40.000 mótmæla í Noregi

Norðmenn eru greinilega að taka frumkvæðið í baráttunni gegn fjöldamorðum Ísraela á Palestínumönnum en um 40.000 manns mótmæltu í dag þar í landi framferði Ísraela á Gazaströndinni (sjá http://www.nrk.no/nyheter/distrikt/ostlandssendingen/1.6424853)

Andmæli stuðningmanna Ísraela verður æ hjákátlegri eftir því sem fleiri fréttir berast frá framferði ástvina þeirra í árásarstríðinu gegn Gaza. Reynt var að réttlæta árásina á skóla Sameinuðu þjóðanna í gær með því að fullyrða að skólinn væri skotpallur fyrir flugskeytaárásir Hamas (sem hafa drepið einn Ísraela).

Árásin á bílalestina sýnir hins vegar að árásir Ísraelshers beinist fyrst og fremst gegn almennum borgurum. Þessi taktík er reyndar vel þekkt í stríðum og m.a. notuð í hernaðinum í Afganistan, þ.3e. að ráðast á almenna borgara til þess að draga úr stuðningi þeirra við herská öfl meðal þeirra. Svo er auðvitað því borið við að "arabar" noti almenning sem skjöld til að verja sig með!

Ég sá um daginn þátt í danska sjónvarpinu um árás Englendinga á Kaupmannahöfn árið 1807. Árásin var gerð í því skyni að þvinga dönsk yfirvöld til að láta flota sinn af hendi og með því yfirskyni að annars félli hann í hendur Frakka (þ.e. á tímum Napóleonsstyrjaldarinnar).

Seinni tíma fræðimenn eru sammála um að þetta hafi verið eitt stórt skuespil. Þeir kalla þetta "terrorbomninger", það er hryðjuverkaspengjuáráir á almenning til að fá stjórnvöld til að láta undan kröfum þeirra.

Sama má segja um hryjuverkasprengjuárásir Ísraela á Gaza. Ráðist er gegn almenningi til að setja pressu á Hamas til að gefa eftir og ganga að kröfum árásaraðilans. 

Svo hlustum ekki á neina lygi frá talsmönnum Ísraelshers og stuðningsmanna þeirra. Árásirnar á Gaza beinast fyrst og fremst gegn almenningi til að fá hann til að rísa gegn andspyrnuhreyfingunni Hamas.

Það vill hins vegar til að nú er árið 2009 og alþjóðasamfélagið búið að samþykkja fjölda laga um að ekki megi ráðast á almenning í pólitískum tilgangi. Ísraelsmenn brjóta alla þessa samninga og hafa gert það lengi.

Og þeir komast upp með það vegna stuðnings Bandaríkjamanna sem nota neitunarvald sitt í öryggisráði Sameinuðu þjóðanna til að koma í veg fyrir að Ísrael verði ákært fyrir stríðsglæpi.

Hversu lengi á þetta skefjalausa ofbeldi að halda áfram?

Fordæmir árás á bílalest SÞ

Athugasemdir

[Jónas Rafnar Ingason, 8.1.2009 kl. 21:43]

Því miður kemur þetta til að halda áfram þar til Ísraelsher nær takmarki sínu. Ömurlegt.

[Jón Þór Ólafsson, 8.1.2009 kl. 22:47]

Gott blog...takk fyrir fréttina af norskum mótmælum.

Hvað hét þessi danski þáttur...alltaf gott af hafa svona söguskýringar til að sína hræsnina sem sumir hafa að það er í lagi ef Ísraels eða Bandaríkjaher gerir það gegn Aröbum en ekki ef það yrði gert geng okkur eða var gert gegn Danmörku.

[Torfi Kristján Stefánsson, 9.1.2009 kl. 16:05]

Ég man ekki hvað danski þátturinn hét, en vonandi sér Rúv sóma sinn í að kaupa hann og sýna hér. Þetta mál er og af intressu fyrir okkur því nokkrir Íslendinga stóðu þar vaktina gegn Englendingun, svo sem Bjarni Thorarensen síðar skáld og amtmaður og Steingrímur Jónsson síðar biskup.

Það leyfðu og sagnfræðingar sér það í þessum þætti að nota orðið hryðjuverk yfir framferði ríkis, þ.e yfir stríðsaðgerðir.

Árás Ísraelshers á Gaza er auðvitað ekkert annað en hryðjuverkaárásir: þ.e. að refsa heilli þjóð vegna andspyrnuhreyfingar sem reynir að svara fyrir sig af veikum mætti.

Nákvæmlega sama er að gerast í Afganistan, svo sem árásin á brúðkaupsveisluna í sumar sem leið er gott dæmi um (93 óbreyttir borgarar drepnir þar í einni árás). Þetta er greinilega strategía sem er í hávegum höfð hjá Bandaríkjamönnum og vinum þeirra.