Flugvöllunum lokað aftur?

Samkvæmt þessu ættu allir flugvellirnir hér á landi að vera lokaðir því þeir eru allir innar rauðu línunnar sem á að merkja bannsvæði (yfir 2000 míkrogömm af ösku).

Flugmálayfirvöld eru greinilega ekki samkvæm sjálfum sér og láta geðþóttann ráða.

Enn eitt dæmi um misheppnaða einkavæðingu opinberra stofnana?

Öskuskýin dreifast víða

Athugasemdir

[Gestur Leó (IP-tala skráð) 25.5.2011 kl. 20:57]

Málið er að flugmálayfirvöld eru hætt að treysta spánum og farin að notast við mælingar í staðinn, (http://www.ruv.is/frett/ekki-utlit-fyrir-roskun-a-flugi)

[Torfi Kristján Stefánsson, 25.5.2011 kl. 21:09]

Vonandi er það rétt hjá þér, en í gærkvöldi þegar fólk í London var komið út í vél til að fljúga heim, þá lokuðu flugmálayfirvöld hér flugvellinum hér heima þrátt fyrir að engin aska væri í lofti (einungis byggt á tölvuspánni frá bresku veðurstofnunni).

[Torfi Kristján Stefánsson, 25.5.2011 kl. 21:18]

Eitt enn. Það er athyglisvert hvað Ásgeir Pálsson hjá Isavia, segir um mælingarnar. Þær séu aðeins eitt af mörgum atriðum sem stuðst sé við: „Öryggið kemur alltaf númer eitt og svo reynum við að ná eins hagkvæmum rekstri út úr öllu þessu eins og við getum.“

Það er spurning hvað maðurinn á við þegar hann segist að "við" reynum "að ná eins hagkvæmum rekstri út úr öllu þesus eins og við getum."

Á hann við að Isavia reyni að ná eins hagkvæmum rekstri og hægt er?

Ég tek það þannig enda er þetta hlutafélag og rekið sem slíkt (með það að markmiði að ná sem mestum gróða).

Mælingar sem þessar eru eflaust dýrar - og fyrirtækið ekki tilbúið að kasta of miklum peningum í þær.

Þess vegna loka þeir stundum flugvöllunum þegar tölvuspár benda til að aska gæti verið í andrúmsloftinu - stundum ekki!

Svo eru það flugfélögin, almenningur og ferðaþjónustuaðilar sem fá að bera kostnaðinn við að flug fellur niður eða frestast.