Fjórir íslenskir landsliðsmenn komust ekki í félagslið sín í dag!

Fjórir leikmenn sem voru valdir í landsliðið gegn Noregi og Kýpur í gær spiluðu ekkert með liðum sínum í dag - og þrír þeirra voru ekki einu sinni í 18 manna hópnum.

Heiðar Helguson sat á varamannabekknum hjá QPR allan tímann í 2-0 tapi gegn Wikan.

Aron Einar og Hermann Hreiðars komust ekki í leikmannahóp liða sinna, eins og fram kemur í fréttinni og Gylfi Þór Sigurðsson er ekki heldur í leikmannahópi Hoffenheim í dag, ekki frekar en áður.

Samt voru allir þessir menn valdir í íslenska landsliðshópinn. 

Kannski vissi landsliðsþjálfarinn ekki af ástandi þessara manna?

Í kvöld er svo spilað í belgísku deildinni. Verður fróðlegt að sjá hvort landsliðsmaðurinn Alfreð Finnbogason verður valinn í hópinn hjá Lokeren, en hann hefur ekkert spilað með liðinu það sem af er. 

Svona til fróðleiks má nefna að dönsku og norsku landsliðsþjálfararnir velja ekki leikmenn í landsliðshópinn sem ekki spila reglulega með liðum sínum.

Einnig má nefna að það eru þrír Íslendingar að spila með Gautaborg í dag, gegn Kalmar í úrvalsdeildinni og tveir Íslendingar rölta inn á völlinn bráðum í leik Vaalerenga og Haugasunds í norsku úrvalsdeildinni.

Aron ekki klár hjá Cardiff