Geðlækni?

Geðlækni segir hér án þess að segja frá nafni viðkomandi. Hann er svo sviptur leyfi til að ávísa ópíóðalyfjum en virðist samt halda læknaleyfinu. Merkilegt er rétt er eftir haft því þessi læknir setti viðkomandi í mikla lífshættu! 
Þetta er auðvitað gott dæmi um linkind landlæknisembættisins og annarra heilbrigðisyfirvalda gagnvart læknum sem virðast komast upp með mjög alvarleg mistök í starfi og meira að segja mjög glæpsamlegt athæfi.
Fyrst hélt ég að hér væri átt við mjög þekktan giktarlækni sem hefur slegið sig til riddara með því að upplýsa að hann hafi ávísað morfíni til fíkla af góðmennskunni einni saman. Eitthvað kunni landlæknir illa við þessa góðmennsku en svo virðist sem eftirmálar hafi engir orðið. Hvað ætli séu mörg þannig fleiri dæmi um dóp"sölu" íslenskra lækna, því varla hafa þeir ávísað dópinu ókeypis?:

https://www.mbl.is/frettir/innlent/2022/11/05/eru_bara_mjog_mikid_veikir_einstaklingar/

https://www.dv.is/frettir/2022/11/02/laeknir-rettlaetir-ad-hafa-skrifad-ut-lyfsedla-med-storum-skommtum-af-morfini/

https://www.visir.is/g/20222335336d

Ávísaði „óskiljanlegu“ magni af ópíóðalyfjum

Njósnir Kanans á banamönnum þeirra

Það síast hægt og hægt út í vestrænu pressunni hvað leku skjölin úr Pentagon hafa að geyma - og svo auðvitað hvernig ráðamenn vestra neita því staðfastlega að hafa njósnað um vinveittar þjóðir.
Ein þessara njósna varðar Egyptaland og eldflaugarnar 40.000 sem Kaninn gat ekki vitað um nema með njósnum. Einnig um Suður-Kóreu og vangaveltur þar í landi um að senda vopn til Úkraínu, og þá hvernig megi komast framhjá lögum landsins sem banna að senda vopn til landa sem eiga í stríði.
Fleiri dæmi má nefna svo sem að ísraelska leyniþjónustan styðji andófið gegn forsætisráðherra landsins, Netanyahu.

Þá koma í skjölunum fram óþægilegar upplýsingar, svo sem að Bandaríkin, Frakkland, Bretland og Lettland séu með hermenn í Úkraínu, nokkuð sem þeir neita að sjálfsögðu, ekki síst Frakkar sem þykjast vilja leita friðsamlegra lausna á stríðsátökunum.

Aðaltíðindin eru þó þau að í skjölunum er að finna mjög nákvæmar upplýsingar um fyrirhugaða mótaðgerðir Úkraníumanna nú í vor gegn Rússum, þ.e. um gagnsókn sem kemur þeim síðarnefndu mjög vel að fá innsýn í.

Hafnar vitneskju um eldflaugarnar fjörutíu þúsund

Nýtt njósnahneyksli Bandaríkjanna!

Þetta hefur auðvitað verið aðalfréttin í fjölmiðlum um allan heim undanfarna daga en Mogginn, trúr leppur Kanans, er fyrst núna að fjalla um þetta nýjasta henyksli þar vestra! Og auðvitað með augum Pentagonlygaranna sjálfra sem reyna að gera sem minnst úr lekanum.

Annars er athyglisvert að vestrænir fjölmiðlar hafa reynt að dylja almenning þess hvað kemur fram í þessum skjölum. Upplýsingar þar um eru harla litlar. Vestræna pressan virðist þannig hafa lært af Wikileaks- og Snowdenmálunum með því að reyna að þegja þetta hneyksli í hel, andstætt því sem þeir gerðu í hinum málunum þegar almenningur á Vesturlöndum fékk greinargóðar upplýsingar um þau. Þetta er auðvitað dæmigert fyrir þróun hinnar borgaralegu pressu í kjölfar Úkraínustríðsins.

Þó hefur ýmislegt lekið svo sem um síaukna þátttöku Bandaríkjamanna og NATÓ í stríðinu. Þetta er auðvitað ekki stríð milli Rússlands og vestur-Úkraínu heldur stríð Vesturveldanna við Rússa, stríð sem er búið að undirbúa í fjöldamörg ár.
Einnig er upplýst um ýktar tölum varðandi mannfall Rússa í stríðinu. Hið rétta mun vera 16-17.000 rússneskir hermenn meðan Úkraína hefur misst milli 61.000 og 71.000 hermenn. Ungum karlmönnum í landinu er þannig fórnað á altari útþennslustefnu ESB, Nató og USA. Ráðamenn í þessum löndum kynda undir stríðsáróðurinn og bera þannig ábyrgð á þessu manntjóni, einnig pólitíkusarnir hér á landi. Sömuleiðis fjölmiðlafólkið. Miklar manneskjur það.

Og þó svo að Pentagon sé að reyna að láta líta svo út að skjölin geti verið fölsuð eru flestir marktækir sérfræðingar vissir um að skjölin séu ekta, séu leki innanfrá úr Pentagon. Þau eru einnig ný, frá því í febrúar og mars.
Það nýjasta, sem er auðvitað ekkert nýtt, er að Kaninn njósnar einnig um bandamenn sína, þar á meðal um aðalleppinn þeirra, meistara Zelensky.

Áhyggjur af þjóðaröryggi vegna skjalaleka

Ruslið og borgin

Þetta er alveg sláandi fyrir borgaryfirvöld og "grænu" stefnu hennar - sem og yfirvalda almennt. Fólki er sagt að flokka plast í sér tunnur, horfir svo uppá að það er yfirleitt ekki hirt fyrr en tunnurnar eru orðnar yfirfullar og sér það svo fjúka út um allt. Þá skiptir engu máli hvort ófærð sé eða ekki,
Nú er komið í ljós að það sama á við um móttökustöðvarnar. Þær hirða ekki betur um þetta flokkaða sorp en svo, að það fýkur um allt hjá þeim!
Þetta er hin græna stefna yfirvalda í hnotskurn, aðeins til í orði en ekki á borði. 

Svo er auðvitað það skrítnasta við þessa plaststefnu ráðamanna þjóðarinnar. Almenningi, þ.e. neytendum, er gert að draga sem mest úr plastnotkun og flokka sem mest, en framleiðendum vörunnar ekki gert að takmarka á nokkurn hátt plastumbúðirnar utan um þær (sem eru oftast óþarfar)! Mér er spurn. Hvers vegna ekki? Enn eitt dæmið um þjónkun við kapitalið, græðgisliðið?

Rusl á víðavangi í Víðinesi

Sá er ruglaður!

Alvöru vetrarveður áfram, segir veðurfræðingurinn, þó svo að spár geri ráð fyrir hlýindum um og uppúr miðri viku! Loks rigning í kortunum og allt að 10 stiga hiti!

Enn segir veðurspekingurinn að það verði "bara al­vöru vetr­ar­veður áfram á land­inu, þó við séum að spá held­ur hlýn­andi veðri". Takið eftir þessu "þó við séum að spá" og einnig þessu "heldur hlýnandi"! Hitinn er að fara frá 6 stiga frosti í 8 stiga hita!! Sem betur fer eru fleiri veðurstöðvar til, sem spá um veðrið hér á landi, en sú íslenska...

Þið lesið það fyrst hér: Vorið kemur á miðvikudaginn!

https://www.google.com/search?q=vedur.is&rlz=1C1GGRV_enIS788IS788&oq=&aqs=chrome.0.69i59i450l8.6131658j0j7&sourceid=chrome&ie=UTF-8

„Alvöru vetrarveður áfram á landinu“

Þingræðið sigrar lýðræðið naumlega

Sérkennileg frétt hjá Mogganum og ekkert sagt um sjálfa atkvæðagreiðsluna. Ríkisstjórn Macrons rétt stóð af sér vantraustið. 278 þingmenn greiddu atkvæði gegn Macron en hefðu þurft 287 atkvæði til að fella stjórnina. 

En andstöðu almennings er þó ekki lokið með þessu. Áfram er boðuð mótmæli gegn hækkun ellilífeyrisaldurs úr 62 árum í 64 ár. 

Til samanburðar má nefna að hér á landi kemst fólk ekki á lífeyri fyrr en 67 ára og í raun ekki fyrr en um sjötugt. Samt er blessuð framsóknarmaddaman, Lilja Alfreðsdóttir, að boða hækkun lífeyrisaldurs hér á landi!

Og fjölmiðlarnir spila með eins og ekkert sé sjálfsagðara. Engin gagnrýnin umræða um þetta og ekkert fjallað um gríðarlega auðsöfnun lífeyrissjóðanna hér á landi, hvað þá það að arðsemiskrafa þeirra sé helsta ástæða verðbólgunnar á landinu - og hárra vaxta.

Vantrauststillaga stjórnarandstöðunnar felld

"Frelsun" Íraks á fölskum forsendum

Loksins druslaðist Mogginn til að birta frétt um 20 ára "afmæli" innrásar Bandaríkjamanna og Breta inn í Írak - en þá auðvitað á hlutdrægan hátt. Ekkert er til dæmis sagt frá því að ríkisstjórn Sjálfstæðisflokks og Framsóknarflokks lýstu stuðningi sínum við innrásina, þó svo að hún hafi verið gróft brot á alþjóðalögum (nú er aðalástæðan fyrir stuðningnum við Úkraínumenn að hernaðaraðstoð Rússa við sjálfstjórnarhéruðin í austur-Úkraínu sé brot á alþjóðalögum og því styðji Ísland hernaðaraðstoð Vesturlanda við Úkraínu (sömu flokkar í stjórn nú, auk Vinstri grænna, sem þó gagnrýndu innrásina í Írak harðlega á sínum tíma)).

Sama áróðurinn og þá er nú  rekinn í vestrænum fjölmiðlum og af stjórnvöldum á Vesturlöndum með því að persónugera hernaðarstuðninginn. Þá var það Saddam Hussain sem var vondi kallinn (síðan var það Gaddafi) og nú er það Putín sem er Grýlan. Og auðvitað eru það vestrænir leiðtogar og vestrænt "lýðræði" sem eru góðu aðilarnir, eins og svo oft áður. 

Hörðustu stuðningsríki Úkraínumanna nú eru þau ríki sem hvað ákafast studdu innrásina í Írak: Bandaríkjamenn, Bretar, Ástralir, Pólverjar, Tékkar/Slóvakar, Danir osfrv.
Og innrás þessara "lýðræðisríkja" var gerð þrátt fyrir mjög fjölmenn mótmæli gegn henni um allan heim ("lýð"ræðið í hnotskurn?). 

Talið er að mörg hundruð þúsund almennir borgarar hafi fallið í þessari innrás, sem enn krefst fjölda mannslífa á hverju ári. Já "frelsunin" var og er dýru verði keypt, jafn þar sem og í Lýbíu (og í Afganistan en síðastnefnda landið er reyndar ekki lengur "frjálst"!).

Til samanburðar má nefna að stríðið í Úkraínu hefur ekki kostað nema í mesta lagi nokkur þúsund almennra borgara lífið. Það sýnir að vondu Rússunum er ekki eins sinnulausir um líf almennings og góðu, lýðræðissinnuðu NATÓ-þjóðirnar eru.

Hér má sjá mun hlutlausari og sannari umfjöllum um hörmungarnar í Írak vegna innrásarinnar þar fyrir 20 árum (enda er sú sem skrifar ekki nýlendusinni né með islamfóbíu): 
https://www.ruv.is/frettir/erlent/2023-03-20-frelsun-iraks-a-folskum-forsendum

Tuttugu ár frá umdeildri innrás í Írak

"við venju­bundna aðgerð í alþjóðlegu loft­rými"!

Kaninn er alltaf samur við sig! Alsaklaus eins og venjulega. Hvað er annars bandarískur dróni að flækjast á Svartahafi langt frá heimalandi sínu en mjög nálægt Rússlandi - að njósna? Auðvitað var þetta njósnadrjóni og sýnir að Kaninn er sífellt að færa sig uppá skaftið í stríði Úkraínumanna og Rússa.

Já, rétt eins og íslenska ríkisstjórnin sem tekur á fullu þátt í áróðursstríðinu gegn Rússum. Og brátt á að fara að stofna íslenskan her - ef helstu draumar íhaldsmanna eins og Björns Bjarnasonar rætast.

Ljóð Ara Jósepssonar frá árinu 1960, í miðju kaldastríðinu, á vel við enn í dag (og það merkilega er að formaður flokksins sem Ari tilheyrði forðum er einn þeirra ráðamanna "sem fara fyrir þjóðum" og taka undir stríðsáróðurinn):

Undarlegir eru menn
sem fara fyrir þjóðum.
Þeir berjast fyrir "föðurland"
eða fyrir "hugsjón"
og drepa okkur sem eigum
ekkert föðurland nema jörðina
enga hugsjón nema lífið.

 

 

Rússnesk þota í árekstri við bandarískan dróna

Teknir í bakaríið!

Þetta er nú eitthvert það allra lélegasta karlahandboltalandslið sem Ísland hefur átt í háa herrans tíð! Nokkuð sérkennilegt auðvitað þar sem margir héldu að Ísland yrði heimsmeistari á HM nú í janúar (þar á meðal Gísli prins úr Garðabæ) en því fór auðvitað fjarri.

Enn og aftur sýna þjálfararnir hversu vanhæfir þeir eru, enda lærisveinar hins brottrekna Gumma, hvað val á liðinu og innáskiptingar varðar.
Hinn ofmetni kúlulánadrottningarsonur úr Garðabæ, Gísli Kristjáns, lék nær allan leikinn í sókn íslenska liðsins þrátt fyrir að hafa klúðrað fjölda sókna og aðeins gert eitt mark. Sá gaur er greinilega stórlega ofmetinn.
Sama má segja um sjálfan kónginn, Aron Pálmarsson, sem eyðilagði allt sem hægt var að eyðileggja þegar hann var inná vellinum fyrir okkar ástkæra ylhýra. Hann er orðinn það lélegur að hver sómakær og óklíkuspilltur þjálfari myndi ekki velja hann í neitt landslið.

Fleiri ákvarðanir þjálfaranna vöktu furðu. Bjarki átti einn af sínum verstu dögum en var ekki tekinn útaf fyrr en undir lok leiksins. Þá fékk Elvar Jóns lítið að spila í sókninni og nafni hans Ásgeirsson ekki neitt þrátt fyrir að ekkert hafi komið út úr sókninni vinstra megin.
Svo er það blessaður karlinn hann Bjöggi. Hann var kannski ekki hreint afleitur í markinu en af hverju spilaði Viktor ekki eina einustu mínútu í leiknum? Maður hefði nú haldið að hann væri aðal markvörðurinn en ekki Bjöggi hinn ofvirki.

Svo er verið að tala um að Ísland eigi frábært lið í handbolta og bjarta framtíð fyrir höndum sem hver heimsfrægur þjálfarinn vilji stoltur taka við!!
Ætli það...

Hroðaleg sóknarframmistaða í stóru tapi Íslands

Grímulaust ofbeldi

Þó svo að SA reyni að koma sökinni yfir á Eflingu með sínum lúalegum hætti þá er ljóst að Efling hefur gert allt til að koma til móts við "atvinnurekendur". Hún frestaði verkfalli um þrjá daga og allt stefndi í að aðilar gætu talað saman. Menn voru ekki með neinar yfirlýsingar og vonuðu hið besta. 

En þá gerðist hið hræðilega. Listaspíran Halldór Benjamín stóð upp úr kvefinu, sem næstum hafði bjargað viðræðunum, og þar með snarbreyttist tónn SA í garð Eflingar. Og það merkilega gerðist að fjölmiðlarnir spiluðu með og fóru að hvetja til verkbanns ("ætlið þið að setja á verkbann?" "Já það kemur til greina"!).

Verkbann á alla félaga Eflingar, óháð því hvort þeir séu í verkfalli eða ekki, þýðir ofur einfaldlega að verið sé að þvinga ríkisvaldið til að grípa inní deiluna og setja lög sem banna verkföllin.

Og svo eru atvinnurekendur að væla yfir því takmarkaða "tjóni" (les takmarkar gróða þeirra) sem verkfallið veldur. Hvað þá með verkbann þeirra sjálfra?

Leggja til verkbann á Eflingu