Aðeins 35% aðspurðra ánægðir!

Samkvæmt skoðanakönnun á visir.is eru aðeins 34,6% ánægðir með þjálfara íslenska landsliðsins en 65,4% óánægðir. Enda er árangurinn ekkert til að hrópa húrra fyrir.

Ég hef áður gagnrýnt valið á liðinu og bent m.a. á að þjálfarinn tekur lítið tillit til þess hvort menn séu að leika með liðum sínum eða ekki, þ.e.a.s. ef þeir eru í uppáhaldi hjá honum.

Núna eru t.d. Ólafur I. Skúlason og Stefán Gíslason í hópnum þótt þeir hafi lítið sem ekkert leikið með liðum sínum undanfarið. Í síðasta leik Helsingborgar var Ólafur ekki einu sinni í leikmannahópnum og Stefán sat allan tímann á bekknum hjá Brøndby.

Veigar Páll er hins vegar ekki valinn (og ekki Helgi Daníelsson heldur) þar sem Veigar sat á bekknum hjá sínu liði allan síðasta leik (og Helgi var ekki í hópnum hjá Elsborg).

Nú eru einhverjir trúföstustu leikmenn landsliðsins og þjálfarans, þeir Pálmi Rafn Pálmason og Bjarni Ólafur Eiríksson, aftur komnir í liðið eftir stutta fjarveru. Pálmi hefur reyndar verið að spila mikið með liði sínu Stabæk undanfarið og er í góðu formi svo hann á nú, miklu frekar en áður, ágætt erindi í landsliðið.

Eftir stendur klíkuskapurinn sem sést langar leiðir og er eflaust helsta ástæða óánægðarinnar með þálfarann (auk lélegs árangurs).

Sumir hefðu séð sóma sinn í að segja af sér þegar ljóst var að landsliðið kæmist ekki áfram á VM. En ekki Ólafur Jóhannesson!

Hannes Þór og Bjarni Ólafur í landsliðshópinn

Athugasemdir

[Zmago, 12.8.2009 kl. 20:21]

Merkilega hátt hlutfall að 34,6% séu ánægð með þennan hringlandi vitlausa landsliðsþjálfara.

Maður bíður bara og vonar að KSÍ beri gæfu til að losa sig við hann sem fyrst.