Spenna hverjir komist áfram í 3. sæti

Það er skiljanlegt að Tyrkir sé fúlir yfir svona kommentum frá íslenskum landsliðsmanni (þó að viðbrögðin séu auðvitað fáránleg). Þriðja sætið í riðlunum gefur jú rétt til umspils til að komast í lokakeppnina á EM. 

Það skiptir einnig miklu máli, fyrir önnur lið sem eru búin að tryggja sér þriðja sætið, hvaða lið komist áfram í umspilið með þeim. Það er t.d. gott fyrir Dani ef Tyrkir komast áfram en ekki Hollendingar því þeir síðarnefndu eru mun hærri á stigum en Tyrkirnir. 

Málið er nefnilega það að í umspilinu eru liðin dregin saman eftir stigum. Hærri liðin mæta þeim lægri. Þar eru Danir og Svíar á mörkunum en bæði liðin fara í umspil.

http://www.tipsbladet.dk/nyhed/landshold/dansk-mareridt-ingen-seedning-og-skraemmende-modstandere-i-playoff

 

Tyrkir hneykslast á tísti Alfreðs

Veikir varla liðið!

Það er varla hægt að tala um að fjarvera Jóns Daða veiki landsliðið. Það gæti meira að segja gert það að verkum að horfið verður frá hinni grófu vinnu leikmanna liðsins og það spili meiri fótbolta (sbr. viðtalið við Kolbeinn í annarri frétt á mbl. í dag) - það er minna af hlaupum og af því að reyna að skemma spil andstæðingsins (minna destruktívan bolta) sem hefur alla tíð verið aðalsmerki Lars Lagerbäck.

Annar grófvinnandi leikmaður, Aron Einar, verður einnig fjarri góðu gamni. Kannski loksins hægt að fara á völlinn og sjá almennilega spilandi íslenskt landslið?

Jón Daði ekki með gegn Lettum

"Nýtt" landslið?

Nú þegar íslenska karlalandsliðið í knattspyrnu hefur tryggt sér þátttöku í lokakeppni EM að ári, er tilvalið að kíkja á fleiri leikmenn en hafa verið notaðir í undanförnum leikjum - svona til að styrkja liðið fyrir lokakeppnina sem verður auðvitað mun erfiðari en riðillinn sem liðið er að spila í núna.

Er þá eðlilegt að líta til þeirra atvinnumanna sem hafa verið að spila mikið með félagsliðum sínum og eru í toppbaráttunni í sínum deildum.

Í Noregi er Rosenborg nær öruggur meistari og einnig komið í úrslit bikarkeppninnar. Þar leika tveir Íslendingar. Hólmar Örn Eyjólfsson hefur leikið alla leiki liðsins sem miðvörður síðan hann kom til þeirra í vor. Sjálfsagt er að gefa honum tækifæri í landsliðinu, sérstaklega í ljósi þess að Hallgrímur Jónsson og lið hans OB er að standa sig illa í dönsku deildinni: Hólmar í stað Hallgríms!

Matthías Vilhjálmsson er nýkominn til liðsins og spilar því ekki mikið en hefur þegar gert tvö mörk með því - og annað réði úrslitum í undanúrslitum bikarins. Þá hafði hann staðið sig ágætlega með sínu gamla félagi meðan hann var þar og skorað a.m.k. sex mörk með því á leiktíðinni: Matthías í stað Jóns Daða Böðvarssonar!

Í Svíþjóð er Norrköping í hörku baráttu við Gautaborg um meistaratitilinn. Þar leikur Arnór Ingvi Traustason alla leiki liðsins og leggur upp mikið af mörkum, auk þess sem hann skorar sjálfur nokkur: Arnór Ingvi í stað Rúriks Gíslasonar!

Lið Hauks Heiðars Haukssonar, AIK, er svo skammt á eftir toppliðunum og á enn góða möguleika á titlinum. Haukur Heiðar hefur verið fastamaður í liðinu sem hægri bakvörður í undanförnum leikjum: Haukur í stað Theódórs Elmars!

Þá mætti alveg kíkja á Hjört Loga Valgarðsson með Örebro en hann hefur verið í byrjunarliðinu undanfarið eða í fimm sigurleikjum í röð!, sem vinstri bakvörður: Hjörtur Logi í stað Kristins Jónssonar!

Í Danmörku er málið ekki eins einfalt. Þó er Nordsjælland, með Guðmund Þórarinsson þar í eldlínunni, í 5. sæti deildarinnar. Guðmundur leikur þar alla leiki hægra megin á miðjunni: Guðmundur í stað Arons Einars (sem er í banni) og svo í stað Ólafs I. Skúlasonar í seinni leiknum!

Hópurinn yrði þá þannig:

Markmenn: Hann­es Þór Hall­dórs­son (NEC), Ögmund­ur Krist­ins­son (Hamm­ar­by), Gunn­leif­ur Gunn­leifs­son (Breiðablik)/Ingvar Jónsson (Sandnes)/Haraldur Björnsson (Östersund) 

Varn­ar­menn:
Kári Árna­son (Mal­mö), Ragn­ar Sig­urðsson (Krasnod­ar), Birk­ir Már Sæv­ars­son (Hamm­ar­by), Haukur Heiðar Hauksson (AIK), Ari Freyr Skúla­son (OB), Sölvi Geir Ottesen (Jiangsu Guox­in-Sainty), Hólmar Örn Eyjólfsson (Rosenborg), Hjörtur Logi Valgarðsson (Örebro)

Miðju­menn:
Eiður Smári Guðjohnsen (Shijiazhuang Ever Bright), Guðmundur Þórarinsson (Nordsjælland), Gylfi Þór Sig­urðsson (Sw­an­sea), Emil Hall­freðsson (Hellas Verona), Jó­hann Berg Guðmunds­son (Charlt­on), Birk­ir Bjarna­son (Basel), Arnór Ingvi Traustason (Norrköping), Ólafur I. Skúlason (Genclerbirligi)/Aron Einar Gunnarsson (Cardiff)

Sókn­ar­menn:
Kol­beinn Sigþórs­son (Nan­tes), Al­freð Finn­boga­son (Olymp­ia­kos), Matthías Vilhjálmsson (Rosenborg), Viðar Örn Kjart­ans­son (Jiangsu Sainty).

Sterkt lið ekki satt!?

 

 

Lokahnykkurinn framundan hjá landsliðinu

Hallærisleg lýsing

Í ljósi þess hvað Þóra Helgadóttir sagði í kynningu á leiknum - áður en hann byrjaði - þá sé hallærislegt að láta eins og íslenska kvennalandsliðið væri ekki sigurstranglegt í þessum riðli - og þessum leikjum - því liðið sé í efsta styrkleikaflokknum (og þar með sterkasta liðið í riðlinum).

Samt lætur Haukur Harðarson eins og það sé einstök snilld hjá liðinu að það sé betra en slakt lið Hvíta-Rússlands í þessum leik. Lýsingarorðin hjá honum eru a.m.k. þannig.

Fyrir nokkru var verið að gera grín að Adólf Inga þegar hann hljóp í skarðið og lýsti einhverjum leik á Stöð 2.

Furðulegt er í ljósi þess að Haukur hafi sloppið algjörlega við glósur, eins hallærislegur íþróttafréttamaður og hann nú er.

Annars er leikur íslenska landsliðsins slakur - og bendir margt til þess að þjálfarinn sé að takast að gera það að miðlungsliði. Vonandi tekst honum þó ekki að fella það niður um "deild" rétt eins og hann er að gera með Leiknisliðið.

Fumlaust fyrsta skref til Hollands

Mistækir íþróttafréttamenn á RÚV

Sá sem las íþróttafréttirnar á RÚV nú í hádeginu voru illa mislagðar hendur - og virtist auk þess vera stokkinn á gleðivagninn: Ísland, stórasta land í heimi!

Fyrir það fyrsta sagði hann að efsta liðið í sænsku úrvalsdeildinni væri Helsingborg (en ekki Gautaborg eins og rétt er). Að auki sagði hann Hólmar Örn hafa átt stórleik með Rosenborg í jafnteflisleik gegn Sr. Etienne á útivelli. Hið rétta er að dæmd var vítaspyrna á Hólmar fyrir klaufabrot inni í teig. Út henni jöfnuðu Frakkanir. Auk þess átti hann einnig sök á fyrra markinu.

Stórleikur? Varla!

Topplið Svíþjóðar með Höskuld í sigtinu

Á Ísland eitthvað erindi í lokakeppni EM?

Eftir að hafa horft á leikinn gegn Kasakstan er svarið afdráttarlaust nei. Að geta ekki unnið lið sem fyrir leikinn var með eitt stig er auðvitað arfaslakt - og veit ekki á gott upp á framhaldið. 

Auk þess var leikurinn mjög leiðinlegur á að horfa, lítið um færi og í raun ekkert að gerast allan tímann.

Spurning hvort tveggja tíma keppni í útsaumi hefði ekki verið skemmtilegri áhorfs en þessi ósköp.

Þjálfarinn, Lars Lagerbäck, er frægur í heimalandi sínu, einkum um þessar mundir vegna árangurs íslenska liðsins. En þar í landi muna ekki bara elstu menn enn eftir óánægjuröddunum þegar hann var landsliðsþjálfari Svía. Alltaf stillt upp í vörn, sama gegn hvaða liði var verið að spila. Sænska landsliðið lék mjög leiðinlegan bolta undir hans stjórn.

Það hefur ekkert breyst með aldrinum eða með nýju liði. Íslenska liðið er klárlega eindregið varnarlið - og verður aldrei annað meðan þessir tveir menn verða þar við stjórn.

Við eigum því ekki von á neinni skemmtum í lokakeppni EM á næsta ári - öðru nær!

Ísland á EM í fyrsta sinn

Ma(r)kalaus leiðindi!

Þetta er nú einhver leiðinlegasti fyrri hálfleikur sem maður hefur séð - og furðulegt að EM-kandidatarnir Ísland geti ekki gert betur.

Líklega er liðið ofmetið - og hafi ofmetnast eftir leikinn gegn Hollandi.

Holland var greinilega ofmetið lið, eins og sást á leik þess gegn Tyrkjum fyrr í dag (3-0!), og heppnissigur Íslands gegn hollenska liðinu ekkert til að monta sig af.

Sama má segja um síðustu keppni, þegar Ísland komst í umspil og tapaði fyrir Króötum. 

Norðmenn sýndu það fyrr í dag (2-0) að Króatar eru alls ekki með sterkt lið þannig að tap "strákanna okkar" gegn þeim í undankeppni HM, sýnir að íslenska liðið er klárlega ofmetið.

Segja má að íslenska liðið hafi átt ca. fimm mínútna góðan kafla í fyrri hálfleik gegn Kasökum (svona á 33.-37. mín) og þá átt góð skot og þungar sóknir.

Annars er leikurinn hundleiðinlegur og Kasakar betri ef eitthvað er. Eðlilegt væri að skipta út mönnum eins og Jón Daða og Birkir-unum báðum en það er eflaust borin von. Þjálfararnir breyta ekki liði nema í ítrustu neyð! Það er veikleikamerki að þeirra mati ...

„Fær Kári Gullboltann?“

Ekki á vísan að róa

Þó svo að íslenskir fjölmiðlar hafi legið frekar lágt í yfirlýsingum um skyldusigur á Kasakstan og að sætið á lokakeppni EM sé tryggt heyrir maður þó að flestir geri ráð fyrir auðveldum sigri.

Sænskir fjölmiðlar skrifa skiljanlega mikið um íslenska landsliðið, vegna þjálfarans sem þeir kalla nú Lars Lava, og virðast nokkuð öruggir með íslenska sigur. Ísland komið á EM, segir til dæmis Dagens nyheter og rekur sögu Lars sem landsliðsþjálfara.

Hann er greinilega ekki aðeins goðsögn hér á landi heldur einnig í heimalandinu, Svíþjóð:

http://www.dn.se/sport/i-kvall-kan-lagerback-skriva-islandsk-historia/

 

 

Leyfið veitt fyrir Íslandsleikinn

Varnarsinnað lið!

Það á greinilega að reyna að hanga á jafnteflinu gegn Hollandi. Valið á liðinu svo sem eðlilegt miðað við hvernig þjálfararnir hafa valið liðið undanfarið, þ.e. menn inná sem eiga að geta hlaupið mikið (eða elt eins og það er kallað á fótboltamáli) og þá skiptir ekki máli hvort þeir geti haldið boltanum eða komið honum frá sér á samherja.

Fyrst ætlunin er að leggjast alfarið í vörn hefði ég frekar valið Rúrik Gíslason en Jón Daða. Rúrik er snillingur í að halda boltanum, skýlir honum mjög vel, og tefja leikinn ef þess þarf (lætur sig detta ef komið er við hann!).

Því hefði verið eðlilegra að hafa Birkir frammi með Kolbeini, Jóhann Berg á vinstri kanti og Rúrik á þeim hægri.

En þjálfararnir eru samir við sig og velja alltaf sama liðið, eða sem næst því ef einhver forfallast.

 

Spá mín er 3-0 fyrir Holland (til vara 2-0)!

Jón Daði tekur sæti Emils Hallfreðssonar

Fín dönsk grein um íslenska fótboltaundrið!

Hér má sjá ágæta grein í danska blaðinu Politiken um íslenska knattspyrnuundrið - og gott viðtal við Arnar Grétarsson:

http://politiken.dk/sport/fodbold/ECE2818577/det-islandske-fodboldmysterium/

Gott að dunda sér við að rifja upp dönskuna meðan maður bíður "þolinmóður" eftir því að landsliðsþjálfurunum þóknast að gefa upp byrjunarlið Íslands.

Beðið eftir leiknum (Myndasyrpa)