Góður!

Jón Bjarnason er auðvitið eini maðurinn sem stendur sig í afstöðunni til ESB aðildarinnar.

Það er löngu ljóst að aðildarumsóknin er mjög svo óheppileg, ekki síst í þeirri kreppu sem nú ríður yfir Evrópulönd.

Styrkur þess að standa fyrir utan hefur komið mjög vel í ljós nú eftir Hrun.

Samt rembast aðildarsinnar eins og rjúpan við staurinn og neitar að viðurkenna staðreyndir.

Nema einn. Gamli forystumaður Samfylkingarinnar, Ingibjörg Sólrún Gísladóttir. Hún sér að spilið er tapað.

Mættu fleiri Samfylkingarmenn taka hana sér til fyrirmyndar.

 

„Einfaldlega til að stöðva viðræðurnar“

Athugasemdir

[Sigurður M Grétarsson, 24.9.2011 kl. 18:39]

Jón Bjarnason vinnug gegn stjórnarsáttmála ríkisstjórnar sinnar, samþykkt Alþingis og skoðun 2/3 hluta þjóðarinnar sem samkvæmt skoðanakönnunum vill klára þessar aðildaviðræður og kjósa um samninginn. Er það eitthvað til að hrósa fyrir?

Það er full snemmt að spá fyrir um úrslit kosninga samkvæmt skoðanakönnunum sem gerðar eru áður en kosningabaráttan er hafin. Það vita allir sem fylgstg hafa með kosningum í langan tíma. Það sést til dæmis glöggt á reynslu Svía en þar naut ESB aðild aðeins stuðnings 26% þjóðarinnar ári fyrir þjóðaratkvæðagreiðslu þar sem aðilda var samþykkt með meirihluta atkvæða.

Hvað kreppuna varðar þá er nú í fyrsta legi langt frá því að kreppa gangi yfir hjá öllum Evrópulöndum og er staðan mun skárri hjá ESB löndum heldur en til dæmis í Bandaríkjunum og Japan. Í öðru lagi eru nokkur ár þangað til við gætum í fyrsta lagi gengið í ESB og ekki er ólíklegt að þá verði þessi kreppa að mestu að baki. Í þriðja lagi er frekar ólíklegt að við færum eitthvað betur út úr kreppu í Evrópu standandi utan við ESB heldur en með því að gerast þar aðilar. Um 70% af okkar útflutningi er til ESB ríka og því stöndum við og föllum að stórum hluta til óháð því hvort við erum aðilar að ESB eða ekki. Ef við erum aðilar þá munum við geta notið góðs af ýmsum aðgerðum sem gripið verður til af hálfu ESB til að aðstoða aðildarríki úr kreppunni sem við að sjálfsögðu fáum ekki ef við erum aðilar.

[Sigurður M Grétarsson, 24.9.2011 kl. 18:47]

Smá villur í tveimur síðustu setningum hjá mér. Þær eiga að vera svona.

Um 70% af útflutningi okkar fer til ESB ríkja og því stöndum við og föllum að stórum hluta með efnahagsástandi í Evrópu óháð því hvort við erum aðilar að ESB eða ekki. Ef við erum aðildar þá munum við geta notið góðs af ýmsum aðgerðum sem griðið verður til að háflu ESB til að aðstoða aðildarríki úr kreppunni sem við að sjálfsögðu fáum ekki ef við erum ekki aðilar.

[Torfi Kristján Stefánsson, 24.9.2011 kl. 18:50]

Ég held að menn séu margbúnir að benda á að það er ekkert að marka skoðanakannanir Fréttablaðsins á vilja fólks um að klára samingarferlið. Það hafa meira að segja hlutlausir aðilar bent á.

Hitt er aftur á móti ljóst að það er stór meirihluti gegn því að ganga í Evrópusambandið. Mér finnst fáránlegt að vera að skoða þennan pakka eitthvað nánar þegar ljóst er að við munum aldrei þiggja hann.

Kjósum strax um aðild. Við vitum nú þegar hvað er í pakkanum.

[Sigurður M Grétarsson, 24.9.2011 kl. 19:17]

Það eru margir búnir að halda því fram að ekkert sé að marka skoðanakannanir Fréttablaðsins en engin hefur getað komið fram með sannfærandi rök fyrir þeirri fullyrðingu enda ekkert hæft í henni. Það er ekkert sem bendir til þess að minna sé að marka þær heldur en aðrar skoðanakannanir. Þegar spurt er mismunandi spurninga milli skoðanakannana þá er ekki að vænta annars en mismunandi niðurstöðu.

Vissulega er það ljóst að ef spurt er beint um hvort menn vilja ganga í ESB núna áður en aðildarsamnignur liggur fyrir og þar með áður en ljóst er í hverju aðild fellst þá segir meirihluti þeirra sem taka afstöðu nei. Hins vegar er alveg ljóst að meirihluti þjóðarinnar vill klára aðildarsamning og kjósa um niðurstjöðna. Stór hluti þeirra sem ekki taka sfstöðu til ESB aðildar styður það enda margir ekki tilbúnir að gera upp hug sinn fyrr en samningur liggur á borðinu.

Allir sem fylgst hafa með kosningum í langan tíma vita það að það er lítið að marka niðurstöður skoðanakannana löngu fyrir kosningar áður en kosningabaráttan er hafin. Það er því engan vegin hægt að gefa sér það fyrirfram að þjóðin muni hafna aðild í kosningum um aðidlarsamning. Í því efni er hægt að nefna Svíþjóð þar sem 26% svöruðu því í skoðanakönnunum að þeir styddu ESB aðild Svíþjóðar ári fyrir þjóðaratkvæðagreiðslu en á endanum samþykkti meirihluti þjóðarinnar aðild að ESB.

Seinasta setningin hjá þér er bull. Við vitum ekki hvað er í pakkanum fyrr en aðildarviðræðum er lokið.

[Torfi Kristján Stefánsson, 25.9.2011 kl. 00:33]

Sigurður minn! Ég virði skoðanir þínar og framsetningu líka, en ekki þetta síðasta.

Það hæfir engum manni, sem er vandur að virðingu sinni, að tala um að aðrir bulli.

[Sigurður M Grétarsson, 25.9.2011 kl. 07:49]

Ég biðst afsökunar á því ef það hefur stuðað þig að kalla þetta bull. Þetta er hins vegar röng fullyrðing hjá þér og það má alltaf deila um það hvernig menn orða það.

Staðreyndin er sú að öllk ríki sem gengið hafa í ESB hafa náð fram breytingum á ESB reglum í aðildarviðræðum sínum og því er það einfaldlega rangt að um einhvern fastan og óbreytanlegan pakka sé að ræða sem hægt sé að kjós um án þess að fara í aðildarviðræður. Í þessu efni hefur reynslan sýnt að ESB hefur mest verið tilbúið til að gefa eftir þegr um mjög ríka hagsmuni er að ræða fyrir umsóknarríkið en minni hagsmuni fyrir aðildarríkin. Þetta sést vel á banni við að útlendingar megi fjárfesta í ferðaiðnaði á Möltu en ferðaiðnaðurinn er mikilvægasta atvinnugreinin þar. Þetta sést einnig á reglunni um heimskautalandbúnað sem kom inn í aðildarviðræðum Svía og Finna.

Þar sem sjávarútvegur er mikilvægasta atvinnugrein okkar en skiptir mun minna máli í ESB ríkjum þá segir reynslan okkur að það er alls ekki ólíklegt að við náum þar fram einhverri breytingu á ESB reglum þó vissulega sé ekki á vísan að róa þar. Það vitum við hins vegar ekki fyrr en að loknum aðildarviðræðum. Í því efni er ekki hægt að álykta út frá því hverju Norðmenn náðu og náðu ekki fram í aðildarviðræðum því þó vissulega sé sjávarútvegur mikilvæg atvinnugrein í Norður Noregi þá er vægi sjávarútvegs í norsku atvinnulífi ekkert í líkingu við það sem er hér á landi.

[Sleggjan og Hvellurinn, 25.9.2011 kl. 13:41]

Þetta er alveg rétt hjá Sigurði....  þjóðin vill fá að sjá samninginnn og kjósa um hann.

Fólk sem vill hindra þjóðina til að fá að kjósa eru hræddir við of góðan samning.