Sveitarstjórinn tvísaga - eða margsaga

Sveitarstjórn Skeiða- og Gnúpverjahrepps hefur allavega verið tvísaga varðandi Hvammsvirkjunina, ef ekki margsaga.
Í grein á visir.is kemur fram að 15. febrúar sl. lýsti sveitarstjórinn því fjálglega yfir að ekki kæmi til greina að veita virkjuninni framkvæmdaleyfi. Sveitarfélagið hefði engan fjárhagslegan ávinning af henni og muni jafnvel verða fyrir fjárhagslegu tjóni ef af henni verður. 
https://www.visir.is/g/20232427780d/sveitar-stjorn-stattu-med-sjalfri-ther-i-dag-og-segdu-nei-

Nú er skyndilega komið annað hljóð í strokkinn og er vandséð hvað veldur þessari stefnubreytingu. Einhver fjárhagsleg fyrirgreiðsla bak við tjöldin - eins konar mútur?

Svo var athyglisvert að heyra í forstjóra Landsvirkjunnar vegna þessa máls þar sem hann virðurkennir að það sé í raun engin þörf á þessari virkjun, það sé til næg umframorka til að fullnægja markaðinum!

Samþykktu framkvæmdaleyfi vegna Hvammsvirkjunar

Reykurinn þegar kominn hingað!

Reykur frá skógareldunum í Kanada náði hingað til lands þegar 1. júní samkvæmt frétt í norska ríkissjónvarpinu (norsk kringkasting): "Ifølge klima- og miljøinstituttet NILU har røyken fra skogbranner i Canada beveget seg over Grønland og Island siden 1. juni, før den nå har nådd Norge."

https://www.nrk.no/sorlandet/vg_-roykpartikler-fra-canada-har-nadd-norge-1.16438081

Mengunarinnar gæti orðið vart á Íslandi

Úrkomusumar á suðvesturhorninu!

Það er engu logið upp á veðurspámennina okkar, sérstaklega ekki ef þeir eru framsóknarmenn! Þar er ávallt verið að þóknast fólki, já, já og nei nei stefnan. 

Einar Sveinbjörnsson spáði því nefnilega ekki alls fyrir löngu að ríkjandi hæðarsvæði verði við landið í sumar. Það taki að hlýna í veðri um mánaðamótin og fátt bendir "til annars en að sumarið hér á landi verði nokkuð gott - jafnvel með hita yfir meðallagi.” Hann bætir svo við: „allavega fyrri hluti sumarsins gæti orðið hagfelldur með þessum háa þrýstingi og almennt hita yfir meðallagi, svona heilt yfir.“
Íbúar á suðvesturhorninu hafa nú ekki tekið eftir þessum háþrýstingi enda sífelldur lægðagangur yfir landið með tilheyrandi úrkomu á Suður- og Vesturlandi.

Í þessari frétt er talað um að það stefni í úrkomumet en fyrra metið var í maí 2018.
Það sumar gerði það ekki endasleppt. Ekki nóg með úrkomumetið í maí heldur var júní ekkert skárri. Þá rigndi í 25 daga. Úrkomudagafjöldi í mánuðunum tveimur var mun fleiri heldur en áður er vitað um. Enn rigndi talsvert í júlí 2018 en ágúst var þokkalegur.

Ef eitthvað er að marka þessi líkindi milli maí 2018 og maí 2023 má búast við öðru eins rigningarsumri í ár og var 2018. Eitthvað annað en spá Einars sem reyndar byggir á alþjóðlegum spám. 

Sólarleysismetið gæti fallið

Að kenna öðrum um

Enn eitt gagnrýnislausa drottingarviðtalið í fjölmiðlunum "okkar"! Það hefði vel mátt geta þess í þessari frétt að Þorvaldur þessi er með röð grunsamlegra viðskipta á bakinu (og auðvitað alltaf sárasaklaus). Hann var lengi með réttarstöðu grunaðs manns hjá sérstökum saksóknara og er það eflaust ennþá, miðað við seinaganginn á þeim bænum.

Stærsti skandallinn er líklega salan á einskisverðum hlutabréfum í Stím, sem Saga fjárfestingarbanki Þorvaldar fékk 1200 milljónir fyrir, þ.e. 1,2 milljarð króna! Vinur hans í Glitni var svona rausnarlegur. 
http://www.dv.is/frettir/2010/11/17/thorvaldur-ludvik-bad-johannes-ad-selja-skuldabrefid/

Þorvaldur mun á sínum tíma, rétt eins og nú, hafa leitað logandi ljósi að fjárfestum til að bjarga bankanum sínum og fékk t.d. mjög hagstæð lán hjá vinum sínum í Hrunstjórninni í því skyni.

Með þessa sögu á bakinu fékk hann svo bitling hjá Akureyringum, var ráðinn framkvæmdastjóri Atvinnuþróunarfélags Eyjafjarðar af enn einum vini sínum. Það bar þennan ávöxt, enn eitt fiffið án þess að skaðast á nokkurn hátt á því sjálfur að því er virðist, heldur einungis valdið öðrum skaða. 
Þetta mál minnir mjög á Wow-málið og Skúla Mogensen, sem átti einnig margar andvökunætur og lagði út mikið fé sjálfur til að bjarga flugfélaginu "sínu" - en var svo kominn á fulla ferð aftur í bisness stuttu seinna.
Já, enn einn hrunverjinn sem leikur lausum hala í viðskiptalífi landsmanna - og það án nokkurra eftirmála?

https://is.wikipedia.org/wiki/%C3%9Eorvaldur_L%C3%BA%C3%B0v%C3%ADk_Sigurj%C3%B3nsson

 

Draumurinn úti að sinni

Boðnarmjöður

Hér er ein góð vísa um þessa uppákomu:

Hjá Lindakirkju færðu frið.

Fremst í hæðardragið

börnin losna bæði við

búslóðina og hræið.

 

 

Telur engar líkur á að tillagan verði samþykkt

Enn eitt rigningarsumarið sunnan og vestan til?

Einar Sveinbjörnsson er ávallt vígreifur þegar kemur að langtímaspám og reiðir sig þar á einhverjar óljósar spár útlenskra veðurspástöðva - enda standast spárnar hjá honum yfirleitt ekki!

En ef rýnt er nánar í þessa spá má t.d. lesa þetta um júlímánuð: "Í júlí gerir spá ECMWF síðan ráð fyrir áberandi háþrýstingi yfir Bretlandseyjum, Þá [er] meira um hreinar sunnanáttir og líklega þá rigningarsamt sunnantil en hlýtt norðan og austantil."
Þá vitum við það - tásuskoðun á Kanarí í júlí fyrir sunn- og vestlendinga!

Reyndar virðist enn eitt rigningarsumarið hér á landi þegar hafið því spáð er rigningartíð alla þessa viku og eins langt og spár ná, allavega hér sunnan heiða.

https://www.yr.no/nb/v%C3%A6rvarsel/daglig-tabell/2-3413829/Island/H%C3%B6fu%C3%B0borgarsv%C3%A6%C3%B0i/Reykjav%C3%ADkurborg/Reykjav%C3%ADk

 

 

Spáin gerir ráð fyrir hlýju sumri

Alveg sannleikanum samkvæmt?

Kíkti t.d. á Vopnafjörð á map.is en sá þar ekkert bæjarnafn t.d.

https://map.is/base/@701536,598496,z4,0

Það geta varla talist nægileg gæði en kannski auðvelt að laga það (merkja bæjarnöfnin inn, þ.e. jarðirnar).

Kæra útboð á öflun loftmynda

"málið í ferli"!

MAST virðist vera í einhverju mjög ljótu ástarsambandi við hrossabændur sem gerir það að verkum að þeir komast upp með mjög illa meðferð á hestum sínum.
Stofnunin gerði engar athugasemdir við blóðtöku úr fylfullum merum, þrátt fyrir greinilegt ofbeldi og illa meðferð á skepnunum við blóðtökuna. 
Nú hefur hún enn einu sinni verið uppvís af því að líta framhjá illri meðferð á hrossum, hvað fóðrun varðar, Borgarnesdæmið annað nú nýlega.
Ljóst er af þessu máli að hrossabóndinn á Vestfjörðum lýgur eins og hann er langur til. Segist hafa fóðrað hrossin í allan vetur (og eigi enn til hey!) og ber svo við því að hrossin séu hætt að éta heyið vegna nýgræðingsins. Þá hafa þau lagt helvíti mikið af á stuttum tíma, því varla er komin mikill nýgræðingur í úthaga þarna fyrir vestan fyrst hann er varla kominn hér syðra.
Svo um hófana á einu hrossinu, sem hann segist hafa klippt fyrir tveimur mánuðum! Yfirleitt er nóg að klippa hófa/klaufir einu sinni á ári, ef það þarf þá á annað borð, og eru þeir þó ekki svona slæmir eftir árið eins og á umræddu hrossi eftir tvo mánuði!

Já, það er hægt að ljúga miklu að trúgjörnu fjölmiðlafólki sem virðist ekkert hafa vit á því sem það er að fjalla um, sbr. viðtalið við bóndann á ruv.is.

Hér eru svo sláandi myndir af ástandi hrossanna, einmitt á RÚV:

https://www.ruv.is/frettir/innlent/2023-05-10-mast-skodar-abendingu-um-vanhirt-hross-a-vestfirsku-byli

„Langaði helst að aflífa einn þeirra á staðnum“

"ekkert vit á fótbolta"?

Hrokinn í Rúnari þjálfara KR-inganna er að verða ansi hvimleiður enda hefur hann ekki efni á honum, frekar en aðrir hrokagikkir.
Fyrir það fyrsta gat hann aldrei neitt í fótbolta þegar hann var sjálfur aktíkur, dúkkuspilari sem aldrei mátti koma við, lét sig detta og grenjaði út aukaspyrnur hjá dómurunum!

Þjálfaraferill hans hefur verið svipaður. Rekinn frá Lilleström og svo aftur í Belgíu eftir það. Kemur svo heim til að þjálfa KR og hefur undanfarin ár ekki náð neinum árangri. Líklega sá þjálfari sem flestir furða sig á af hverju hann hafi ekki verið rekinn fyrir löngu.
Það er sem sé ekki hinn almenni fótboltaáhugamaður sem hefur ekkert vit á fótbolta heldur vælukjóinn sjálfur, Rúnar Kristinsson.

Menn sem hafa ekkert vit á fótbolta

Enn einn stríðsáróðurinn

Vestræn stjórnvöld og -fjölmiðlar reyna sem þeir geta til að magna upp stríðsstemmninguna gegn Rússum enda á nú að ganga á milli bols og höfuðs á þeim fyrir fullt og allt. Þetta auðvitað til að fá almenning með sér til að styðja stóraukna hernaðaruppbyggingu í Norðurhöfum, jafnt sem annars staðar í Evrópu.

Það heyrast þó aðrar raddir í fjölmiðlum þó lágværar séu. Á vef NRK, norska ríkisfjölmiðilsins, er t.d. rætt við mann sem hefur þjónustað rússnesk fiskiskip til fjölda ára í skipasmíðastöð í Norður-Noregi sem hann starfar við.
Hann segist aldrei hafa orðið var við neitt í þeim sem tengja mætti við njósnir. Sama má segja um aðra starfsmenn skipasmíðastöðvarinnar. Þeir benda á að þeir hafi ágæta yfirsýn yfir það hvað sé um borð í skipunum og aldrei orðið varir við nokkuð grunsamlegt.

Þessi frétt í Mogganum og fleiri slíkar í öðrum fjölmiðlum hér á landi er sem sé enn lygin, í þetta sinn um að rússnesk fiskiskip séu í raun njósnaskip, og er greinilega tilraun til að herða enn á viðskipta- og einangrunarbanninu á Rússa.
Einnig til að réttlæta að gera Norðurslóðir að mjög hernaðarlega mikilvægu svæði eins og Kaninn vill - nokkuð sem harðlínu- og stríðsæsingafólkið hér á landi tekur virkan þátt í:

https://www.nrk.no/tromsogfinnmark/vil-kaste-ut-fartoy-som-driver-ulovlig-etterretning-1.16381451

Togari grunaður um njósnir átti viðkomu á Íslandi