Ekki?

Þegar Svíar tilkynntu landsliðshóp sinn fyrir EM á dögunum töluðu fjölmiðlar þar í landi að um að þetta væri því sem næst endanlegur hópur.

Sama hlýtur að eiga við um valið á íslenska liðinu. Að vera enn að hringla með liðið svona stuttu fyrir keppni væri að minnsta kosti nokkuð skrítið.

Samt vantar í liðið fjöldann allan af leikmönnum sem hafa verið viðloðandi liðið í undankeppninni, eins og kemur fram í þessari frétt. Sjö nöfn eru nefnd og má bæta við fleirum.
Kannski sýnir þetta mikið hringl með liðið undanfarið en þó hafa næstum sömu menn alltaf verið valdir í landsliðshópinn þegar leikið var í riðlakeppninni.
Nú eru skyndilega komnir inn menn sem hafa lítið sem ekkert verið að leika þar, menn eins og Hörður Björgvin, Sverrir Ingi og Hjörtur Hermanns.

Þá vakti það athygli mína að Lars Lagerbäck talaði um að það væri mikil samkeppni um 4-5 stöður í landsliðinu. Af því má ráða að 6-7 leikmenn séu öruggir með sínar stöður. Ef maður á að gíska, þá eru það einhverjir þessara (8 reyndar, innan sviga tveir sem einhver vafi er um): (Hannes Þór), Ragnar, Kári, (Ari Freyr), Aron Einar, Gylfi, Birkir og Kolbeinn.

Sænskir fjölmiðlar benda á að sjö leikmenn úr sænsku deildinni hafi verið valdir í íslenska landsliðshópinn. Þeir nefna einnig tíu bestu kaup sænsku liðanna fyrir leiktíðina. Þrír þeirra eru íslenskir og tveir af þeim voru ekki valdið í landsliðshópinn.
Það voru þeir Arnór Smára, sem var í öðru sæti yfir mest spennandi kaupin, og Jón Guðni sem var nr. 6. Viðar Örn er sá eini sem er í hópnum en hann var valinn þriðju bestu kaupin.

Arnór og Jón Guðni eru báðir mjög ólíklegir til að komast í lokahópinn því þeir hafa lítið sem ekkert fengið að spreyta sig með landsliðinu - og ekkert í undankeppninni.

Mat manna er greinilega ólíkt.

 

Þessi listi er ekki kveðjubréf

Líklegri en aðrir?

Heimir landsliðsþjálfari kom með undarlega „afsökun“ á visir.is fyrir að ekki hafa valið Eið Smára (og Rúnar Má Sigurjónsson, þ.e. að þeir hafi verið valdir í leikina í janúar og því vitað hvað þeir geta).
Sama megi segja um Sölva Geir, Hallgrím, Jón Guðna og Hólmar Eyjólfs sem ekki voru valdir nú: „Það eru leikmenn sem við þekkjum en hinir fá tækifæri nú.“

Ef þessi rök stæðust ættu Ragnar Sig., Arnór Ingvi og Viðar Örn einnig að fá frí núna því þeir léku tvo leiki af þremur í janúar.

Þá má benda á að Hólmar Örn lék aðeins einn hálfleikinn í leikjunum í janúar og Hallgrímur Jónasson sömuleiðis. Einnig Hjörtur Logi.
Hallgrímur hefur verið valinn í lið vikunnar í Danmörku tvær umferðir í röð svo gaman hefði verið að sjá hann, ekki bara í hópnum, heldur einnig í byrjunarliðinu í a.m.k. öðrum leikjanna.

Þá er Arnór Smárason heitur þessa daganna og Björn Bergmann búinn að gefa kost á sér í landsliðið á ný, en hvorugir valdir nú. Þó er Björn að spila reglulega með mun betra liði í ensku b-deildinni en Jóhann Berg, sem er valinn í enn eitt skiptið þó svo að hann sé einn þeirra leikmanna sem þjálfararnir þekkja vel - og ætti því að fá frí núna ef Heimir væri samkvæmur sjálfum sér.

Þá er skrítið að velja fjóra markmenn í hópinn miðað við að aðeins fjórir sóknarmenn séu valdir. Nær hefði verið að hafa markmennina þrjá en sóknarmennina fimm.

Þessir leikmenn líklegir í lokahópinn

Arnór sagður besti maður Hammarby í leiknum

Þeir eru að gera það gott íslensku leikmennirnir ytra sem hafa verið fyrir utan landsliðið undanfarið - eða í jaðri þess. Björn Daníel þótti eiga stórleik með Viking í Noregi sem og hinn ungi Aron Sigurðarson með Tromsö. Einnig er hinn sívinnandi hlaupagikkur og tekníker, Theódór Elmar, að spila vel með AGF í dönsku úrvalsdeildinni

Nú hefur Arnór Smára bæst í hópinn og gerir val landsliðsþjálfarana ekki auðvelt. Arnór sem hefur undanfarin ár staðið fyrir utan landsliðið, þrátt fyrir að hafa staðið sig ágætlega ekki síst sem lánsmaður í rússnesku úrvalsdeildinni, lék sinn fyrsta landsleik í langan tíma gegn Bandaríkjamönnumn nú í janúar og stóð sig mjög vel.

Hann hlýtur að koma sterklega til greina í landsleikina sem eru framundan, maður með þessa miklu reynslu og leikskilning en hann getur leikið allar stöður frammi og á miðjunni.

Glæsimark Arnórs í bikarnum (myndskeið)

Enn eitt varaliðið hjá þjálfaranum!

Í síðasta leiknum, gegn Kanada sem var svo mikilvægt að vinna samkvæmt þjálfaranum, var besti leikmaðurinn undanfarið, hún Glódís, sett á bekkinn og nýtt miðvarðarpar prófað gegn eitt af bestu liðum í heimi. Skammaðist svo þjálfarinn út í leikmenn fyrir að hafa tapað leiknum!

Nú, í leiknum um bronsið, tekur hann marga lykilleikmenn útaf og notar 23. leikmanninn í þessum móti. Síðast skipti hann út átta leikmönnum og aftur núna!

Þetta væri svo sem allt í lagi, þ.e. að nota mótið til að prófa sem flesta leikmenn, ef yfirlýsingarnar væru ekki svona digurbarkalegar.
Freyr getur engum um kennt nema sjálfum sér að leikurinn gegn Kanada tapaðist - og eins ef þessi tapast.

Reyndar hefur hann leikið þennan hringl-leik á Algarvemótinu, alveg síðan hann tók við liðinu, og skipti þá engu hvort væri verið að spila við heimsmeistarana eða ekki.

Skrítið að leikmennirnir séu ekki orðnir þreyttir á þessu hringli og farnir að leika sama leik og gegn gamla þjálfaranum: að koma Frey í burtu.

Bronsverðlaun til Íslands eftir vítakeppni

Hvað með það íslenska?

Danir eru greinilega að stilla upp sínu sterkasta liði, þó þeir séu ekki á leið á EM eins og við, en hvað með það íslenska? Það verður auðvitað ekki tilkynnt fyrr en á síðustu stundu, eins og venjulega, en þar eru ýmis vandamál.

Aðalmarkmaðurinn, Hannes Þór, er enn meiddur. Fyrirliðinn, Aron Einar, er ekki í neinu leikformi því hann situr mest á bekknum hjá félagsliði sínu. Annar miðjumaður, Emil Hallfreðs, vermir einnig bekkinn þessa daganna hjá sínu nýja félagsliði.
Aðalmarkaskorarinn, framherjinn Kolbeinn Sigþórs., situr einnig aðallega á bekknum hjá sínu félagi.
Meira að segja miðvörðurinn sterki, Ragnar Sig., hefur verið á bekknum hjá sínu liði.

Fimm lykilleikmenn fjarri góðu gamni eða í lítilli leikæfingu - og með lélegt sjálfstraust?

Aðrir eru varla byrjaðir leiktíðina, svo sem leikmennirnir í skandinavísku deildunum.

Bót í máli að Alfreð er byrjaður að spila og að Gylfi Þór virðist vera að komast í sitt gamla form.
Aðrir sem hafa verið að spila að einhverju ráði eru Birkir Bjarna, Jón Daði (sem er í frekar slöku liði og er reyndar nýbyrjaður), Ólafur Ingi og Sverrir Ingi (sem hafa spilað einna mest allra) og Jóhann Berg. Sá síðastnefndi er í fallliði í ensku b-deildinni en íslenska landsliðið hefur reyndar áður notast við c-deildarliðsmann án þess að fjölmiðlar hafi kvartað yfir því hvað þá að þjálfararnir hafi fundist eitthvað athugavert við það. 

 

Landsliðshópur Dana sem mætir Íslendingum

Heldur betur breyst til batnaðar?

Það er alltaf gott, og gleðilegt, að vita til þess að fólk sé áhyggjulaust. En þegar áhyggjuleysið byggist á sjálfsblekkingu og dómgreindarleysi þá er það verra en áhyggjurnar!

Staðan á framherjum íslenska karlalandsliðsins í fótbolta hefur nefnilega lítið breyst - og staðan á liðinu í heild versnað ef eitthvað er.

Dæmi: Kolbeinn Sigþórs er enn spurningarmerki hjá liði sínu, Nantes, og óvíst hvað hann fær að spila mikið. Alfreð Finnbogason er nýkominn til Augsburg og einnig spurning um spilatíma hans. Jón Daði Böðvarsson er einnig nýkominn í nýtt lið og fær örugglega að spila minna þar en í Noregi. Viðar Örn er enn einn þeirra sem er að skipta um félag, rétt eins og Eiður Smári, og þeir báðir að fara í mun lélegri deild.
Svo staðan er mjög óljós hvað þessa varðar.

Staðan hefur breyst til batnaðar

Slakur fyrri hálfleikur

Ekki eru nú b-liðsmennirnir sannfærandi hjá íslenska liðinu - og svo sem ekki "fastamaðurinn" Ragnar heldur. Lítið sést til framherjanna - og ekkert til nýliðans Garðars - auk þess sem Eiður er greinilega ekki í neinni leikæfingu. Sama má reyndar segja um þá fleiri svo sem Ragnar. Ég hef aldrei séð hann eins lélegan og gera jafn margar vitleysur og í þessum fyrri hálfleik.

Þeir sem virka ágætlega eru kantmennirnir og bakverðirnir, auk Sölva Geirs sem er góður í miðverðinum. Arnór Ingvi skoraði gott mark eftir undirbúning besta manns íslenska liðsins, Hjartar Valgarðssonar, og ágæt ógnun er hægra megin hjá Theódóri Elmari og Hauki Heiðari.

Legg til eftirfarandi skiptingar í seinni hálfleik: Matthías í stað Garðars, Kári í stað Ragnars, Björn Daníel í stað Eiðs Smára og Harald í markið í stað Ingvars.

Íslenskur sigur á Finnum í fyrsta leik ársins

Nokkuð sérstakt val!

Athygli verkur að Andrés Már Jóhannesson er aftur kominn í hópinn eftir langa bið. Einnig Þórarinn Ingi sem sýnir að hér gætir viðhorfa Heimis Eyjamanns nokkuð!

Þá stóðst spá Moggans um að Kjartan Henry yrði valinn sem er einn þriggja nýliða. Hinir eru Garðar Gunnlaugsson og Emil Pálsson, sem ég held að hafi ekki leikið landsleiki áður.

Mogginn hafði spáð mönnum eins og Hjálmari Jónssyni og Jóni Guðna Fjólusyni sem mögulegum í miðverðinum og Guðmund Kristjánsson á miðjuna en svo varð ekki. Einnig Adam Örn Arn­ar­son í hægri bakvörðinn sem ekki heldur varð. 

Ef þetta er það sem verður með Heimi einan við stjórnvölinn ætti KSÍ að drífa sig í að semja við Lars um að halda áfram með landsliðið.

Ný andlit í íslenska landsliðshópnum

Margt skrítið þarna!

Þarna orkar margt tvímælis. Til dæmis að hafa Hjálmar Jónsson mögulegan í miðverðinum en hann hefur aldrei verið valinn undanfarið. Eins er með Eggert Gunnþór og Guðmund Kristjáns á miðjunni. Þeir koma einfaldlega ekki til greina og Guðmundur er þar að auki að spila hægri bakvörðinn hjá liði sínu, þ.e.a.s þegar hann fær að spila.

Þá yrði Kjartan Henry alveg nýr í framherjanum ef hann fengi einhvern sjens. Aron Elís ætti nú að standa honum framar, enda er hann að spila ágætlega í hærri deild en Kjartan.

Einnig mætti alveg setja Bjarna Ólaf Eiríksson inn sem mögulegan valkost í vinstri bakvörðinn.

Sautján sæti frátekin

Engin tilboð borist?

Samkvæmt frétt í blaði Aston Villa (sem er neðst í ensku úrvalsdeildinni) er Arnór undir smásjá liðsins:

http://www.birminghammail.co.uk/sport/football/football-news/who-arnor-traustason-8-quick-10459224

Fréttin sýnir að þar sé raunverulegur áhugi fyrir hendi. Hvort það sé fýsilegur kostur fyrir Arnór er svo annað mál, þar sem liðið virðist vera á hraðri leið niður í ensku b-deildina.

Þó má benda á að vera Íslendinganna þar, Arons Einars og Jóhanns Bergs, hefur ekki haft nein áhrif á stöðu þeirra í íslenska landsliðinu, jafnvel ekki einu sinni þó svo að þeir hafi ekki alltaf verið fastamenn í liðum sínum og þau neðarlega í deildinni (annað reyndar í fallsætin og virðist stefna beint niður um deild).

Þannig að Arnór ætti að geta bankað á landsliðsdyrnar þrátt fyrir að vera í Aston Villa - og svo er liðið ekki fallið ennþá!

Arnór Ingvi eftirsóttur