Aukin harka í innheimtum?

Alla vegana er hér ekki farið hægar eða varlega í innheimtuaðgerðir eins og ríkisstjórnin hefur boðað. Svo virðist sem sambandsleysi sé milli hennar og einstakra stofnana ríkisins því sýslumaðurinn á Selfossi var einnig að gera gloríur: senda handtökuskipun á 370 manns vegna þess að þau mættu ekki til fjárnáms!

LÍN tekur með þessum bréfum sínum ekki tillit til þeirra sem hafa verið í námi á síðustu tveimur árum, en ekki þegið námslán - og ekki heldur til þeirra sem  hafa verið atvinnulausir síðustu fjóra mánuði og/eða með undir 2,1 milljón í tekjur á síðasta ári.

Harkan er það mikil að fjögurra mánaða atvinnuleysi eða tekjur undir 175.000 á mánuði að meðaltali nægja ekki til að fresta afborgun lána, heldur verður hvort tveggja að koma til.

Þessu hefur BHM mótmælt en allt kemur fyrir ekki. Annað hvort veit ekki vinstri höndin hvað hin hægri gerir, eða það sem er líklegra: Hjal ríkisstjórnarinnar, um að fara með gát að almenningi hvað innheimtuaðgerðir varðar núna eftir bankahrunið, eru orðin tóm. Innantómt orðagjálfur!

Líklega segir Jóhanna Sigurðardóttir aðspurð það sama og  sýslumaðurinn í Árnessýslu:

„Það er algjört neyðarbrauð að þurfa að gera þetta“.

Fá endurkröfubréf frá LÍN