Mótmæli gegn dönsku kratastjórninni hafa borið árangur

Hún ætlaði jú að skylda alla dönsku þjóðina til að bólusetja sig en því var hafnað af öllum flokkum nema krötunum. Merkilegt hvað kratarnir hafa miklar tilhneigingar til fasisma:

https://www.dr.dk/nyheder/webfeature/coronaskepsis

 

Danir vilja bólusetja allt að 400.000 á dag

Varfærnar afléttingar framundan?

Í ljósi þess að 10.000 manns eru atvinnulausir vegna hinna ströngu varúðarreglna sökum kórónuveirunnar og hinna miklu fjárútgjalda ríkissjóðs, tugi og hundruð milljarða, verður tregða sóttvarnalæknis og stjórnvalda við að aflétta þessum ströngu takmörkunum að teljast stórfurðuleg.
Nýjustu tölur um þessa veiru, sem er greinilega búinn að missa allan kraft, er að smit hafa verið undir fimm talsins frá 15. jan eða í 17 daga, undir 10 smitum frá 9. jan. eða í 23 daga og undir 12 smitum frá 22. des. eða vel á annan mánuð!
Engin smit utan sóttkvíar frá 20. jan, engin á gjörgæslu síðan í desember og engin dauðsföll (nema vegna bólusetningarinnar!) í háa herrans tíð. 

Höfum við virkilega efni á þessari "varfærni"?
Brut með grímuskylduna, tveggja metra regluna og fjöldatakmarkanirnar!

Eitt smit innanlands – var utan sóttkvíar

Er virkilega enn allur varinn góður?

Aðeins tvö ný smit þrátt fyrir um 1500 sýni innanlands í gær. Undanfarið hafa verið færri en fimm smit frá 15. jan (eða í 11 daga), færri en 10 smit frá 9. jan eða í 17 daga og færri en 12 smit frá 22. des. eða í rúman mánuð!

Enn segja þó höfðingjarnir Víðir og Þórólfur að ekki sé tímabært að létta takmörkunum - og Þórólfur talar um að ekki sé enn komin reynsla á síðustu afléttingu (sem reyndar var næstum engin). Hún var þó fyrir hálfum mánuði (12. jan.) eða nákvæmlega þann tíma sem þarf að líða til að reynsla af henni eigi að koma í ljós að sögn sama manns.

Þetta hljómar enn og aftur eins og að menn ætli að misbeita valdi sínu og halda þessum "sóttvarnar"aðgerðum eins lengi og þeim er stætt á því. Reyndar er spurning hverju Sótti ræður, því það virðist ávallt vera sem að Víðir gefi línuna og Sótti samþykki hana svo.
Einnig er spurning hversu lengi stjórnvöld ætla sömuleiðis að vera strengjabrúða þessarar löggu - og hvort samfélag okkar sé að verða að lögregluríki, einu allsherjar almannavarnarsvæði þó engin sé hættan lengur.

Langlundargeð þjóðarinnar er auðvitað einstakt - engin mótmæli meðan heyrist af hörðum mótmælum í Danmörku og Hollandi og eflaust víðar. 
Hvernig væri nú að þeir, sem þessar aðgerðir bitna harðast á, taki sig til og fari að skipuleggja mótmæli á götum úti. Þetta gengur svona ekki lengur.

Tvö smit innanlands

HM stofan er það eina sorglega

Leikur Íslands og Noregs sýndi að gagnrýni Guðmundar (eða réttara sagt svar hans við skítkasti tvímenninganna í HM-sófanum) átti fyllsta rétt á sér. Liðið lék vel síðustu tvo leikina og lofar góðu upp á framtíðina. 

Hins vegar lofar HM stofan ekki góðu - þó að þeir Logi og Arnar höfðu vit á því að þegja núna (að mestu nema auðvitað heimskinginn hann Logi).

RÚV verður að sjá sóma sinn í að skipta þessum mönnum út fyrir einhverja sem er sanngjarnari og hlutlausari í umfjöllun um landsliðið.
Þá er auðvitað spurning hvort HSÍ sé stætt á því að hafa Arnar sem landsliðsþjálfara kvenna eftir þessi viðbrögð hans við svari kollega síns. Það sýnir amk ekki þá samstöðu sem maður hefði haldið að þyrfti að ríkja milli þjálfara íslenskra handboltalandsliða.

Burt með þá báða, Arnar og Loga!

Gagnrýni Guðmundar sorgleg

Aðallega skot á Loga Geirs.

Guðmundur var greinilega að skjóta á hrokagikkinn og dónann hann Loga Geirs, sem virðist í einhverri herferð gegn handboltalandsliðinu - og þá líklega fyrir hönd síns besta vinar, Arons Pálmarssonar. 

Ummæli hans um Ólaf Guðmundsson benda í þá áttina, til einhverrar ríkrar þarfar til að gera lítið úr þeim leikmanni sem hefur hreinsað upp margan skítinn úr Aroni eftir að þessi "albesti leikmaður Íslands fyrr og síðar" hafði enn og aftur klikkað á stórmóti. Nú er Aron sem betur fer ekki með en þá þarf Logi, aldrei þessu vant, að hafa allt á hornum sér. Það heyrðist nefnilega ekki í honum þegar Aron lék sem verst með landsliðinu.

Árás Loga á Tomas Svensson og krafa um að hann væri rekinn, er gott dæmi um þetta. Tómas leyfði sér að gera athugasemd við það að Aron spilaði báða leiki Barcelona í úrslitum meistaradeildarinnar gegn Kiel um daginn, en var svo skyndilega "meiddur" nokkrum dögum seinna og gaf ekki kost á sér í landsliðið. Að baki þessarar árásar á Tómas liggur vitanlega óbein árás á Guðmund landsliðsþjálfara (fyrir að reka Svíann ekki), líklega vegna þess að Gummi leyfði sér (bara) að segja að slæmt væri að missa Aron "einn besta leikmann liðsins" (þ.e. ekki þann albesta!). Síðan er það þjálfaranum að kenna að liðið tapaði leikjunum gegn Portúgal og Sviss - eins og handboltalandsliðið væri besta lið í heimi og ætti heimsmeistaratitilinn vísan!!
https://www.visir.is/g/20212063272d/logi-hefdi-rekid-tomas-svens-son

Það er auðvitað nokkuð sérstakt að íþróttadeild RÚV skuli hafa þessa tvo spekinga, Loga og Arnar, í HM- og EM-stofunni ár eftir ár, sérstaklega Loga, enda leitun að öðrum eins leiðindagaur.
Auk þess verður að teljast leitun að öðru eins liði og þeim sem eru að lýsa leikjunum fyrir RÚV. Hlutdrægir með afbrigðum, með sterku liðunum gegn þeim veikari, með sífelldar upphrópanir ("vá hvað þetta var flott" "glæsilega leikið" osfrv.) og æsing þó lítið sem ekkert sé að gerast í leiknum.
Reyndar er þessi hávaði og læti einkennandi fyrir alla íþróttafréttamenn, einnig á Stöð 2, og er svo hvimleitt að maður neyðist til að slökkva á talinu til að geta horft á leikina sér til ánægju.

Landsliðsþjálfarinn skaut fast á fjölmiðla

Enn misnotar Þórólfur vald sitt!

Þrátt fyrir að smit hér innanlands hafi verið um og undir 10 smitum síðan fyrir jól er enn haldið stíft í takmarkanir hér á landi.
Ytra eru t.d. fjarlægðarmörk víða 1-1,5 metri, þrátt fyrir miklu fleiri smit, en hér tveir metrar. Grímuskylda er hér nær alls staðar innan húss en óvíða ytra. Smitrakning mun meiri hér en ytra en samt mun minna um smit - og þrátt fyrir það eru hér einhverjar hörðustu varúðarráðstafanir sem þekkjast!

Maður hefur það á tilfinningunni að ef sóttvarnaryfirvöld fái að ráða þá verði þessu takmörkunum á frelsi almennings aldrei aflétt. Þau séu komin til að vera.

Af þessu gefnu tilefni birti ég hér eitt vers úr Passíusálmum sr. Hallgríms, sem á við um alla þá sem misnota vald sitt:

Af stórri makt sig réð stæra
stoltur Pílatus hér,
rétt mál til rangs að færa
reiknaði leyfilegt sér.
Kann vera margan megi
meining sú villa þrátt,
þó lögin brjóti og beygi,
bannað sé þeim það eigi,
fyrst vald þeir hafa hátt.

Fólki í sóttkví fjölgar um 66%

Lágheiði rétt við Siglufjörð?

Ekki er nú landafræðikunnáttan mikil hjá þessum blaðamanni Moggans. Lágheiðin liggur jú eins og kunnugt er á milli Ólafsfjarðar og Fljóta og því réttast að segja að hún sé rétt við Ólafsfjörð. A.m.k. er Lágheiðin langt frá Siglufirði.
Nema auðvitað að Siglufjörður sé orðið aðalviðmiðið þegar talað er um Tröllaskaga?

Einn slasaður eftir vélsleðaslys

Þessi frétt er auðvitað rugl!

Pereira bjóst auðvitað við stærri sigri í Portúgal en ekki á Ísalandinu hinu kalda því sá leikur hefur ekki enn farið fram.
Annars er þetta rétt mat hjá Portúgalanum. Íslenska landsliðið í handbolta er um þetta leyti eflaust eitt það lélegasta sem teflt hefur fram lengi, engin skytta hægra megin (fyrst Ólafur Guðm. fær ekkert að spila) og línumennirnir eru eflaust einhverjir þeir lélegustu á þessu leveli. Svo er talað um mikla breidd í liðinu!
Svo er auðvitað eitthvað mikið að hjá liðinu sálrænt eins og sást á vítaklúðrinu ofl. Gummi landsliðsþjálfari er að venju helsta vandamál þessa liðs. Þannig að undir hans stjórn er leikurinn hér heima einnig tapaður.

 

Bjóst við stærri sigri á Íslandi

Opin sölusýning til kl. hálf ellefu?

Þessi afsökun Bjarna er nú harla klén - og ég leyfi mér að fullyrða að hér ljúgi hann eins og hann er langur til.
Það er eitt að hafa verið uppvís að dómgreindarleysi en að grípa til lygi til að réttlæta gerðir sínar er annað. Það sýnir auðvitað ekkert annað en hroka þessa manns og sjálfsréttlætingu. 

Fram hefur komið að enginn var með grímu þarna inni þegar Bjarni og fleiri voru nappaðir þar af löggunni, en það er m.a.s. skylda við "sölusýningu" og var virt af öllum þegar ég var þarna nokkrum dögum áður.
Auk þess voru nálægðarmörk ekki virt og sölusýningunni lauk kl. 22, sem sé var lokið þegar ráðherrann mætti á staðinn. Auk þess hefur staðurinn ekki leyfi til að hafa opið lengur en til kl. 22 (og samkvæmt reglum þar um mega veitingarstaðir ekki hleypa inn fólki eftir kl. 20). Þannig að Bjarni vissi vel að sýningin var yfirstaðinn.

Svo segist ráðherra í ríkisstjórn ekki vita hvaða reglur gilda! Það eitt ætti nú að leiða til þess að maðurinn missi allt traust fólks til að leiða fjármál ríkisins - sem og stærsta stjórnmálaflokk landsins: "Hræsnin mun síst þér sóma."

 

„Ég er ekki að hugsa um að segja af mér“

Og ekki Fríkirkjan!

Það eru alls fjórar kirkjur í 101 Reykjavík. Sú sem ekki var nefnd í þessari frétt er Fríkirkjan við Tjörnina. Þeir sem eitthvað fylgjast með kirkjumálum, og messum um jólin þá sérstaklega, vissu fyrir að það gæti ekki verið um neina aðra kirkju að ræða en Landakotskirkjuna.
Engir kirkjugestir voru leyfðir hjá þjóðkirkjunni og Fríkirkjan var með streymi frá aftansöng kl. 23.30 í gærkvöldi og var sýnt frá henni í sjónvarpi. Þá var aðeins ein kirkja eftir, kirkja Krists í Landakoti.

Sérkennilegt annars að lögreglan hafi ekki sagt frá því hvaða kirkju væri um að ræða og skapað með því óþarfa ágiskanir fólks.

Löggan var ekki svona tillitssöm þegar um Ásmundarsal var að ræða!

Lögreglan hafði afskipti af Landakotskirkju