-tala skráð) 7.3.2008 kl. 12:03]

Hvað kemur það 8 látnum einstaklingum við sem voru drepnir við að lesa bækur?

Er hægt að skilja þig þannig að af því þetta voru einstaklingar sem voru í skóla "Öfgafullra Zíonista" eins og þú kallar þá, þá sé það bara sjálfsagt mál að þeir voru drepnir með köldu blóði? Það er naumast hvað þú ert mikill mannvinur. Ef maður gengur í skóla sem fólk eins og þú hefur horn í síðu þá er bara allt í lagi að nemendur slíks skóla séu myrtir. Því jú eins og þú segir sjálfur þá þurfti endilega að koma fram hjá þér og Morgunblaðinu að þetta sé bókstafstrúarskóli en ekki almennur skóli, því þá hefði þetta verið alveg hrikalegt er það ekki. Nema kannski að það sé bara alltaf í lagi þín vegna að Ísraelskir ríkisborgarar séu drepnir með köldu blóði allstaðar, alltaf? 

[Ómar Bjarki Kristjánsson, 7.3.2008 kl. 13:20]

Það afsakar eða réttlætir ekki neitt að draga fram hvernig skóli þettar en samt sem áður bara staðreynd.  Skólinn byggir á að útþensla ísraels sé sjálfsögð samkvæmt trúarlegum ritúölum.  Margir landnema í ólöglegu landnemabyggðunum hafa gengið í þennan skóla og sterk tengsl þar á milli. 

Skólastjórinn fyrrverandi lýsti yfir að það, að yfirgefa svæði sem hefur verið lagt undir sig á þann hátt sé  halacha og algjörlega bannað.

Það, að benda á hvernig skólinn er, hlýtur að vekja forvitni almennings um hvers eðlis ríkið Ísrael er.

 Nú, með morðin, þá vakna spurningar í mínum huga (af því eg hef nú heimsótt Ísrael) um hvar öryggisgæslan var.  Alls staðar þar sem maður fer inná staði þar sem fjölmenni er, er alltaf alveg þvílík öryggisgæsla.  Í þessu tilfelli er eins og maðurinn hafi bara labbað inn um aðalinngang,  í einni fréttinni sagt að hann hafi haft hríðskotariffil í pappakassa auk skammbyssu og svo líða 10 min áður en nokkuð er gert.  Mér finst vanta skýringar á, hvar öryggisgæslan var, því eg kaupi ekki að staður sem þessi sé án allrar öryggisgæslu.

[Torfi Kristján Stefánsson, 7.3.2008 kl. 13:24]

Það kemur fram í fyrri grein minni um þetta mál að ég er ekki að réttlæta eitt eða neitt. Vopnaðar árásir á óvopnað fólk, eða þá sem standa miklu verr á vígi en árásarmaðurinn, eru ekkert sem vert er að mæra.

Ég vil hins vegar benda á að  Ísraelsmenn tíðka einmitt slíkar árásir á vanmáttuga nágranna sína undir því yfirskyni að þeir séu að verja hendur sínar, sem er ein stór lygi.  

Ég tek fram að mér finnst sjálfsagður réttur hvers og eins að verja hendur sínar ef á hann er ráðist. Þetta er ekki síst réttur þeirra minnimáttar.

Ég virði hvern þann mann sem ver hendur sínar, sérstaklega þegar á hann er ráðist af miklum meirihluta eða þegar leikurinn er mjög ójafn.

Það að vilja markera þann sem hefur yfirhöndina, áður en hann gengur endanlega frá manni, er miklu virðingarverðara að mínu mati en að leyfa einhverjum að berja sig án mótstöðu í von um að barsmíðunum ljúki fyrr, eða að dauði manns verði sársaukaminni fyrir vikið.

Því dáist ég að baráttuþreki Palestínumanna, styð baráttu þeirra gegn ofurvaldi Ísraelsmann heilshugar - og skil vel árás þeirra á þennan uppeldisskóla öfganna.