Af hverju Jón Daði?

Jón Daði verður nú varla í byrjunarliðinu þrátt fyrir mikla ást landsliðsþjálfarana á honum.

En þessi staða er sú eina sem er ekki fyrirfram ákveðin. Mér finnst nú Alfreð líklegri enda er gríska deildin sterkari en sú norska og Alfreð fær að spila í Meistaradeildinni en norska liðið han s Jóns Daða er nokkuð langt frá því! Svo er auðvitað spurning um Kínverjana og þá annað hvort Viðar Örn eða Eið Smára.

Þjálfararnir fara reyndar ekkert eftir styrkleika deildanna sem landsliðsmennirnir eru að leika í, svo þeir eru óútreiknanlegir - eða kannski alltof fyrirsjáanlegir?

Hvernig verður byrjunarliðið?

Ekki mikið um breytingar!

Þrátt fyrir meiðsli manna eins og Arons Einars (og Alfreðs) er hópurinn í engu breyttur frá leiknum gegn Tékkum í vor.

Því má búast við að byrjunarliðið verði eins - og jafnvel að innáskiptingarnar verði þær sömu (og hugsanlega á sömu mínútunum og þá). Þjálfarnir eru nefnilega ekki nýjungagjarnir menn eins og flestir vita!

Þetta verður þá liðið, varamennirnir sem koma inná - og hvenær leiks:

Mark: Hannes Þór Halldórsson. 

Vörn: Birkir Már Sævarsson, Kári Árnason, Ragnar Sigurðsson, Ari Freyr Skúlason. 

Miðja: Emil Hallfreðsson (Jón Daði Böðvarsson 63), Aron Einar Gunnarsson, Gylfi Þór Sigurðsson, Birkir Bjarnason. 

Sókn: Jóhann Berg Guðmundsson, Kolbeinn Sigþórsson (Rúrik Gíslason 90). 

Aron og Alfreð fá hvíld

Einmitt

Þetta segir okkur að það sé afar ólíklegt að Aron Einar geti leikið með landsliðinu í leikjunum gegn Hollandi og Kazakstan. Fyrir utan það að vera meiddur er hann ekki í neinni leikæfingu.

Að vísu eru vegir landsliðsþjálfaranna órannsakanlegir en þeir eru varla svo vitlausir að taka slíka sjensa.

Enn heyrist ekkert af vali á leikmannahópi landsliðsins þó svo að aðeins sé um vika í leik. Ég skil ekki þennan seinagang alltaf í þjálfurunum því varla er það svo mikið leyndarmál hverjir skipa 24 manna hópinn. Nema auðvitað að þjálfararnir velji strax 16 manna hóp sem er nú harla óvenjulegt.

Annars getur maður strax byrjað að velta því fyrir sér hver taki stöðu Arons Einars á miðsvæðinu. Emil verður eflaust vinstra megin en meiri óvissa er um hægri varnartengiliðinn.

Miðað við íhaldsemina í þjálfurunum má gera ráð fyrir að þeir prófi Rúnar Má (hjá Sundsvall) í stöðuna, eða láti jafnvel Gylfa spila þarna eins og þeir hafa gert undanfarið. Ólafur Ingi kemur einnig  til greina er lítið er vitað hvernig hann stendur sig í Tyrklandi.

Ef þjálfararnir gerast allt í einu frumlegir gætu þeir tefla fram Ara Frey í stöðuna eða þá Guðlaug Victor, jafnvel Theodór Elmar sem þó spilar yfirleitt framar á vellinum með félagsliði sínu (hann fékk jú að spreyta sig í hægri bakvarðarstöðunni um tíma).

Guðmundur Þórarinsson er enn einn möguleikinn en hann hefur verið valinn í lið vikunnar í dönsku úrvalsdeildinni með þessari umsögn: "Den  islandske midtbanespiller viste stor ro og overblik på den centrale midtbane, hvor han sled, slæbte, skabte balance i hjemmeholdets spil og kun få gange mistede bolden. Gudmundur Thorarinsson fik bremset meget og gjorde det svært for AaB at blive farlige mange gange i løbet af de 90 minutter."

Aron varð að hætta við

Nokkuð harkaleg viðbrögð!

Þetta finnst mér nú nokkuð harkaleg viðbrögð í ljósi þess að leikmaðurinn sýnir iðrun og biðst afsökunar á framkomu sinni. Einnig kemur fram að maðurinn hafi komið óaðfinnanlega fram hingað til. Þetta er sem sé fyrsta "brot" leikmannsins.

Maður hefði haldið að nóg væri að sekt manninn og/eða setja í smá bann til að hann áttaði sig almennilega á því að þetta sé ekki líðandi.

Því hlýtur að vakna spurning hvort stjórn félagsins sé að nota atvikið til að losa sig við leikmanninn. Kannski er hann of dýr og því gott tækifæri til að losna við hann en liðið á enga möguleika lengur á að vinna sig upp í 1. deild.

Á móti kemur að Höttur er í mikilli fallhættu og má eflaust varla við að missa manninn. En kannski er liðið það illa statt peningalega að meira að segja önnur deildin er því fjárhagslega ofviða - og fall því ekki svo slæmt fyrir það. Minni ferðalög ...

Svo er auðvitað spurning hvort svona hefði verið komið fram við Íslending og að það hafi skipt máli að leikmaðurinn er frá Austur-Evrópu. Kannski einhver rasismi í spilinu hjá sjálfri stjórn Hattar?

Allavega er þessi rétttrúnaður, þessi harka, nokkuð grunsamleg(ur).

Rekinn eftir kynþáttaníð

Púra víti!

Leiðinlegt þetta væl í leikmönnum og þjálfurum þegar dæmt er á lið þeirra. Það er orðinn vani að mótmæla öllum dómum og reyna þannig að hafa sem mest áhrif á ákvarðanir dómaranna sér í hag. 

Fjölmiðlarnir taka meira að segja þátt í þessum leik og gera sem mest úr mótmælunum. Þeir halda að það selji.

Tek undir með þjálfara Víkings um að þetta er enn alvarlegra þegar starfsmaður KSÍ, landsliðsþjálfari kvenna, vælir út í eitt yfir dómgæslunni og það leik eftir leik.

Hann á auðvitað að vera til fyrirmyndar og koma í veg fyrir þessi leiðindi bæði innan vallar, á pöllunum og í fjölmiðlum.

Englendingar sekta þjálfara fyrir svona framkomu - og greinilega kominn tími til að gera slíkt hið sama hér.

Vítaspyrna eða ekki? (myndskeið)

Afsakanir?

Íslensku félagsliðunum hefur líklega aldrei gengið svona illa í Evrópukeppnunum eins og í ár. Öll fallin úr leik.

Þetta verður Norðmönnum tilefni til að bera saman árangur íslenska landsliðsins og félagsliðanna, þ.e. eftir leik KR gegn Rosenborg. Þar kemur fram að norska liðið hefði getað unnið 7-0 sigur á KR í stað 3-0 sigursins sem varð lokastaðan.

Þeir voru undrandi á því hvað KR-liðið var lélegt miðað við landsliðið okkar. Norska félagsliðið svo miklu betra, meðan íslenska landsliðið sé mun betra en það norska:

http://www.vg.no/sport/fotball/rosenborg/rosenborg-videre-i-europa-etter-lekestue-paa-lerkendal/a/23493971/

Rauðasta Evrópusumarið í áratug

Yfirburðir Celtic

Hér má sjá nokkuð aðra lýsingu á leik Stjörnunnar og Celtic og ekki eins hlutdræga Garðbæingum. Hvernig væri nú að hætta þessari duldu minnimáttarkennd og játa hreinskilningslega að íslensku félagsliðin standa þeim útlensku langt að baki. Svo er þessi skollaleikur með vatnið til að vökva gervigrasið Stjörninni og íslenkum fótbolta til skammar:

http://www.vg.no/sport/fotball/skotsk-fotball/celtic-videre-tross-sjokkstart-det-var-aldri-noe-stress/a/23493497/

 

Þetta eru stórir kallar að koma hingað

Fjórði þjálfarinn sem verður rekinn?

Það fer að koma tími á þennan þjálfara. Meistaraliðið frá í fyrra er nú í 7. sæti deildarinnar og fallið úr leik í forkeppni meistaradeildarinnar.

Auk þess virkar hann hrokafullur og skorta dómgreind. 

Eru ekki Veigar Páll og Garðar Jóh. góðir arftakar?

„Dómarinn var drullu lélegur“

Hér eru styrkleikaflokkarnir!

Styrkleikaflokkur 1: Þýskaland, Belgía, Holland, Rúmenía, England, Wales, Portúgal, Spánn, Króatía/Ítalía.

2: Króatía/Ítalía, Slóvakía, Austurríki, Sviss, Tékkland, Frakkland, Ísland, Danmörk, Bosnía-Hersegóvína.

3: Pólland, Úkraína, Skotland, Ungverjaland, Svíþjóð, Albanía, Norður-Írland, Serbía, Grikkland.

4: Tyrkland, Slóvenía, Ísrael, Írland, Noregur, Búlgaría, Færeyjar, Svartfjallaland, Eistland.

5: Kýpur, Lettland, Armenía, Finnland, Hvítarússland, Makedónía, Azerbajsan, Litháen, Moldóvía/Kasakstan.

6: Moldóvía/Kazakstan, Lúxemborg, Liechtenstein, Georgía, Malta, San Marínó, Andorra.

Úr neðsta í næstefsta flokk fyrir HM 2018

Ekki góður!

Jón Daði var ekki góður eftir að hann kom inná, missti boltann yfirleitt þegar hann fékk hana, enda eru hann og boltinn engir vinir!

Hann er hins vegar í náðinni hjá Lars Lagerbäck en eins og kunnugt er, er erfiðara að komast inn í lið sem hann stjórnar en að detta út úr því. Það sést vel á Jóni Daða. Hann er búinn að missa sæti sitt í byrjunarliði Viking í norsku úrvalsdeildinni en fær alltaf einhverjar mínútur með íslenska landsliðinu.

Enn betra dæmi um þetta er Birkir Bjarnason. Hann, eins og Jón Daði, er í náðinni hjá sænska skógarbóndanum, líklega vegna þess að hann nennir að þjösnast endalaust áfram. Að minnsta kosti er hann ekki vinur boltans frekar en Jón Daði.

Á meðan sitja menn eins og Alfreð Finnborgason og Rúrik Gíslason á bekknum allan leikinn, menn sem bæði eru flinkir með boltann og vinnusamir, auk þess sem þeir spila með mun betri liðum en "vinnuþjarkarnir". Svo var auðvitað leiðinlegt að sjá ekkert til Theodórs Elmars í leiknum en hann er enn einn leikmaðurinn sem heldur boltanum vel og hefur gott auga fyrir spili.

Það skiptir hins vegar greinilega ekki máli í augum landsliðsþjálfaranna.

Jón Daði átti að stressa Tékkana