Nú, geta Svíar eitthvað?

Eins menn vita eflaust þá getur landsliðsþjálfarinn okkar í fótbolta ekki notað leikmenn eins og Ragnar Sigurðsson í landsliðið, nema þá að mikil forföll séu. Því hlýtur það að koma honum á óvart að sjá verðmiðann á Ragnari, en það er eflaust langt síðan íslenskur knattspyrnumaður hefur  verið verðlagður svo hátt.

Gaman væri reyndar að setja saman lið sem myndi keppa við landslið það sem Ólafur velur, svo sem liðið sem keppti við Andorra í síðasta landsleik. Það má týna til heilt lið manna sem eru að spila reglulega í efstu og næst efstu deildinni í Noregi og Svíþjóð, nöfn eins og þessi:

Stefán Magnússon, Lilleström, Birkir Már Sævarsson, Brann, Bjarni Ólafur Eiríksson, Stabæk, Stefán Gíslason, Víking, Hallgrímur Jónasson, GAIS, Hjálmar Jónsson, Gautaborg, Eyjólfur Héðinsson, GAIS, Pálmi Rafn Pálmason, Stabæk, Björn Bergmann Sigurðarson, Lilleström, Theódór Elmar Bjarnason, Gautaborg og Ari Skúlason, Sundsvall

Þetta eru leikmenn á besta aldri en góðir þjálfarar eins og Capello (England) og Hamrén (Svíþjóð) leggja áherslu á reynslumikil lið, samtímis sem þeir gefa þeim ungu möguleika, þ.e.a.s. ef þeir eiga það skilið.

 

Reiknað með að Gautaborg fái tilboð í Ragnar

Athugasemdir

[Jón E Tryggvason (IP-tala skráð) 4.6.2010 kl. 10:35]

Þetta er mjög áhugaverð hugmynd hjá þér Kristján

[Torfi Kristján Stefánsson, 4.6.2010 kl. 11:07]

Já, finnst þér ekki, þótt ég heiti reyndar Torfi!?

Það má auðvitað bæta við þeim mönnum, sem varamönnum, sem hafa verið í atvinnumennsku en eru komnir heim, mönnum eins og Keflvíkingunum Haraldi Frey Guðmundssyni, Jóhanni Birnir Guðmundssyni og Hólmari Erni Rúnarssyni, (auk Baldurs Sigurðssonar úr KR) og svo framvegis.

Þetta er auðvitað miklu sterkara lið en það sem Ólafur landsliðsþjálfari er að velja - og menn sem hann valdi aldrei í landsliðið þegar þeir voru upp á sitt besta í útlöndum.