Lögregluofbeldi í Danmörku

17.8.2009 | 16:46

Lögregluofbeldi í Danmörku

Það er ekki nóg með að danska lögreglan réðist alverjuð (með hjálma og skildi) inn í kirkju í Køben og dró þaðan flóttamenn sem presturinn og sóknarnefndin hafði veitt hæli, heldur réðst hún einnig á mótmælendur sem ætluðu að koma flóttafólkinu til hjálpar.

Á myndskeiði sem sést hér: http://politiken.tv/nyheder/indland/article767796.ece má sjá grimmdarlegt ofbeldi gegn friðsömum mótmælendum. Þar er stúlka ein margbarin í höfuð, bak og lendar þar sem hún liggur á götunni. Auk þess er piparúða sprautað í andlit fólksins og það í mikilli nálægt, auk þess sem einn lögreglumaðurinn slær stúlku í andlitið.

Þessa lögregluaðgerð kallaði danski innanríkisráðherrann, og formaður hægra flokksins, mjög vel heppnaða aðgerð. Sjá annars fréttir politiken.dk af aðgerðum lögreglunnar gegn írösku innflytjendunum hér: http://politiken.dk/system/topicRoot/De_afviste_irakere/

Tekið skal fram að um kvöldið mótmæltu tugir þúsunda manns þessari framkomu lögreglunnar og 275 prestar og guðfræðingar hafa mótmælt innrásinni í kirkjuna (http://politiken.dk/incoming/article768514.ece)

Aðgerðir dönsku lögreglunnar minna mjög á ofbeldi íslensku kollega þeirra gegn Saving Iceland hópnum þar sem ein ung stúlka var harkalega misþyrmt af einum sadistanum í löggunni.

Greinilegt er að lögregluofbeldi, þ.e. fasískar aðgerðir gegn friðsömum mótmælendum, hefur aukist mjög undanfarið ár.

Það er kominn tími til að almenningur rís upp gegn þessum brotum á rétti almennra borgara til að tjá andúð sína á pólitískum aðgerðum og standa þannig vörð um lýðræðið og tjáningarfrelsið í landinu - auk þess að styðja mannréttindi innflytjenda.