Eitthvað fyrir okkur?

Er þetta ekki fordæmi sem okkur ber að fylgja?

Að vísu eru stjórnarflokkarnir íslensku ekki sekir um kosningasvik heldur um vanhæfni í starfi - sem að mínu mati hefur mun alvarlegri afleiðingar en meint svik í Taílandi.

Auk þess er athyglisvert að forystumenn stjórnarflokkanna eru dæmdir í fimm ára bann frá þátttöku í pólitík. Þetta er einnig eitthvað fyrir okkur að skoða, a.mk. hvað Geir Haarde varðar og aðra sjálfstæðismenn. Þeir eru búnir að sitja allt of lengi. Ingibjörg mætti hins vegar fá sjens eitthvað lengur enda aðeins búin að sitja við kjötkatlana í um 18 mánuði.

Merkilegt er að í þessari frétt segir ekkert af vanhæfum Seðlabankastjórum eða forstjórum Fjármálaeftirlits þeirra í Taílandi.

Þarna getum við augljóslega gert betur en Taílendingarnir og bætt þessum fígúrum á lista þeirra sem verða settir í ævilangt bann hérlendis frá því að koma að innlendri stjórnsýslu.

Stjórn Taílands dæmd frá völdum

Athugasemdir

[Dóra, 2.12.2008 kl. 07:16]

Já þetta heima á Íslandi er bara einsdæmi... auðvita á að vera búið að setja þessa menn af .. En ef þú brýtur af þér eitthvað pínu sem hinn almenni borgari þá skaltu fá að gjalda fyrir það.. Merkilegt nokk.... kveðja frá Dk

[Þór Jóhannesson, 2.12.2008 kl. 10:38]

Þarf meira en 1.000 manns til að stöðva allt millilandaflug í gegnum Leifsstöð?