PFAS mikil ógn við lýðheilsuna

Loksins eru Íslendingar að vakna við ógnina af flúorefnum sem fyrirfinnast við strendur um allan heim.
Danir eru löngu vaknaðir og er PFAS-ógnin orðin eitt aðalmálið þar í landi. Þeir hafa fundið efnið á ströndum landsins, svo sem á vesturströnd Jótlands og á Sjálandi:

https://www.dr.dk/nyheder/indland/pfas-forurening-konstateret-paa-flere-kyster-i-jylland-og-paa-sjaelland

Nú er svo komið að varað er við neyslu á matvælum frá svæðum þar sem þessa mengun er að finna, svo sem frá grasbítum, það er á nautakjöti, og á eggjum úr "lífrænum" hænum, þ.e. hænum sem fá að ganga úti og bíta gras. 
Danir hafa því, ásamt Svíum, Norðmönnum, Þjóðverjum og Hollendingum farið fram á það í ESB að þau efni sem innihalda PFAS verði bönnuð innan Evrópu.

https://www.dr.dk/nyheder/indland/danmark-vil-have-pfas-forbudt-i-eu

Héðan hefur hins vegar ekkert frést af þessu fyrr en núna!

Vísindarannsókn á Skagaströnd hlaut 64 milljónir

Álmurinn við gömlu mjólkurstöðina á Snorrabraut

Enn einn skandallinn skeður - og allt í boði "grænu" borgarstjórnarinnar!? Friðaður álmur við gömlu mjólkurstöðina við Snorrabraut 54, síðast Söngskólann, hefur verið fjarlægur. Samt er skírt tekið fram í skipulagi, sem samþykkt var árið 2017, að óheimild sé að fjarlægja álminn:

https://reykjavik.is/sites/default/files/ymis_skjol/skipogbygg/skjol/snorrabraut_54_deiliskipulagsuppdr.pdf

 

Það er svo sem ekki vitað hvort skipulagsyfirvöld borgarinnar hafi samþykkt þetta sí svona eða hvort framkvæmdaraðillinn hafi tekið þetta upp hjá sjálfum sér. 
Allavega hef ég ekki séð neina tilkynningu um að þetta hafi verið leyft eftir 2017.

 

Tekið skal fram að álmur er eitthvert fallegasta suðræna tréð sem hefur náð að vexa hér á landi. Álmurinn við Suðurgötu 6 var valinn fallegasta tré ársins 1999, sem sýnir hversu mikil prýði hefði getað orðið af þessu tré ef það hefði fengið að standa í friði - og hve væntanlegir íbúar hússins hafa fengið að njóta þess mitt í allri steinsteypunni:

https://www.skog.is/wp-content/uploads/2019/02/ta1999.pdf

 

 

Byggt við mjólkurstöð

Hættulaus vopn?

Rafbyssur þær sem lögreglan hefur kallað eftir, og sem dómsmálaráðherrann úrræðagóði hefur samþykkt og gefið út reglugerð sem leyfir byssurnar, eru m.a. sagðar til þess ætlaðar að auka "öryggi hins almenna borgara" eins og segir í þessari yfirlýsingu sambands lögreglumanna.

Það er hins vegar nokkuð stór spurning hvort þær leiði virkilega til aukins öryggis borgaranna. Í Bandaríkjunum hefur rannsókn leitt í ljós að á 15 ára tímabili hafi yfir þúsund manns látist eftir að rafbyssa var notuð á þá. Í 90% tilvika var viðkomandi óvopnaður (og þar með hættulaus). Vel yfir 400 dómsmál hafa verið rekin vegna þessa þar vestra. Það sýnir að lögreglunni er ekki treystandi fyrir vopni sem þessu og ætti því að halda sig við kylfurnar.

Sérkennilegt vægast sagt að hérlendir lögreglumenn skuli halda öðru fram:

https://www.visir.is/g/20232369955d/log-reglu-menn-o-oruggir-og-fram-leidandinn-firrar-sig-a-byrgd

Fagna ákvörðun dómsmálaráðherra

Samningarnefnd Samtaka atvinnulífsins!

Halldór Benjamín gerir það ekki endasleppt. Hann hefur verið með hótanir í garð Eflingar, verið með persónulegar árásir á formann félagsins og var greinilega tilbúinn að fara í mjög hart gagnvart verkalýðsfélaginu.
Miðað við viðbrögð hans við þessari sáttatillögu ríkissáttasemjara, sem er algjörlega samhljóma tillögu Samtaka atvinnulífsins á sínum tíma sem Efling hafnaði, er ljóst að Halldór hefur talið sig geta kúgað Eflingu og látið hana bíða algjöran ósigur með því að neita henni um afturvirka kjarasaminga sem öll önnur stéttafélög hafa fengið.

Þessi ófyrirleitni Samtaka atvinnulífsins, með Halldór í fararbroddi, hefur einnig sýnt sig í framgöngu samningsnefndar þeirra gagnvart Samtökum starfsmanna fjármálafyrirtæka. Þar skilst mér að nefnd SA hafi hafnað því að hækka lægstu laun bankastarfsmanna, sem sumir hverjir eru á skítalaunum, um 40.000 kr. á mánuði (hækkunin er 28.000 kr.) og alfarið neitað að stytta vinnuvikuna um 20 mínútur!!

Svo er talað um hörku og óbilgirni Sólveigar Önnu og forystu Eflingar.
Hvað er þá hægt að segja um þennan krúttlega Halldór B. Þorgeirsson og um SA?:

https://www.ssf.is/nyr-kjarasamningur-ssf-1-11-2022-31-01-2024/

„Þetta er skipbrot viðræðna“

Á réttri vegferð?

Eftir tapið gegn Svíum (og þrátt fyrir hneykslanlegt tap gegn Ungverjum) var fullyrt á ruv.is að Gummi þjálfari væri á réttri vegferð með liðið. Leikurinn gegn Brasilíu átti að vera formsatriði, svo miklu betri væri íslenska liðið. En það var öðru nær þótt það hefðist í lokin.

En Gummi er samt greinilega ekki á réttri vegferð með liðið. Það stefnir hraðbyri niður á við og hefur gert það nær allan tímann sem hann hefur verið þjálfari þess.

En karlinn er með sterka jámenn með sér, þar á meðal íþróttafréttamennina á RÚV og æðsta strumpinn þar, Einar Örn Jónsson. 
Þá er Gummi sniðugur að halda uppá réttu mennina, áður Aron Pálma og nú Gísla Þorgeir (þó báðir séu stórlega ofmetnir). Með þá með sér og klíkuna í kringum þá, vonast hann til að halda starfinu.
Og það sem verra er. Það er hætta á að það takist því langlundargerð áhugafólks fyrir handboltanum er ótrúlegt og handboltaminnið nær mjög skammt. Þannig að líklega verðum við, sem munum betri tíð í boltanum, að þjást í a.m.k. eitt ár í viðbót með Gumma sem þjálfara.

 

Endurkomusigur í lokaleiknum

Frábært!

Aron Pálmarson hefur ekkert getað á HM hingað til og sem betur fer ekki mikið spilað. Svo er hann á hraðri niðurleið sem handboltamaður og á leið heim eftir misheppnaða dvöl hjá Dönum.

Á síðasta móti bjargaði Covid Gumma þjálfara því þá neyddist hann til að spila liðinu - nota breiddina - vegna þess hve margir voru frá - m.a. Aron. 

Annars verður Ísland að vinna Svíþjóð núna á eftir eða ná jafntefli því Ungverjar unnu Brasilíu rétt í þessu og komast áfram ef við verðum jafnir þeim vegna innbyrðis úrslita.

Sigur á Svíþjóð er auðvitað harla ólíklegur því Svíar eru jú Evrópumeistarar og gæðaflokki ofar en íslenska liðið amk þegar Gummi stjórnar því.

Aron ekki með í kvöld

Miklar hetjur þetta!

Flestir sem hafa eitthvað verið að ferðast í miðbænum og í vesturbænum (og auðvitað víða um höfuðborgina) hafa auðvitað séð að lítið sem ekkert hefur verið gert til að fjarlægja snjó í þessum bæjarhlutum, hvað þá að einhverjir séu að brjóta upp klakabúnka, sem eru allsstaðar eftir að verktakar borgarinnar hafa mokað snjó af götunum upp á gangstéttir og í bílastæði.

Það er eins og það sé orðin lenska hjá borgarstarfsmönnum (og reyndar fleirum) að ljúga sig og aðra fulla, líklega í trausti þess að almenningur sé svo vitlaus að hann trúi þeim.

Þar sem ég bý í miðbænum kom nú fyrst í dag, 19. janúar, traktor með tönn til að skafa snjó af gangstéttinni hér fyrir utan. Það er meira en mánuði síðan að snjóaði fyrst (og í eina skiptið) í borginni! Samt er því hiklaust haldið fram að unnið sé af miklum krafti við snjómokstur um alla borg!!
Og ekki var nú þessi mokstur vel gerður! Snjónum var hrúgað upp á auðan stað á gangstéttinni í stað þess að fjarlægja hann. Slík vinnubrögð má sjá víða á gangstéttum í miðbænum.

Manni er spurn. Er það virkilega orðin lenska hjá fólki í stjórnunarstöðum í stjórnsýslunni að grípa til lyginnar til að fela eigin vanhæfni, vanrækslu og leti?
Þá er hætt við að trú almennings á "the establishment" muni bíða enn meiri hnekki en nú þegar er raunin.
Slíkt grefur auðvitað undan lýðræðinu og er stórhættuleg þróun - enda hinir kjörnu fulltrúar almennings þar helstu sökudólgarnir.
En kannski er þetta einmitt það sem þeir vilja, að fá að ráðskast með almannahag án þess að pöpulnum komi það nokkuð við?
Þar með fjarlægist stjórnsýslan æ meir almenning, nokkuð sem getur leitt til að andlýðræðisleg öfl komist til valda. Viljum við það virkilega?

Sagað í gegnum klakann til að komast að holræsum

Reglugerð?

Ótrúlegt að ráðherra geti uppá sitt einsdæmi gefið út reglugerð um svona umdeild og í raun stórhættuleg vopn, án þess að það komi til umræðu og samþykktar á Alþingi og í ríkisstjórn.

Nú fyrir nokkrum dögum var sagt frá því í fréttum að ungur maður í Bandaríkjunum (svartur auðvitað) hafi verið drepinn með rafbyssu af lögreglunni þar í landi og það fyrir litlar sakir. Hann hafi í raun verið alveg hættulaus umhverfi sínu, aðeins dauðhræddur við lögguna og því hafi þurft að "róa" hann niður með þessum afleiðingum:

https://www.ruv.is/frettir/erlent/2023-01-13-thrju-daudsfoll-i-logregluadgerdum-til-rannsoknar-i-los-angeles

Meira að segja forsætisráðherra okkar hefur varað við þessari reglugerð og talið eðlilegt að bíða með slíkt þar til frumvarp um ákveðnara eftirlit með störfum lögreglunnar verði samið - og samþykkt af þinginu.

En dómsmálaráðherrann lætur sko ekki segja sér fyrir verkum heldur tekur af skarið enda mikil hetja og strangur embættismaður.

Það er auðvitað stór spurning af hverju Bjarni Ben, fyrir hönd flokksins, gerði þennan harðlínumann að dómsmálaráðherra og af hverju forsætisráðherrann samþykkti skipan hans, vitandi vel að hann myndi aðeins vera til vandræða í stjórnarsamstarfinu.
En kannski var það einmitt tilgangur Sjálfstæðisflokksins með þessari ráðningu.

Reglugerð um rafbyssur tilbúin

Þjálfarinn enn að klikka!

Guðmundur Guðmundsson er enn að klikka á stjórnun sinni á íslenska landsliðinu. Siggi Sveins benti á galla hans eftir leikina við Þjóðverja. Hann þorir ekki að nota breidd liðsins, spilar alltaf á sömu leikmönnunum. Gummi skræfa ...
Nú kom það mjög illa niður á liðinu og ekki í fyrsta sinn. Leikmennirnir orðnir dauðþreyttir eftir að hafa flestir þurft að leika nær allan leikinn gegn Portúgal og aftur núna.

Eftir er að birta tölfræðina en það er augljóst að hún var harla léleg hjá Aroni (eins oig venjulega) og einnig hjá Gísla Þorgeir (og hnoðið í honum allan tímann var ekki par fallegt áhorfs). Það voru fleiri orðnir þreyttir þarna í lokin en voru samt píndir áfram af Gumma, menn eins og Ómar og Bjarki.

Ekkert skipt inná. Viggó kom ekkert inná til að leysa Ómar af, og Óðinn, sem var svo góður í leiknum á móti Þjóðverjum, ekkert heldur.

Þá var Ólafur Guðmundsson ónotaður að venju og einnig Hákon í horninu þó að Bjarki væri orðinn dauðþreyttur. Arnar Freyr var einnig ekkert notaður en þyrfti a.m.k. að hafa verið í vörninni.

Og svo er það fréttamaðurinn (Einar) sem kenndi dómurunum um!
Og Gummi undrandi á "tæknimistökum" og misnotuðum dauðafærum!! Það þarf auðvitað að skipta um þjálfara sem fyrst. Við eigum fullt af góðum þjálfurum sem ekki eru ragir eins og þessi. Og leikmennirinir eiga betra skilið.

Tap eftir hræðilegan lokakafla

Erdogan og "lýðræðið"

Já það er látið heita ýmislegt þegar svo ber undir. Erdogan Tyrklandsforseti er nú ekki þekktur fyrir lýðræðisást eins og kemur fram í banni á stjórnmálaflokkum og í raun á gagnrýni á hann sjálfan í stjórnartíð hans. Það er ein af ástæðum þess að ESB hefur ekki viljað taka Tyrki inn í samtökin.

En Svíarnir láta sem þeir viti ekkert af þessu í ákafa sínum við að komast í NATÓ. Þá er ekki verið að spara fallegu orðin.
Reyndar var það ekki hægri stjórnin í Svíþjóð sem stóð fyrir inngöngubeiðninni í NATÓ heldur kratastjórnin. Hún gerði og samkomulag við Tyrki sem kennt er við Madrid og felur í sér mikla eftirgjöf á almennum mannréttindum Kúrda í Svíþjóð, m.a. aukinni ritskoðun og brottvísun kúrdískra andófsmanna til Tyrklands þar sem þeim bíða sýndarréttarhöld. Já, kratarnir greiða hér götuna fyrir hægra liðið eins og venjulega.

Svía (og Finnar) gengu svo langt í þessu samkomulagi að stimpla PKK (stjórnmálasamtök Kúrda í Austur-Tyrklandi) sem hryðjuverkasamtök en það hefur m.a.s. Kaninn ekki gert.
Samtökin sem standa fyrir þessum mótmælum í Stokkhólmi og kenna sig við Rojava hérað í Norður Sýrlandi, sem nú nýtur sjálfstjórnar með hjálp Kanans, er sögð tengjast PKK. 
Þetta sjálfstjórnarhérað þykir mjög framsækið, með femínískar áherslur og jöfn réttindi allra þjóðarbrota svo nokkur dæmi séu nefnd, sjá hér:
https://www.rojavakommitteerna.com/om-kommitteerna/
Og hér: https://en.wikipedia.org/wiki/Autonomous_Administration_of_North_and_East_Syria

Um Madridarsamkomulagið má lesa hér: 
https://www.axess.se/artiklar/den-langa-resan-med-turkiet-har-bara-borjat/
Fjórði og fimmti liður samkomulagsins er verulega hæpinn, sérstaklega sá fimmti, þar sem PKK er skilgreint sem hryðjuverkasamtök.
Áttundi liðurinn er einnig mjög varasamur en þar er að finna kröfulista Tyrkja sem Svíar virðast samþykkja án nokkurra gagnkrafa, svo sem að breyta lögum sínum um hryðjuverk og um að senda fólk úr landi til Tyrklands (8.2 og 8.3). Einnig að takmarka málfrelsið í landinu (8.5).

Fordæmdi Erdogan-brúðu