Kaupþing næst?

Nú er bara að bíða og sjá hvernig svikamyllan fellur. Norðmenn tala um að það verði Kaupþing sem falli næst enda nær öruggt að það er sá banki sem ábyrgist lán Stoða hf, sem mun vera upp á tugi ef ekki hundraði milljarða, sjá um Kaupþing á http://e24.no/boers-og-finans/article2681372.ece

Ekki er ljóst hvort brask bankans undanfarið með gjaldeyri hjálpi honum mikið, enda hækkar það bara erlendu lánin. Það er eins og stóru bankarnir tveir séu að kaupa sér frest en með því verður fallið enn stærra. Þessir tveir bankar eru miklu stærri en svo að ríkið geti bjargað þeim ("too big to sell and too big to save"). Þessu neita Kaupþingsmenn auðvitað, rétt eins og Lárus Wedding neitaði því um fyrri helgi að Glitnir stæði illa og fullyrti þvert á móti að útlitið hafi aldrei verið bjartara!!

Já, það er mikið að marka þessa herramenn. Og ekki eru pólitíkusarnir betri. Leika nytsama sakleysingja ("vita" t.d. ekki hver er að fella krónuna) og/eða ljúga uppi í opið geðið á þjóðinni.

Er ekki komin tími á að krefjast afsagnar ríkisstjórnarinnar og uppgjörs vegna gjafa bankanna á sínum tíma? 

Stoðir óska eftir greiðslustöðvun

Athugasemdir

[Torfi Kristján Stefánsson, 29.9.2008 kl. 13:43]

Þetta er reyndar ekki eina fréttin í norrænu miðlunum um slæma stöðu íslenskra fjármálafyrirtækja. Í politiken.dk er frétt um það að greiðslustöðvun Stoða hafi haft áhrif á bruggverksmiðjun sem þeir eiga, Royal Unibrew sjá http://politiken.dk/erhverv/article574426.ece

Rétt í þessu var forstjóri fyrirtækisins rekinn og áætlaður hagnaður á þessu ári mjög dreginn saman.

Stoðir virðast hins vegar hafa tekist að bjarga Sterling í bili með því að selja sjálfum sér hann (þ.e. dótturfyrirtæki þess). Hvað það varir lengi veit nú enginn, ekki frekar en með Baugs-veldið eins og það leggur sig.

[Ingvar (IP-tala skráð) 29.9.2008 kl. 21:35]

Hvar er jákvæðnin strákar.... Við komumst ekki langt á þessari neikvæðni ykkar. Glitnir hefur átt í vandræðum með lausafé lengi og það er ekkert nýtt. Þessi kaup ríkisins er í raun ekkert undarleg m.v. það sem á undan er gengið hjá þeim.