Ekki alls staðar jafn friðsamlegt

Það voru fleiri útifundir haldnir í dag vegna árásar Ísraels á Gazaströndina. Það var meira að segja haldinn stuðningsfundur í Osló við dráp Ísraelshers á yfir 200 börnum og tæplega 100 konum það sem af er fjöldamorðanna - og Hamas kennt um!

Þeir sem þarna voru að verki voru fyrirmyndarflokkur Magnúsar Þórs Hafsteinssonar hins Frjálslynda, þ.e. norska Framskrittspartiet með formanninn Siv Jenssen í fararbroddi.  Stuðningsfundurinn leystist þó fljótt upp vegna mótmæla stuðningmanna Palestínu sem létu reiði sína bitna á lögreglunni þegar hún tók að verja ástvini fjöldamorðanna. Nú logar allt í óeirðum í Osló.

Samtímis berast fréttir af því að norsku læknarnir Gilbert og Fosse hafi ekki fengið að yfirgefa Gaza og það sem meira er, að ísraelskir hermenn hafi skotið að bílalestinni sem þeir voru í (já lest sjúkrabíla!).

Við heyrum eflaust brátt frá vinum Ísraels hér á landi (og annars staðar) að þetta hafi verið gert vegna þess að Hamasliðar hafi ætlað að flýja svæðið óg tekið sér far með sjúkrabílunum.

Eða hvað haldið þið? 

Á milli 300-400 mótmæltu

Athugasemdir

[Baldur (IP-tala skráð) 8.1.2009 kl. 18:30]

Fordæma báða aðila, ógeðfellt hjá Ísrael.  Mótmæli ofbeldis og voðaverkum beggja aðila.  Hvernig dettur þér í hug að réttlæta dráp Hamas?  Er í lagi fyrir þá að drepa saklaust fólk?  Vanda skal málflutning um þetta viðkvæma mál.  Allir Ísraelar eru ekki sáttir með ástandið og Palestínumenn margir hverjir fordæma hryðjuverk Hamas.

Hamas samtökin hafa aldrei kvikað við að skýla sér bakvið börn og þá má alveg draga þá ályktun að þeir myndu nota sjúkrabíla.  Réttlæti samt aldrei slíkar árásir.  Þetta ástand er ekki síður Hamas um að kenna enda eldflaugaárásir þeirra í gildandi vopnahlé skömmustulegar eins og framferði Ísraelsmanna

[Tryggvi Helgason (IP-tala skráð) 8.1.2009 kl. 18:34]

Ísland styðji Ísrael.

Hamas-liðið hefur haldið uppi stanslausum eldflaugaárásum inn á Ísraels-land árum saman, þrátt fyrir að þeir samþykktu svokallað "vopnahlé", sem Hamas-liðið virti svo aldrei og stóð ekki við.

Er nokkur furða þótt Ísraelsmenn hafi sagt á endanum; Hingað og ekki lengra, - nú er nóg komið ?

Og nú er "alþjóðasamfélagið" að kalla á nýtt vopnahlé, - TIL HVERS ????

[Óskar Örn Arnarson (IP-tala skráð) 8.1.2009 kl. 18:59]

Tryggvi, nú skalt þú aðeins taka nokkur srkef aftur á bak og kynna þér staðreyndir málsins. Til hvers að kalla á nýtt vopnahlé spyrðu. Nú er góður tími til að skríða úr eigin rass, þarna eru hundruðir barna að láta lífið og þar sömuleiðis óbreyttir borgarar, konur og menn. Að þú skulir láta svona út úr þér. Ég virkilega skammast mín fyrir það að þú sért af sama þjóðerni og ég. 

http://eyjan.is/blog/2009/01/06/vid-vodum-her-i-dauda-og-blodi-morg-born-gerid-eitthvad/

[GuSig (IP-tala skráð) 8.1.2009 kl. 19:33]

Tryggvi Helgason veit greinilega ekkert um það hvernig ísraelsríki varð til, og hefur eflaust ekkert frétt um það hvernig milljónum palestínumanna var stökkt á flótta úr landi sínu með ógnar- og hryðjuverkum síonista. Líklega hefur hann ekki hugmynd um aðskilnaðarmúrinn, eða þá staðreynd að Gaza er stærsta fanganýlenda í heimi. Nokkurskonar nútíma Varsjár-gettó. FÁFRÆÐI ER MÁTTUR!!

[Anna Benkovic Mikaelsdóttir, 8.1.2009 kl. 20:03]

Aðskilnaðarmúrinn er 5 metrar i miðju Betlehem (sem er auðvitað í Palestínu!?

[Eiríkur Árnason (IP-tala skráð) 8.1.2009 kl. 20:48]

Óskar:

Þú bendir þarna á frétt frá norskum lækni.

Þú ættir kannski að kynna þér feril og sögu þessa læknis... áður en þú ferð að vitna í hann í svona umræðum.

Mæli eindregið með því.

[Anna Benkovic Mikaelsdóttir, 8.1.2009 kl. 23:57]

HVAÐ SKYLDI eIRÍKUR VERA AÐ GEFA Í SKYN?...hvernig væri að kynna sér sögu og feril "ísraelsríkis" síðan 1948? mæli eindregið með því.

[Óskar Örn Arnarson (IP-tala skráð) 9.1.2009 kl. 03:25]

Eiríkur: Veistu það, málið snýst alveg innilega ekki um feril einhvers læknis. Ég geri ráð fyrir því að þetta comment þitt hafi átt að vera einhver léleg tilraun til háðs. Málið snýst um ástandið í Gaza þar sem u.þ.b. 300 börn hafa verið myrt þegar þetta er skrifað. Ég vísaði í þessa frétt helst út af myndinni sem henni fylgir í þeirri von að hann Tryggvi hér kæmist í smá tengsl við raunveruleikann eftir þetta fáránlega statement hans.

Auk þess tek ég hjartanlega undir það sem "GuSig" og Anna skrifuðu hér á undan.