26.10.2008 | 17:56
Aðrir Íslendingar ytra ...
Það eru fullt af leikjum öðrum ytra, þar sem Íslendingar koma við sögu.
Ekki virðist þó landsliðsmönnunum almennt vera treyst í liðum sínum. Emil Hallfreðsson var ekki einu sinni á bekknum hjá Reggina sem vann sinn leik 2-0. Þá var Stefán Gíslason tekinn út af í hálfleik, þegar lið hans Bröndby leiddi aðeins 1-0. Leiknum lauk hins vegar með 3-0 sigri liðsins.
Þá var Arnar Smárason enn og aftur á bekknum hjá Heerenveen sem náði jafntefli gegn Feyenoord á útivelli.
Í Svíþjóð leika Íslendingafélögin Gautaborg og Elfsborg innbyrðis og eru allir Íslendingarnar þar í byrjunarliðinu, Ragnar Sigurðsson og Hjálmar Jónsson með Gautaborg og Helgi Valur Daníelsson með Elfsborg. Bæði liðin eru í toppbaráttunni þarna og skiptir því þessi leikur miklu máli. Gautaborg er að vinna stórsigur 5-2.
Í Noregi gerðust þau tíðindi að Ólafur Bjarnason hjá Brann var valinn besti maður liðsins á þessu leiktímabili af stuðningsmönnum þess. Hann er í byrjunarliðinu ásamt Birki Má Sævarssyni en Gylfi Einarsson og Ármann Björnsson eru á bekknum. Kristján Örn er í leikbanni.
Þá er Garðar Jóhannsson í byrjunarliðinu hjá Fredrikstad sem með sigri í dag getur tryggt sér silfurverðlaunin í keppninni (liðið er þó undir eins og er 0-1).
Stabæk er yfir gegn Vaalerenga 2-0 og skoraði Veigar Páll bæði mörkin. Liðið er þegar orðið norskur meistari.
Þá er leikur milli Íslendingaliðanna Lynn og Aalesund og er Lyn yfir 1-0 eins og er. Íslendingarnir eru allir í byrjunarliðinu, þeir Indriði Sigurðsson og T. Elmar Bjarnason hjá Lyn og Haraldur Guðmundsson hjá Álasundi.
Lið Haralds er í hörku fallbaráttu og þarf nauðsynlega á sigri að halda til að eiga möguleika á að halda sér upp. Nýr þjálfari, hinn kunni Kjetil Rekdal, hefur komið skikk á liðið sem hefur tekið á sig rögg undanfarið. Haraldur nýtur trausts hjá frekjudallinum Rekal sem hafði þó byrjað á því að setja Harald út úr liðinu og tapað (með því?) fyrstu leikjunum.
Nú er kappinn hins vegar inni í varmanum og ætti að vera mögulegur kostur í landsliðið. Hann er mjög vel spilandi, með góðan vinstri fót en alls ekki einfættur eins og Hermann Hreiðarsson - og spilar sömu stöðu.
Grétar Rafn í liði Bolton en Heiðar á bekknum | |
Tilkynna um óviðeigandi tengingu við frétt |
Um bloggið
Torfi Kristján Stefánsson
Færsluflokkar
Heimsóknir
Flettingar
- Í dag (5.5.): 7
- Sl. sólarhring: 8
- Sl. viku: 134
- Frá upphafi: 455527
Annað
- Innlit í dag: 6
- Innlit sl. viku: 121
- Gestir í dag: 6
- IP-tölur í dag: 6
Uppfært á 3 mín. fresti.
Skýringar
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.