Dettur enginn út?

Annað segir RÚV. Þar kemur fram að framherjinn ungi í FH, Kristján Gauti Emilsson, sé meiddur og hefur dregið sig út úr hópnum:

http://www.ruv.is/frett/tvaer-breytingar-a-islenska-hopnum 

 

Guðlaugur Victor inn í landsliðshópinn

Slakur leikur

Ekki var þetta vel spilaður leikur af hálfu íslenska liðsins! Jafnteflið var ekki sanngjörn úrslit!

Þá var ótrúlegt val á liðinu og útafskiptingarnar skrítnar en ekki innáskiptingarnar. 

Eins og venjulega fengu slakir leikmenn eins og Birkir Bjarnason og Aron Einar að spila allan leikinn meðan betri leikmennirnir voru teknir útaf eins og Rúrik Gíslason og Emil Hallfreðsson. 

Þjálfarar landsliðsins féllu enn og aftur á prófinu og er mesta furða hvað liðið getur þrátt fyrir þá. 

Kolbeinn tryggði jafntefli

Kári en ekki Ragnar!!

Þetta hefði maður svo sem mátt vita eftir æfingarleikina tvo fyrr á árinu. Þar léku til skiptis í miðverðinum Ragnar og Sölvi Geir við hliðina á Kára, þ.e. með Kára sem fyrsta kost!

Athyglisvert þar sem Kári var í vetur og vor að leika í ensku c-deildinni en Ragnar (og Sölvi) að leika reglulega í einni sterkustu deild í heimi,  þeirri rússnesku.

Þetta er auðvitað ekki eina dellan í valinu á landsliðinu. Birkir Bjarna er enn og aftur í liðinu þrátt fyrir að vera ekki í neinni leikæfingu.

Þá hefur nafni hans Birkir Már yfirleitt verið á bekknum með Brann þar sem af er norsku leiktíðarinnar á meðan Hallgrímur Jónasson hefur t.d. leiki alla leiki með sínu liði í dönsku deildinni og mikið spilað í bakvarðarstöðunni. Samt er Birkir Már tekinn fram fyrir Hallgrím, já og Theódór Elmar sem lék í þessari stöðu í síðasta leik og var þá besti maður íslenska liðsins!!!

Þá er Aron Einar  í byrjunarliðinu þrátt fyrir að hafa setið á bekknum hjá Solskjær nær alla leiki síðan Norðmaðurinn tók við Cardiff, á meðan Helgi Valur leikur alla leiki með portúgalska úrvalsdeildarliðinu. Theódór Elmar lék einnig alla leiki með sínu liði á miðjunni í dönsku úrvalsdeildinni og fékk góða dóma.

Ef ég þekki landsliðsþjálfarana rétt þá fá einmitt þessir leikmenn mesta leiktímann, a.m.k. Birkir Bjarna, Kári og Aron Einar. 

Ég spái því þriðja tapinu á árinu í jafnmörgum leikjum. Vonandi verður það ekki mjög stórt, a.m.k. ekki eins stórt og tap 19 ára landsliðsins gegn Serbum fyrr í dag (6-0).

Mér sýnist landsliðsþjálfararnir gefa skít í hvað stuðningsmenn hér heima hugsi um valið á liðinu. Svo er verið að tala um mikilvægi þess að landsliðið njóti stuðnings fótboltaáhugamanna! 

Viðar Örn byrjar í sínum fyrsta leik

Hringl og ekki hringl!

Það er alltaf jafn forvitnilegt að sjá valið á landsliðinu hjá þeim félögum Heimi og Lars. Sumir eru allaf í landsliðinu þó þeir spili ekkert með félagsliðum sínum - og er Birkir Bjarnason þar gott dæmi! Þá skiptir reynslan meira máli en leikæfingin!

Svo þegar komið er að þeim reynsluminni þá er hringlað með þá í næstum hverju vali. Nú sjáum við skyndilega menn eins og Halldór Orra, Kristján Gauta og Hörð B. Magnússon í landsliðshópnum sem aldrei hafa verið þar áður - og Jón Daða sem á einn leik að baki ef ég man rétt. Eini nýliðinn sem á þarna tilverurétt að mínu mati er Viðar Örn Kjartansson sem hefur slegið í gegn með Vålerenga nú í vor. Jón Daði er reyndar spennandi nafn einnig þegar svona mikil forföll eru í framlínunni.

Valið á þeim fyrrnefndu er þeim mun merkilegra fyrir þær sakir að þeir hafa ekki verið að spila mikið með félagsliðum sínu. Halldór Orri er nýkominn í byrjunarliðið hjá Falkenberg og Jón Daði er sá Íslendinganna í Viking sem minnst hefur spilað með liðinu. Auk þess voru landsliðsþjálfaranir búnir að lýsa því yfir að þeir veldu ekki menn sem spila hér heima (nema markmennina) en hafa ekki staðið við það hingað til.

Á meðan eru menn sjóaðir af reynslu í atvinnumennsku, og sem leika alla leiki með liðum sínum, ekki valdir. Má þar nefna félagana í Viking, þá Indriða Sig. og Steinþór Þorsteins (Björn Ingi Sverrisson er sá þriðji sem hefur verið valinn í landsliðið undanfarið en fær nú ekki sjensinn). Hjörtur Logi spilar reglulega með liði sínu Sogndal en er samt úti í kuldanum. Einnig má nefna Guðmund Þórarinsson sem er lykilmaður hjá Sarpsborg. Svo eru þarna eldri kempur eins og Pálmi Rafn sem virðist algjörlega gleymdur af landsliðseinvöldunum, þó hann sé búinn að vera fastamaður í liði sínu í mörg ár. 

Í Svíþjóð eru þeir félagar Kristinn Steindórs og Guðjón Baldvins að leika reglulega og standa sig vel en eru ekki valdir (Guðjón fék þó brot úr landsleik fyrir skömmu). Þá er Kristinn Jónsson kominn  í sænsku úrvalsdeildina og spilar þar alla leiki en virðist hafa dottið út úr landsliðinu við það eitt að fara í atvinnumennsku! Auk þess er Arnór Smára enn að spila fyrir Helsingborg og er þar fastamaður í byrjunarliðinu. M.a.s. Guðmann Þórisson er nafn sem vert er að leggja á minnið en hann er að spilla reglulega í miðverðinum með liði sínu Mjällby.

Eitt spennandi nafn í sænsku 1. deildinni má nefna í viðbót en það er Jón Guðni Fjóluson en hann er undir smásjá fjölda liða fyrir frammistöðu sína í vor. 

Það væri forvitnilegt að sjá leik milli þessa landsliðshóps sem nú er valinn og þeirra atvinnumanna sem fá ekki sjensinn núna. Ég er nokkuð viss um að síðarnefndi hópurinn myndi vinna þann leik. 

Kunnugleg nöfn í hópnum

"KR svindlar"!

Í gamla daga, þegar sölustrákarnir gengu um stúkuna á Laugardalsvellinum og hrópuðu: "Sælgæti, sígarettur og vindlar", bættu andstæðingar KR við, þegar Vesturbæjarliðið var að spila: "KR svindlar".

Það hefur nefnilega lengi loðað við KR að vera óíþróttamannslegt félag. Og það löngu fyrir daga Guðjóns Þórðarsonar sem þjálfara liðsins. Einn af "lærisveinum" hans, Rúnar Kristinsson, var lengi þekktur fyrir leikaraskap á vellinum og nú heldur hann uppteknum hætti sem þjálfari, reynir á óheiðarlegan hátt að hafa áhrif á dómarana.

Við munum eiga von af meira af slíku af hálfu KR-inga á næstunni, sérstaklega ef illa gengur, mótmæla dómum og kvarta undan dómurunum rétt eins og reyndin var í leiknum gegn FH.

Gary Martin virðist passa ágætlega í þennan hóp, miðað við lýsingu Doumbia á hegðun hans í leiknum - og miðið við sögurnar af honum á meðan á dvölinni upp á Skaga stóð.

Hugtakið "Fair play" virðist ekki eiga upp á pallborðið hjá KR-ingum, hvorki fyrr né nú.

„Býr virkilega einhver hérna?“

"stor succes"

Frekar er verið að draga úr frammistöðu Theódórs Elmars með Randers í þessari frétt mbl.is. Í frétt danska netmiðilsins segir að hann hafi haft "stor succes" með liðinu sem er aðeins þýtt með orðunum "staðið sig vel".

Annars þarf íþróttafréttamaðurinn íslenski ekki að vera með þessi látalæti. Íslenskt knattspyrnuáhugafólk sá vel gæðin hjá Elmari í leiknum gegn Wales um daginn þar sem hann var yfirburðarmaður hjá íslenska landsliðinu.

Það er löngu kominn tími til að hann verði metinn að verðleikum hér heima - og verði fastamaður með landsliðinu (helst í sínu hlutverki hjá félagsliðinu, þ.e. sem miðjumaður). 

Andri Rafn æfir hjá Randers

Hlýtur að vekja spurningar!

Þetta hringl þjálfarans með liðið hlýtur að vekja spurningar. Yfirleitt eru svona mót notuð til að móta liðið fyrir komandi alvöruátök - og reynt að fá fram vel samæft 11 manna lið.

Svíarnir eru að leika gegn Japan í dag og tefla fram sínu sterkasta liði. Þeir stefna jú í úrslitaleikinn gegn Þýskalandi.

http://www.dn.se/sport/fotboll/japansverige-avgor-gruppen/

En það gerir Freyr alls ekki. Hann tekur útaf leikmenn sem ættu að vera gefnir í byrjunarliðið, eins og Glódísi, Hallberu og síðast en ekki síst Söru Björku (og setur Katrínu Ómars loks inná og þá á kantinn!!!). Það er eins og hann vilji tapa sem flestum leikjunum í mótinu!

Í leiknum gegn Noregi voru leikmennirnir greinilega ekki sama sinns. Hvað núna, með algjörlega nýja varnarlínu? Yfirleitt er lögð mest áhersla á að fá fram samæfða miðverði og vörn, en í þessu móti hafa miðverðirnir aldrei spilað saman áður. Alltaf verið að skipta!! Merkilegt!

Freyr gerir aftur 8 breytingar á byrjunarliðinu

Hálfgert "vara"lið hjá báðum?

Hvorki Kristin Hegland né Caroline Graham Hansen eru með Norðmönnum í þessum leik og ekki heldur gömlu brýnin Gulbrandsen og Stensland.

Hvað íslenska liðið varðar er erfiðara að segja hverjir eru aðalmenn og hverjir varamenn.  Katrín Ómarsdóttir byrjar t.d. aftur á bekknum en flestir hefðu haldið að hún væri gefin í byrjunarliðið. Hún virðist reyndar vera í ónáð hjá landsliðsþjálfaranum og var einnig á bekknum í undankeppninni gegn Sviss.

Þá eru reynsluboltar eins og Dagný Brynjarsd. og Rakel Hönnudóttir settar á bekkinn - og einnig Harpa Þorsteins.

Mist og Katrín Ásbjörns hafa ekki leikið mikið og ekki heldur Elín Jensen.  Reyndar koma Dóra María og Fanndís inná en þær eru auðvitað reynslumiklar.

Fróðlegt að sjá hvernig þetta kemur út.

 

Lögðu Noreg að velli á Algarve

Úrvalsdeildarlið?

Tromsö féll nú niður um deild á síðustu leiktíð svo þeir eru ekki lengur í úrvalsdeildinni norsku, ekki frekar en danska liðið í þeirri dönsku.

Bjarni Þór tryggði Silkeborg sigur

"gott að gefa þeim heilan leik"?

Þetta er nú eitt það furðulegasta sem ég hef heyrt frá landsliðsþjálfara. Gott að gefa leikmönnum, sem lítið hafa verið að spila með félgsliðum sínum,  séns til "að sanna sig fyrir sínum þjálfurum"!! 

Eins og þeir hafi verið að horfa á leikinn! 

Það sýnir dómgreindarleysi á hæsta stigi að láta leikæfingarlausa menn eins og Jóhann Berg og Aron Einar spila heilan leik, á meðan menn í mjög góðri leikþjálfun eins og Ólafur Skúlason og Helgi Valur Daníelsson fá ekki eina einustu mínútu. Nær hefði verið að leyfa þeim að byrja leikinn og skipta síðan þeim leikæfingarlausu inná í seinni hálfleik.

Þjálfararnir höfðu sagt fyrir leikinn að úrslit hans skiptu miklu máli. Þeir færu í hann til að ná í stig, eitt eða fleiri. Nú skiptir skyndilega meira máli að sýna menn fyrir þjálfurum þeirra heima fyrir og hjálpa þeim að fá smá leikæfingu!

Lélegar afsakanir þetta!

Öðruvísi talar fyrrum landsliðsþjálfari Norðmann, Semb. Hann segir að landsliðsmenn sem ekki leiki 80% leikja með félagsliðum sínum ættu að fara fram á sölu til þess að geta verið gjaldgengir í landsliðið. 

Væri ekki ráð fyrir íslensku þjálfarana að fara fram á það sama við íslensku landsliðsmennina? 

 

Heimir: Bale var munurinn á liðunum