Hörku riðill!

Þetta er svo sannarlega erfiður riðill sem 21 árs landsliðið lendir í. Að sama skapi er hann skemmtilegur og góð áskorun fyrir strákana. Ekkert veikt land með í riðlinum!

Gaman væri að sjá einhvers staðar hvaða leikmenn eru enn gjaldgengir í liðið, svo sem Sverrir Ingi og fleiri af þeim sem voru svo grátlega nærri því að komast í úrslitakeppnina síðast.

 

 

Ísland með Frakklandi og Úkraínu í riðli

Skrítnar breytingar

Samnkvæmt þessari liðskipan er vörnin gjörbreytt frá fyrri leiknum - en þrír þeirra sem voru í byrjunarliðinu þá, á miðjunni og frammi, þeir Rúrik, Rúnar Már og Jón Daði, halda stöðum sínum.

Markaskorararnir úr fyrri leiknum byrja báðir á bekknum (Steindór og Matthías), auk þess sem einhver besti maður þess leiks er einnig settur á bekkinn, þ.e. Theodór Elmar.

Skrítið að sjá Þórarinn Inga í byrjunarliðinu. Það hefði átt að vera nóg að sjá hann í heilum hálfleik í fyrri leiknum. Í hans stað hefði verið gaman að sjá Theodór í þeirri sem hann leikur jafnan í með Randers, þ.e. á vinstri kantinum.

Svo er auðvitað spurning hvort landsliðsþjálfararnir hafi ekki séð nóg til Rúnars Más Sigurjónssonar, hann lék jú allan fyrri leikinn, og kíkt í hans stað nánar á Guðlaug Vixtor eða Kristinn Steindórs. Ég var að minnsta kosti ekki hrifinn af frammistöðu Rúnars (sendingin beint útaf úr frísparki seint í fyrri leiknum var t.d. ekki mjög sannfærandi).

Átta breytingar á liði Íslands

Tilraunamennska eða kannski ekki?

Loksins kom að því að íslenska karlalandsliðið í fótbolta léki æfingarleiki. Tveir æfingarleikir gegn Kanada nú um miðjan janúar!

Og hópurinn er nú loksins tilraunakenndur þó svo að enn séu nokkur lík í lestinni eins og Þórarinn Valdimarsson og einnig uppvakningar eins og Hörður Árnason, leikmaður Stjörnunnar sem enginn hefur heyrt talað um fyrr en nú.

Hins vegar eru menn enn skildir eftir sem ætla mætti að styrktu þetta lið, menn eins og Steinþór Þorsteinsson og Indriði Sigurðsson, Viking, Pálmi Rafn Pálmason (Lilleström/KR), Hjálmar Jónsson, Gautaborg, Guðmundur Kristjánsson, Start, og Arnór Ingvi Traustason Norrköping (en hann átti stórleik með 21. árs liðinu gegn Dönum nú í haust). Í staðinn eru menn eins og Ólafur Finsen og Elías Ómarsson valdir, auk þeirra áðurnefndu Þórarinn og Hörð.

Þá er einnig athyglisvert að Rúrik og Theódór Elmar séu í þessu liði þar sem maður hefði haldið að þeir væru gefnir í A-liðið. Gaman hefði verið að sjá í staðinn Helga Val og Hólmar Örn, jafnvel Ólaf Skúla og Hörð B. Magnússon sem eru nokkuð langt frá byrjunarliðinu eins og er. Einnig Viðar Örn sem hefur fengið fá tækifæri með A-liðinu. Svo er auðvitað spurning um Birki Má. Er hann öruggur um sæti sitt í byrjunarliði aðalliðsins og því ekki valinn nú? Svo er það eilífðarspurningin um Björn Bergmann Sigurðarsson. Gefur hann kost á sér eða ekki?

Fimm nýliðar í fótboltalandsliðinu

Lélegt íslenskt lið!

Það má segja eftir þennan leik að það er mesta furða hvað íslenska karlalandsliðið í fótbolta er komið með mörg stig. Liðið er einfaldlega ekki nógu gott og var hreinlega lélegt í þessum leik.

Ástæðan er að mínu mati fyrst og fremst rangt liðsval þjálfaranna og röng liðsuppstilling.

Einn sparkspekinganna í sjónvarpinu hélt því fram að Tékkar væru snillingar að lesa leiki andstæðinganna og hafi séð veikleikana á vinstri vængnum í þessum leik. Málið er bara það að þar var eina breytingin á íslenska liðinu. Emil Hallfreðsson var allt í einu látinn spila á hægri kanti eftir að hafa spilað vinstra megin alla hina leikina. Hvernig gátu Tékkar lesið þetta fyrir leikinn?

Veikleikar íslenska liðsins komu hins vegar vel í ljós í þessum leik. Fyrst er það Hannes markvörður. Hann hefur verið óöruggur í öllum leikjum keppninnar en það sloppið fyrir horn - þar til nú. Sjálfsmark hans var með því klaufalegra sem maður hefur séð. Við eigum þó góðan markmann sem loks fékk að spreyta sig gegn Belgum (Ögmund) og eiga þar stórleik, en fékk aðeins einn hálfleik.

Þá er auðvitað mjög hæpið að spila með Gylfa Sigurðsson sem varnartengilið. Allir vita hver er hans uppáhaldsstaða, í holunni fyrir aftan senterinn, eða senterana. Þar spilaði hins vegar hvítvoðungurinn Jón Daði Böðvarsson og sýndi það í þessum leik að hann á enn langt í land að geta spilað á þessu "leveli". 

Kannski er ástæðan fyrir því að Gylfi er látinn spila þarna sú að Aron Einar veldur engan veginn hlutverki sínu sem tengiliður. Maður sér varla sendingu frá hinum sem kemur íslenskri sókn af stað. Það eru fleiri leikmenn þarna sem eru að spila rangar stöður (svo sem Theódór Elmar og jafnvel Ari Freyr) eða eiga alls ekki heima í þessu liði (eins og Birkir Bjarnason).

En aðal vandamálið eru þjálfaranir. Þessir margrómuðu heiðursmenn klikkuðu algjörlega í liðsvali og leikskipulaginu í þessum leik. Að mínu mati klikka þeir reyndar oftar en ekki en hafa komist upp með það þar til nú.

 

Grátlegt sjálfsmark felldi íslenska liðið

Rúrik og Ögmundur bestir!

Rúrik er búinn að eiga stórleik í fyrri hálfleiknum og hlýtur að fá tækifæri gegn Tékkum í alvöruleiknum á sunnudaginn. Réttast væri að setja Birki Bjarnason í hans stöðu í seinni hálfleiknum svo menn geti séð gæðamuninn á þessum tveimur leikmönnum.

Þá er Ögmundur Kristinsson (yngri) búinn að eiga stórleik í markinu og virðist ekki vera síðri markvörður en Hannes Þór Halldórsson.

Fleiri virðast ekki koma til greina í liðið á sunnudaginn, nema auðvitað fyrir Jón Daða Böðvarsson, þ.e. annaðhvort Alfreð eða Viðar Örn. Gaman væri að sjá þá báða spila lungann úr seinni hálfleiknum til að dæma um það.

Reyndar er Hallgrímur Jónasson traustur í vörninni og á greinilega fullt erindi í A-landsliðið, amk sem innáskiptur varamaður.

Tveggja marka tap gegn Belgum ytra

Íhaldssemin söm við sig!

Hefði einhver búist við tilfæringum á íslenska landsliðinu fyrir æfingarleikinn við Belga, fyrir leikinn mikilvæga gegn Tékkum, þá hefur hann ekki orðið að ósk sinni. Liðið breystist jú harla lítið og leikmenn sem hafa verið að standa sig vel með félagsliðum sínum undanfarið fá ekki tækifæri frekar en fyrri daginn. Má þar nefna hinn leikreynda Pálma Rafn Pálmason sem hefur verið að skora grimmt fyrir Lilleström í síðustu leikjum. Lið hans endaði í fimmta sæti norsku úrvalsdeildarinnar, vel fyrir ofan næstu Íslendingalið, en samt fær hann engin tækifæri hjá Lagerbäck og Heimi.

Birkir Bjarnason er hins vegar alltaf í náðinni þrátt fyrir slaka frammistöðu undanfarið með landsliðinu og þrátt fyrir að leika með lélegu liði í ítölsku B-deildinni.

Þá hefði alveg mátt hvíla Helga Val og Ólaf Inga en þeir hafa lítið sem ekkert verið notaðar undanfarið í landsliðinu. Guðlaugur Victor hefur verið að standa sig vel með Helsingborg síðan hann kom þangað og svo þætti manni ekki óeðlilegt að Guðmundur Þórarinsson færi að banka á dyrnar hjá landsliðinu eftir góða frammistöðu með 21 árs landsliðinu og með félagsliði sínu, Sarpsborg.

En íhaldssemi þjálfaranna í liðsvalinu breytist ekki svo glatt, þrátt fyrir yfirlýsingar um að nota menn í leiknum gegn Belgum, sem hafa lítið fengið að spreyta sig hingað til.

Jóhann, Ögmundur og Hörður í hópinn

Lagerbäck í dýrlingatölu?

Búið er að taka Lars Lagerbäck í dýrlingatölu ... í Svíþjóð vegna árangurs hans með íslenska landsliðið.

Í grein í DN (Dagens Nyheter) er þessu haldið fram og bent á að svo hafi nú ekki alltaf verið. Um leið og L. tók við sænska landsliðinu á sínum tíma heyrðust óánægjuraddir og þær minnkuðu ekkert þrátt fyrir eitt brons á HM. Kemí-ið milli fjölmiðlafólks ytra og Lars virðist aldrei hafa virkað enda miklar kröfur gerðar til landsliðsins, sem Lars og Tommy Söderberg, aðalþjálfari liðsins um tíma en þá var Lars aðstoðarþjálfari en svo jafnháir þar til Lars tók alfarið yfir, náðu aðeins einu sinni að uppfylla.

Nú hins vegar er hann elskaður og virtur í Svíþjóð, ekki aðeins vegna frammistöðunnar sem þjálfari íslenska landsliðsins heldur einnig vegna óánægjunnar með núverandi þjálfara sænska landsliðsins, Erik Hamrén. Sá þykir sjálfumglaður og tala oft óskiljanlegt mál meðan Lars er alltaf jafn alþýðlegur í tali og settlegur í framgöngu! Það eru Svíar loksins farnir að kunna að meta!

http://www.dn.se/sport/johan-croneman-folkbildaren-och-lararen-lars-lagerback-ar-var-sjal/

Því má búast við að Lars verði dýrlingur í tveimur löndum, Svíþjóð og Íslandi, ef svo heldur fram sem horfir.

Ísland í 28. sæti á FIFA-listanum

2-0 eftir að hafa verið í nauðvörn lengstum!

Undarlegur er hann þessi fótbolti. Íslenska liðið lélegt í fyrri hálfleiknum og verið lengi vel í nauðvörn - en fékk svo gefins vítaspyrnu - og skoruðu svo í eina færinu eftir það!

Gott að Robben er ekki góður skallamaður! Þvílíkt dauðafæri! 

 

Sögulegur sigur á bronsliði HM

Birkir og Jón Daði enn í byrjunarliðinu!!

Það er ekki hægt að segja að landsliðsþjálfarar íslenska karlalandsliðsins í fótbolta séu nýjungagjarnir!

Sama liðið og síðast þrátt fyrir að tveir leikmannanna þá hafi í raun fengið falleinkunn (amk miðað við hina leikmennina), þeir Birkir Bjarnason og Jón Daði Böðvarsson.

Birkir er auðvitað kapituli útaf fyrir sig og hefur verið lengi, en þetta með Jón Daða er tiltölulega nýtt.

Hann hefur meira og minna verið varamaður hjá liði sínu Viking sem er í neðri hluta norsku úrvalsdeildarinnar en Alfreð var markahæsti leikmaður þeirra hollensku á síðustu leiktíð - og er núna að spila í einni albestu deild í heimi, þeirri spænsku. Þar hefur hann ekki spilað minna undanfarið en Jón Daði í þeirri norsku - en samt er sá síðarnefndi valinn.

Mikla athygli vakti á sínum tíma þegar Lars Lagerbäck rökstuddi það að velja ekki Aron Jóhannsson í landsliðið meðan hann spilaði í Danmörku, og hafði nýverið skorað fjögur mörk í einum leik, að danska úrvalsdeildin væri nú ekki svo sterk.

Ætli rökstuðningurinn núna fyrir valinu á Jón Daða, en ekki Alfreð, sé ekki sá að spænska deildin sé nú ekki svo sterk?

Byrjunarlið Íslands óbreytt

Stórt tap þá!

Ef ég man rétt þá tapaði íslenska landsliðið leiknum gegn Wales 3-0 og átti Bale þátt í öllum mörkunum. Hann fór oft illa með Ara í þeim leik. Hætt er við að menn eins og Emil og jafnvel óskadrengurinn Aron Einar þurfi að vera duglegir í hjálpinni þegar Robben tekur sprettina sína. Svo verða menn auðvitað að passa dýfurnar hjá honum og koma ekki of mikið við hann inni í teignum.

Annars leggst þessi leikur illa í mig. Hætt er við að þjálfararnir breyti ekki liðinu ("við breytum ekki sigurliði") og látum óharnaðan unglinginn, Jón Daða, byrja inná en hafa hinn vel sjóðaða Alfreð á bekknum rétt eins og í síðasta leik. Þá er hætt við að Birkir Bjarna byrji inná og taka lítinn þátt í leiknum rétt eins og í síðustu tveimur landleikjum.

0-3 rétt eins og leikurinn gegn Wales?

Ari: Bale hljóp hratt líka