Draumurinn endanlega búinn?

Ekki blæs byrlega fyrir íslenska liðinu, 2-0 undir eftir fyrri hálfleik gegn Sviss.
Eins og svo oft er sagt um íslenskan karlafótbolta þá er ágætis barátta í liðinu en samt eru það alltaf undir!

Nú sem fyrr eru of margir farþegar í liðinu, eða einfaldlega menn sem eru slakir með boltann.
Valið virðist þó ekki hafa verið alvitlaust hjá þjálfaranum núna. Haraldur markmaður er að standa sig vel, með góð útspörk og ver ágætlega, og Rúrik er einnig að standa sig. Jafnvel Guðmundur Kristjánsson hefur verið að vinna skallabolta inni á miðjunni.

Alfreð Finnbogason er hins vegar slakur, tekur illa við bolta og er seinn aftur í vörnina. Gylfi er að gera mörg mistök - og aukaspyrnurnar lélegar aldrei þessu vant. Kolbeinn sést varla.
Þá er Hólmar alls ekki tækur í þetta lið, alltof seinn, og Jón Guðni Fjóluson er einnig óöruggur í sínum aðgerðum. Bjarni Þór er einnig slakur.

Vonadi verður skipt hraustlega inn á í seinni hálfleik, annars er Ísland á leið út úr keppninni með skottið á milli fótanna.

Sömu úrslit gegn Sviss á EM í Danmörku

Athugasemdir

[Torfi Kristján Stefánsson, 14.6.2011 kl. 18:11]

Já, slæmt er það! Með 4-0 á bakinu og verða væntanlega að vinna stórt gegn Dönum til að eiga einhvern sjens. Ef Hvít-Rússar vinna hins vegar Dani núna á eftir er draumurinn endanlega úti.

Leikur íslenska liðsins batnaði mikið í seinni hálfleik eftir að þjálfarinn tók Alfreð og Bjarna Þór útaf og setti Björn Bergmann og Birki Bjarnason inn á.

Sérstaklega var áberandi hvað miðjuspilið varð miklu betra með Birki í stað Bjarna.

En því miður þá virðist þetta koma of seint - og mótið sama sem búið hjá liðinu.

Það sem vekur kannski mesta athygli er slök frammistaða Gylfa Sigurðssonar í leiknum (og reyndar í fyrsta leiknum einnig). Hann á greinilega töluvert í land að verða sá toppleikmaður sem talað er um að hann sé nú þegar orðinn. Hann er allavega enginn A-landsliðsmaður ennþá - og hefði vel mátt taka hann út af sem þriðju skiptingu í seinni hálfleik.

Þetta með A-liðið á reyndar við alla í liðinu - nema auðvitað Eggert Gunnþór sem átti stórleik að venju með íslenska liðinu. Þá var Rúrik drjúgur - og mjög vinnusamur.

Athyglisvert var að liðið saknaði Arnórs Einars Gunnarssonar ekki neitt. Guðmundur Kristjánsson fyllti skarð hans ágætlega og vel það.

[Arnar (IP-tala skráð) 14.6.2011 kl. 19:02]

Bjarni var ömurlegur í þessum leik alltaf að gefa á Svisslendingana. Svo er sonur þjálfarans ekkert búinn að spila með sínu liði.