Þeir falla nú hver af öðrum

Forstjóri Isavia nú en Höskuldur Ólafsson bankastjóri Arionbanka fyrir fáeinum dögum!

Og hvað tengir þessa tvo hálaunamenn saman? Jú, Wow air. Þeir treystu báðir hinum tungulipra Skúla Mogenzsen um of og þurfa nú að gjalda þess.

Auðvitað bera þeir öðru við eins og eðlilegt er. Tími til að hætta eftir mjög ánægjulegt og árangursríkt starf (tap upp á marga milljarða hjá báðum þessum "stofnunum").

En hvað með fjölmiðlafólkið? Er ekki einnig kominn tími til að almenningur losni við liðið þar, sem enn er að reyna að hjálpa Skúla og fleirum tengdum þessu Wow-air ævintýri til að hafa flugfarþega, starfsfólk og hlutabréfahafa að fíflum?

Björn Óli hættir sem forstjóri Isavia

Vill Gummi ekki vinna Makedóna?

Liðuppstillingin klúður að venju. Aron Pálmarsson spilar nær allan leikinn með sex misheppnuð skot, sendingar og leikbrot - og bara þrjú mörk!
Svo Elvar! Hann jafnar leikinn í lokin og gerði fimm mörk en klúðrar einnig fimm sinnum (misheppnuð skot osfrv.) en fær samt að spila nær allan leikinn.

Ekki má gleyma Guðjóni Val sem gerði mörg mistök en ekkert mark. Spilaði samt nær allan leikinn!!

Ólafur Guðm. sat að venju á bekknum nær allan leikinn og tekinn útaf eftir nokkrar mínútur, eftir að hafa gert tvö mörk í röð!

En allt frábært, stórkostlegt og algjörlega frábært að mati Gumma!

Svo er það Einar Jóns og hrifning hans á Aroni Pálmarssyni, nú þegar Aron átti stoðsendingu: "Aron Pálmarsson sér það að sjálfsögðu".

Og Aron sjálfur um Viktor Gísla: Við skulum vona að hann verði eins góður og ég!

 

 

 

Elvar Örn tryggði stig í Skopje

Það er ekkert að veðri!

Icelandair-fólkið hefur greinilega hlaupið á sig. Enn sem komið er, er ekki að veðri. Í gær var ekki hægt að hleypa fólki frá borði þegar vindur fór yfir 50 hnúta, sem gerir 26 m/s. Enn hefur vindhraðinn á suðvesturhorninu varla farið yfir 16 m/s, sem er langt undir mörkunum.

Ljóst er að vitlausar veðurspár getur skapað stórfellt tap hjá flugfélögunum og því ábyrgðarhluti hjá Veðurstofunni að spá einhverri vitleysu.
Eins og kemur fram í fréttinni er öllu síðdegisflugi aflýst hjá Icelandair þrátt fyrir að enn sé ágætis flugveður þegar þetta er skrifað (kl. 17).
Ætli Veðurstofunni verði sendur reikningurinn upp á kostnaðinn sem af þessu hlýtur?

Hefur líklega áhrif á þúsundir farþega

Arnþrúður og sr. Davíð Þór

Davíð: Þó ég fengi Arnþrúði Karlsdóttur dæmda til að greiða skaðabætur þá myndi hún bara svíkja þann pening af einhverri andlega fatlaðri manneskju líkt og hún gerir þegar hana vantar peninga.“

Sigmar G.: Þetta er ekki fallega sagt

„Gúgglaðu: „Arnþrúður Karlsdóttir svíkur öryrkja“. Þá sérðu á hvaða level hennar fjármál og fjármálasiðferði er.“

https://www.dv.is/frettir/2018/03/15/david-thor-segir-ad-arnthrudur-myndi-svikja-pening-af-andlega-fatladri-manneskju-likt-og-hun-gerir-thegar-hana-vantar-peninga/

 

Arnþrúður og Davíð Þór

Þó ég fengi Arnþrúði Karlsdóttur dæmda til að greiða skaðabætur þá myndi hún bara svíkja þann pening af einhverri andlega fatlaðri manneskju líkt og hún gerir þegar hana vantar peninga.“

Þetta er ekki fallega sagt

„Gúgglaðu: „Arnþrúður Karlsdóttir svíkur öryrkja“. Þá sérðu á hvaða level hennar fjármál og fjármálasiðferði er.“

https://www.dv.is/frettir/2018/03/15/david-thor-segir-ad-arnthrudur-myndi-svikja-pening-af-andlega-fatladri-manneskju-likt-og-hun-gerir-thegar-hana-vantar-peninga/

 

Arnþrúður þarf að endurgreiða

Nýi forsetinn í Ekvador

Framferði forseta Ekvador í máli Assange undanfarið er mjög athyglisvert. Forsetinn, Moreno, var kosinn fyrir tveimur árum sem frambjóðandi mið-vinstri flokks jafnaðarmanna. 
Hann var hins vegar fljótur að breyta um stefnu forvera síns og fór að hegða sér eins og einræðisherra. 

Í júní í fyrra heimsótti varaforseti Bandaríkjanna, Pence, landið og komu Morena og hann sér saman um bætt samskipti ríkjanna. Strax í kjölfarið var staðan Assange þrengd. Honum neitað um aðgang að interneti osfrv.

Að lokum var svo friðhelgi Assange í sendiráði Ekvador í Londion afnumið og hann handtekinn strax í kjöfarið.

Já, menn lúffa létt fyrir Kananum þessi misserin.

https://en.wikipedia.org/wiki/Len%C3%ADn_Moreno

Svíi með tengsl við WikiLeaks handtekinn

Pólitíkusarnir og sannleikurinn

Athyglisverð þessi orð íhaldsráðherrans breska um að Assange hafi falið sig fyrir "sannleikanum" árum saman. Pólitíkusarnir fara frjálslega með "sannleikann" eins og venjulega ekki síst þeir til hægri og þeir borgaralegu. Almenningur og almenn mannréttindi eru hvergi óhult fyrir þessum svokallaða "sannleika" þeirra.

Gott dæmi um þetta hér á landi er umræðan um þriðja orkupakkann. Þar er sannleikshugtakið mikið notað og sýnist sitt hverjum um þann "sannleika". Engin hætta á að Íslendingar afsali sér valdi yfir auðlindunum með því að samþykkja hann, heitir það.
Samt hefur ítrekað komið fram að með samþykktinni er Ísland algjörlega undir hælnum á ESB með lagningu sæstrengs eða ekki. Það mun þýða stórhækkun á rafmagnsverði til almennings ef af honum verður.

Samþykki Alþingis þarf til segir forrætisráðherra, sem er eflaust rétt hjá henni. En í ljósi þess hvernig ESB hagar sér, mun það hafa mjög alvarlegar afleiðingar fyrir land og þjóð ef slíkt yrði ekki samþykkt (harðar refsiaðgerðir fyrir brot á orkupakkanum).

Já, pólitíkusum er og verður aldrei treystandi. Hagsmunir almennings víkja alltaf fyrir hagsmunum kapitalsins.

 

Búið að handtaka Assange

Vill ekki Alfreð Gísla verða landsliðsþjálfari?

Guðmundur Guðmundsson klikkaði algjörlega í leikstjórninni í þessum leik. Spilaði lengstum á sömu leikmönnunum þó svo að ekkert hafi gengið hjá liðinu. Loksins þegar Ólafur Guðmundsson kemur inná þá fara hlutirnir að ganga bæði í vörn og sókn - og hann svo tekinn strax útaf eftir það!

Þá var vörnin óvenju slæm og markvarslan varla nokkur.

Og svo er þáttur "snillingins" okkar Aron Pálmarssonar sér á parti. Einar Jóns mátti ekki vatni halda yfir honum frekar en venjulega: "þvílíkur leikur hjá Aroni Pálmarssyni ... Aron Pálmarsson enn og aftur" osfrv. Einar var duglegur að telja mörkin frá honum en nefndi ekki ótímabær skot, skot langt yfir ofl. Óagaður leikmaður með stjörnustæla.

Guðmundur landsliðsþjálfari ekki sannfærandi frekar en á HM.

Dramatískt tap á síðustu sekúndu

Hvað, urðu þeir ekki gjaldþrota?

Í ljósi þess að rétt vika er síðan að Wow air varð gjaldþrota og Skúli Mogensen lýsti því yfir að hann hafi tapað öllu sínu við gjaldþrotið, má spyrja sig hvaðan þessir peningar koma. Í Markaði Fréttablaðsins í fyrradag kemur nefnilega fram að þessir aðilar eigi um fimm milljarða króna og vanti nú um 4,8 milljarða til að geta stofnað nýtt gróðavænlegt flugfélag. 

Spurningin er auðvitað hvaðan þessi fimm milljarðir koma, sem Skúli og lykilstjórnendur hins fallna félags eiga skyndilega?
Þeir aðilar sem keyptu skuldabréf í útboðinu í september hljóta að spyrja sig að þessu, enda eru þeir að íhuga að stefna Skúla og co vegna útboðsins og reyna að komast að því hvert þeir fjóru milljarðarnir, sem söfnuðust þá, hafi farið. 

Reyndar er þessi frétt öll hin kostulegasta og þáttur fjölmiðla í þessum tragi-kómíska farsa átakanlegur. Skúli og félagar senda kynningarbréf til fjölmiðla um þetta fyrirhugaða flugfélag og það lesið samviskusamlega upp í öllum fréttatímum. Engar athugasemdir, engin umfjöllun um lög- eða siðleysið sem í þessum fyrirætlunum felst, engar gagnrýnar raddir heyrast.

Eftir sitja skuldabréfaeigendur, lánadrottnar, atvinnulaust starfsfólk, lífeyrissjóðir og ríkið eftir með óbragð í munni og þurfa að hlusta á .essar fyrirætlanir og svona fréttaflutning - og hljóta að spyrja sig. Er þetta samfélag sem við búum í algjörlega siðlaust og jafnvel einnig gjörsamlega löglaust? 

Og svo er það fréttin um að skiptastjórinn eigi fund með hluta af þessu liði um að kaupa aftur eitthvað af eignum þrotabúsins!!!
Ekki nema von að einn stærsti kröfuhafinn vilji skiptastjórann í burtu:
http://www.ruv.is/frett/vilja-ekki-svein-andra-sem-skiptastjora-wow

 

Vilja kaupa eignir úr búi WOW

Misnotkun á hlutabréfaforminu?

Þessar fréttir um að Skúli og félagar séu að reyna að stofna nýtt flugfélag, eru í raun ótrúlegar miðað við hvað áður hefur gengið á. Þeir sækjast eftir 4,8 milljarða króna framlagi hjá útlenskum fjárfestum, sem yrði þá 49% hlutafjár. Sjálfur ætla þeir að eiga 51%, sem þýðir væntanlega að þeir hafi komið um fimm milljörðum króna undan gjaldþroti Wow air!

Nýlega kom fram að ríkisstjórnin ætlaði að stemma stigu við kennitöluflakki og misnotkun á hlutabréfaforminu, auk þess að herða hæfniskröfur á stjórnarmenn og stjóra slíkra félaga. Einnig að banna stjórnendum að koma að atvinnurekstri ef þeir hafa brotið skattalöggjöfina.
Í ljósi þess að Wow hefur ekki birt ársreikninga, og ekki borgað framlag sitt í lífeyrissjóði síðan í nóvember og fram að gjaldþroti, er spurning hvort að þetta síðastnefnda gildi ekki einnig um forstjórann, Skúla Mogensen, og félaga hans.

Hitt á nær örugglega við um þá, ekki síst misnotkunin á hlutabréfaforminu.
Þetta eru að vísu aðeins drög að frumvarpi sem ekki er orðið að lögum – og svo sem spurning hvort það verði einhvern tímann.
Það er einnig spurning hvort að kennitöluflakkið eigi ekki einnig við um Skúla og félaga. Það er skilgreint þannig að "viðkomandi félag hættir starfsemi en rekstur þess heldur áfram í gegnum annað félag með nýrri kennitölu enda sé markmiðið með gjaldþrotinu að komast undan ein­hverjum eða öllum lagalegum skuldbindingum félagsins."
Einnig segir um kennitöluflakk á síðari stigum að félag sem eigi í greiðsluerfiðleikum er rekið í gjaldþrot og nýtt félag stofnað. Eignir (og þar með lausafé) séu færð að hluta (eða að öllu leyti) í nýja félagið án endurgjalds.

Samtök atvinnulífsins og ASÍ lögðu sameiginlega fram eftirfarandi tillögur við frumvarpsdrögin:

1) Atvinnurekstrarbannsheimild

2) Lífeyrissjóðsiðgjöld verði betur vernduð

3) Nefnd skipuð um hvernig megi styrkja stöðu kröfuhafa

4) Heimild ráðherra til að slíta félögum skv. 107. gr. hlutafélagalaga færð yfir til ríkisskattstjóra

5) Ríkisskattstjóri fái upplýsingar um refsidóma í tengslum við atvinnurekstur

6) Opinberir aðilar marki sér heildstæða stefnu um aðkomu að þrotabúum félaga

7) Hæfisskilyrði hlutafélagalaga nái til skuggastjórnanda

8) Fræðsla

9) Bætt gæði skiptastjóra

---

Hvað lífeyrissjóðsiðgjöldin varðar, sem Wow komst upp með að borga ekki í fimm mánuði, taka samtökin fram að brot á skilum iðngjalda verði túlkuð sem skattalagabrot. Þannig nái atvinnurekstrar­bannið einnig yfir slík brot.

Samkvæmt þessu ætti ekki að veita flugfélögum flugrekstrarleyfi hér á landi, sem Skúli og aðrir stjórnarmenn Wow Air koma að á einhvern hátt.

Atvinnurekstrarbann er sanngirnismál fyrir alla þá sem hafa beðið tjón af viðskiptum sínum við Wow, ekki síst ríkissjóð sem þarf að borga fólki stórfé sem missa tekjur vegna gjaldþrotsins. Það er því sanngirnis- og réttlætismál fyrir alla skattgreiðendur og þar með allan almenning að Skúli og félagar fái ekki að koma að atvinnurekstri í næstu framtíð - og reyndar aldrei aftur þar sem einbeittur brotavilji virðist liggja að baki hugmyndum þeirra um nýtt flugfélag.

Hyggst endurvekja rekstur WOW air