Eitthvað um "snjóbrot"?

Skógræktin er alltaf söm við sig í áróðrinum. Allt í himnalagi og skógurinn dafnar ár frá ári án nokkurra affalla sem heiti geti. Þetta er auðvitað sett fram sem innlegg í þessa peningahít sem Skógræktin er og hefur verið alla tíð - og nú til að geta gróðursett milljón fleiri plöntur en í fyrra og fengið þann pening sem það kostar í vasann frá Ríkinu.

Sannleikurinn er hins vegar sá að það stórsér á trjám eftir þennan snjóþunga vetur, allavega hér syðra, einkum birkinu en einnig öðrum lauftrjám. Skaflamyndun var meiri en lengi þó svo að ástandið hafi verið enn verra árið 2019.
Ljóst er að Ísland er alveg á mörkum þess að hægt sé að rækta hér skóg, hvað þá að leggja í mjög kostnaðarsama skógrækt eins og Skógræktin er að fara framá.
Nær væri að sinna þeim trjám og skógi betur sem þegar er búið að planta, þannig að það verði ekki eins og að ganga um hamfarasvæði þegar farið eru um skógana þessa dagana.

 

Skógarnir komu vel undan vetri

Sá er áttavilltur!!

Þetta er nú með því vitlausasta sem maður hefur séð lengi - og það frá umferðalögreglunni (sem blaðamaður Moggans étur hrátt)!

Í fréttinni er Njarðargatan sögð ekin í vesturátt þegar hún liggur í norður/suður - og Freyjugatan í norðurátt þegar hún liggur í austur/vestur!

Þá er, samkvæmt fréttinni, bifreið ekið vestur Reykjanesbraut þegar hún liggur í norður/suður (eins og allir vita nema löggan og blaðamaður Moggans) - og þá væntanlega norður (eða suður) Bústaðaveg þegar hann liggur í austur/vestur!

Já, ekki er öll vitleysan eins.

Steig óvart á bensíngjöf og ók á tré

ESB fljótir til!

Enn er alls óljóst hverjir vörpuðu sprengjum á lestarstöðina í Kramatorsk. Rússar benda á að flugskeytin tvö, sem hæfðu stöðuna, séu af gerð sem þeir noti ekki:

https://www.ruv.is/frett/2022/04/08/tugir-letust-i-loftaras-a-jarnbrautarstod-i-donetsk

 

Benda má á að í þessari 150 þús manna borg talar meirihluti íbúana rússnesku og borgin er í Donetsk héraði sem Rússar stefna að að hernema, því þar er rússneskur meirihluti sem er ofsóttur af fastistunum í Kíev. 

https://en.wikipedia.org/wiki/Kramatorsk

 

Hernaðarhyggjan á Vesturlöndum eykst dag frá degi, ekki síst á norðurslóðum. Danir og Norðmenn eru gott dæmi um það - og þjónkunin undir Kanann. Tugir bandarískra skriðdreka voru flutti í land í Esbjerg á Jótlandi í gær, auk þess sem talað er um herstöð Kanans á Bornholm.

Og í norður-Noregi hefur bandaríski herinn fengið loforð um varanlegri aðstöði á Arnöyja. 

 

Manni er spurn. Hvað kemur Kananum við hvað er að gerast í Austur-Evrópu, eins langt og þau lönd eru frá ströndum Norður-Ameríku, og sem þjóðunum þar stafar engin hætta af?

Er ekki löngu kominn tími til fyrir Evrópulönd að slíta sig frá þessari alheimslöggu sem Kaninn telur sig vera, og öllum þeim hörmungum sem þeirra útþennslustefna hefur leitt til?

 

Árásin á lestarstöðina kalli á frekari refsiaðgerðir

Hverjir eru glæpamenn og illmenni?

Mjög alvarlegar ásakanir hafa birst í fjölmiðlum um stríðsglæpi Rússa í Úkraínustríðinu með myndbirtingum af almennum borgurum sem liggja á götum úti skotnir til bana.
Rússar neita þessu reyndar og segja Úkraínuher hafa sviðsett þessi morð og framið þau sjálfir.
Vitað er að ný-nasistarnir í her Úkraínu er trúandi til þess enda drápu þeir á sínum tíma (2014) sína eigin landsmenn, sem þó voru að mótmæla þá ríkjandi stjórnvöldum, aðeins til að geta klínt morðunum á herinn sem þá var hliðhollur þáverandi forseta sem vildi halla sér í austur en ekki í vestur.

Fyrir nokkru birtist myndband í sumum vestrænum fjölmiðlum þar sem úkraínskir hermenn sjást skjóta rússneska stríðfanga í hnéð - sem er auðvitað stríðsglæpur og fordæmanleg meðferð á stríðsföngum.

Nú er annað myndband í dreifingu í netheimum sem sýnir enn verri stríðsglæpi Úkraínuhers, þar sem þeir hreinlega drepa rússneska stríðsfanga.

https://www.dr.dk/nyheder/udland/voldsom-video-viser-mulige-ukrainske-krigsforbrydelser

Allt bendir til þess að hér séu hægri-öfgamennirnir enn á ferð sem svífast einskis í morðæði sínu. 

Enn eitt dæmi þessa viðbjóðs er Azov-nasistarnir í Mariupol sem halda rússneskum meirihluta borgarinnar í gíslingu og kenna svo Rússum um gífurleg dráp á eigin landsmönnum!

En Vesturlönd trúa þessu eins og nýju neti og loka enn augunum fyrir hröðum uppgangi nýnasista og annarra hægriöfgahópa í Austur-Evrópu - og eru meira að segja fúsir til að styðja við bakið á þeim með gífurlegum vopnasendingum til að klekkja á Rússum.

Og svo eru Rússarnir einfaldlega sagðir ljúga þegar þeir segjast vera að reyna uppræta þennan nýnasisma, sem bitnar mest á rússneska minnihlutanum í landinu.

Já Rússahatrið er orðið sjúklegt enda kannski ekkert skrýtið af gegnheilum kapitalistum, sem endur fyrir löngu var lýst á þennan hátt af íslenskum sósíalista:

"Það verkaði ofboð notalega á hugann, þetta heilbrigða miskunnarleysi í lýsingum á hornsteinum og helgidómum stéttaþjóðfélagsins, fangelsunum, ofan á allt vælið í íslenskum bókmenntum um það til dæmis, að allir menn væru í rauninni góðir og að „guð væri í syndinni“ o.s.frv. Auðvitað var um þá bók, sem allt annað gott, að lesa þurfti með skyni stéttvíss manns á ofboðslegum viðbjóðleik þess þjóðskipulags og þeirrar menningar, sem þar birtist ... eina rétta svarið var vitanlega að bíta á jaxlinn og bölva í hljóði, og hugsa réttlæti stéttaþjóðfélagsins þegjandi þörfina."

 

Lognið á undan storminum

Einröddunin

Var fyrir tilviljun að leita að versi eftir Hallgrím Pétursson og fann þá ræðu Sigurbjarnar Einarssonar (biskups) sem var flutt á hernámsárunum (nánar tiltekið árið 1942). Hún er hörð gagnrýni á hernaðarbrölt hverskonar en einnig á flokkadrætti og á það að ráðast á þá sem hafa aðrar skoðanir en fjöldinn:
”Vér megum ekki týna landinu, en vér megum ekki heldur týna Íslendingnum. Það er nú svo komið á voru landi, að allir vantreysta öllum nálega til alls. Það þýðir ekki að tala um þjóðarvakningu meðan mikill hluti prentaðs máls á Íslandi fer í það að gera Íslendinga að varmennum og bófum í augum Íslendinga, - svo að maður nefni nú ekki útlendinga í því sambandi.”
https://timarit.is/page/1000351?iabr=on#page/n2/mode/2up

Árásirnar á Ólaf Ragnar og skrifin um vondu Rússana minna á þetta ástand í stríðinu en þá voru þeir sem lögðust gegn hernaðarhyggjunni úthrópaðir sem landráðamenn.

Nú höfum við flugvélamóðurskip og breskt herskip í Reykjavíkurhöfn og úti á Sundum og mikla herflutninga á Keflavíkurflugvelli. Það er eins og þriðja heimstyrjöldin sé skollin á (sem hún er auðvitað). 
Og gagnrýnisraddirnar? Þær heyrast hvergi enda þorir enginn að segja neitt í ótta við að vera kallaðir Rússadindlar.
Versið eftir Hallgrím er þannig:

Ísland, þér ætlar að hnigna,

eru þar merki til,

manndyggð og dugur vill digna,

dofna því laganna skil;

Guð gæfi, að þú nú þekkir

(það er ósk hjarta míns)

fyrr en hefnd stærri hnekkir,

hvað heyrir til friðar þíns.

„Raddir frá hinni hliðinni“ vekja hörð viðbrögð

Skítafýlan fannst um alla borg

Það fylgir nú fleiri vandamál þessari skítalosun út í sjó en aðeins rusl sem fólk sturtar niður úr klósettunum. Um síðustu helgi fannst skítafýlan t.d. um alla borg, eða allavega frá Fossvoginum og niður í miðbæ Reykjavíkur. 

Þetta er nú ekki í fyrsta skipti sem þetta hálfeinkarekna fyrirtæki hleypur mannaskítnum óhreinsuðum út í sjó. Fyrir nokkrum vikum bilaði eitt lítið rör hjá þeim, sem tók allavega þrjár vikur að laga. Á meðan rann skólpið óhreinsað úti í sjó og viðkvæðið hjá þessum "upplýsingafulltrúa" var það sama. Lengi tekur sjórinn við!

Líklega væri einfaldast - og ódýrast - að loka hreinsunarstöðvunum alfarið og láta drulluna leka óhreinsaða út í sjó. Sjórinn er jú svo skrambi fljótur að eyða skítnum svo enginn tekur eftir þessu (nema einhverja smástund í óheppilegum veðuraðstæðum).

Og fyrirtækið myndi auðvitað græða enn meira en það gerir í dag í þessari áberandi tregðu sinni til að ganga almennilega frá frárennslismálum höfuðborgarsvæðisins.
Er það ekki stefna fyrirtækja sem þessa að borga eigendum sínum sem mestan arð - og þá auðvitað með sem minnstum tilkostnaði?

Neyðarlúgur opnuðust í metúrkomu mars

Þessi maður er klikkaður

Það er ljóst af orðum forseta Úkraínu að hann ætlar ekkert að semja um frið við Rússana. Helsta krafa þeirra er jú sú, að Úkraína viðurkenni sjálfstæði austurhéraðanna, sem eru fyrir löngu búin að slíta sig frá landinu og þurft að búa við stanslausar árásir Úkraínuhers síðan (frá 2014). Nú segir þessi trúður og strengjabrúða Vesturlanda (Kanans auðvitað aðallega) að ekki verði gefinn eftir þumlungur af "úkraínsku landi".

Þetta gerir hann eflaust vegna stanslausra vopnasendinga frá vestrænu löndunum, m.a.s. Norðurlöndin öll (nema Ísland) senda nú vopn til þeirra (einnig hinir "hlutlausu" Svíar og Finnar). En þar misreiknar forsetinn sig hrapalega því Rússar hafi greinilega öll tögl og allar haldir í þessu stríði. Þeir geta haldið að sér höndum án þess að taka neina áhættu og snúið sér að því í rólegheitum að frelsa allt Dunbass-hérað ef hægri öfgamennirnir í Kiev sjá ekki að sér og fari að alvöru að stuðla að friði.

Það er reyndar ótrúlegt hve lítið mannfall almennra borgara er í þessum átökum, allavega miðað við hvað Kaninn drap marga í Írak. Það sýnir einfaldlega að Rússar reyna að fremsta megni að hlífa þessum hálflöndum sínum, þó að áróðursmaskína vestrænu pressunnar sé að reyna að telja manni trú um allt annað.

Hitt er svo auðvitað merki um kænsku Rússana að þeir leyfa fólki að flýja land því ekkert kemur sér verr fyrir efnahag Evrópuríkja en þessi gífurlegi flóttamannastraumur. Hann vegur eflaust miklu þyngra fyrir þau en viðskiptaþvinganirnar á Rússana virka á þá síðarnefndu.

Sem dæmi um þetta má benda á harmaveinið sem rekið var upp af ESB-löndunum þegar nokkur hundruð flóttamenn frá Sýrlandi reyndu að komast yfir landamærin til Póllands frá Hvíta-Rússlandi. Þá voru Hvít-Rússar sakaðir um að reyna að klekkja á efnahag ESB-landanna með þessum "gífurlega" flóttamannastraumi. Nú er hins vegar takið öðruvísi á öðrum stríðsflóttamönnum og enginn talar lengur um hættuna fyrir efnahag þessara landa vegna þeirra.
Já, hræsnin er ávallt söm við sig.

Gefur ekki eftir metra af landi

Vesturlönd vilja engan frið

Áköf hernaðaruppbygging á sér nú stað á Vesturlöndum og engar gagnrýnisraddir heyrast í fjölmiðlum hér á landi. Fjallað er um aukna framleiðslu á hergögnum og stóraukið fjármagn til hermála eins og ekkert sé sjálfsagðara.

Þó er verið að mótmæla stóraukinni vopnaframleiðslu og það ekki af ómerkari manni en Frans páfa. Hann gagnrýnir harðlega hina útblásnu hernaðarhyggju, sem við verðum vitni að þessa dagana. Vestræn ríki ætla að verja 2% af þjóðarframleiðslunni til hermála, sem eru gífurlegir fjármunir. Þetta fé fer ekki í heilbrigðismál eða til að sporna gegn fátækt og öðru þvílíku. Ó nei.

Páfinn mælti eitthvað á þá leið að hann skammaðist sín fyrir þær þjóðir sem ákváðu þessa auknu hervæðingu: "Þvílík geðveiki" sagði hann ("madness")! Rétt viðbrögð (við Úkraínustríðinu) sé ekki fleiri vopn, víðtækari viðskiptabönn, stærri hernaðarbandalög heldur annars konar nálgun, breytta stjórnsýslu, breytt alþjóðleg samskipti án ógnandi framkomu:
"I was ashamed when I read that a group of states has committed to spending two percent of their GDP on the purchase of weapons, as a response to what is happening now. The madness! The real answer is not more weapons, more sanctions, more political-military alliances, but another approach, a different way of governing the now globalized world - not by being menacing, as is the case now - a different way of setting up international relations. The model of care is fortunately already in place, but unfortunately, it is still subservient to that of economic-technocratic-military power."

Tekið skal fram að þessi auknu útgjöld til hermála hófust ekki í kjölfar stríðsins í Úkraínu heldur þegar árið 2016 er vestræn ríki juku útgjöldin um allt að fjórðung.
Já, stríðið við Rússana hefur lengi verið í undirbúningi og hófst með síendurteknum ögrunum í þeirra garð.

Að lokum má nefna orð páfa um að afnema stríð alfarið í mannkynssögunni. Stríð bjarga ekki heiminum, heldur tortíma honum:
"Before the danger of self-destruction, may humanity understand that the moment has come to abolish war, to erase it from human history before it erases human history."

Rússar séu líklega að blekkja

Falsfrétt?

Hætt er við að þessi frétt myndi túlkast sem falsfrétt ef hún hefði ekki birst í Mogganum! Kenning loftslagshlýnunarsinna hefur nefnilega verið sú að hafið hér á norðurslóðum myndi kólna vegna aukinnar bráðnunar íss á Grænlandsjökli og á norðurheimskautinu.

Enda hafa flestar fréttir undanfarið verið á þá leið. Um þetta leyti fyrir fjórum árum birtist t.d. frétt á visir.is eftir einn helsta loftlagsblaðamann þjóðarinnar um að hafstraumar í Atlandshafi hafi ekki verið veikari í þúsund ár! Falsfrétt?   

http://www.visir.is/g/2018180419630/faeriband-hlyrra-hafstrauma-i-atlantshafi-ekki-verid-haegara-i-thusund-ar

Við lifum nú á tímum áróðurs. Hann dynur sífellt yfir okkar dag hvern, já margoft á dag. Og ef reynt er að sporna á móti og benda á hluti sem sýni hið gagnstæða er það úthrópað sem falsfrétt. Það á ekki aðeins við um loftslagsmálin, heldur einnig um kórónuveirufaraldurinn sem og um fréttaflutninginn af Úkraínudeilunni.

Að baki liggur hagsmunir eins og alltaf, það vita allir sem hafa saman af glæpasögum. Hver hefur mesta hagsmuni af því að gera sem mest úr vánni? Jú lyfjafyrirtækin í veirumálinu og hergagnaframleiðendur (og heimsvaldasinnar) í Úkraínudeilunni. 

Málið með loftlagsvána er flóknara en þó hefur komið í ljós að ákveðnir aðilar græða meira en aðrir á því að almenningi er talið trú um að heimurinn sé að farast ef ekki verði brugðist við sem fyrst.

Svo er auðvitað spurning: á hverjum bitnar þetta allt?
Svarið er reyndar augljóst. Á þessum sama almenningi. Eldsneytis- og orkuverð snarhækkar þannig að þeir fátæku hafa hvorki efni á að ferðast eða hita híbýli sín, matarverðið hækkar svo fólk með lágar tekjur hefur varla ofan í sig og ríkissjóðir landa tæmast vegna þessa því það kostar skildinginn að seðja lyfjarisana. Og þegar kassarnir eru tómir þarf að selja mjólkurkýrnar. Þá er og lítið til skiptanna handa þeim sem standa höllum fæti.

Og til þess að hafa almenning góðan er gripið til hins þekkta ráðs valdhafanna á öllum tímum: að ljúga og stunda ritskoðun. 

Flæði Golfstraumsins í Norðurhöf aukist

Guðni forseti og Úkraínukrísan

Það hlýtur að hafa vakið athygli fleiri en mína þegar Guðni Th. Jóhannesson lýsti yfir skilyrðislausum stuðningi við Úkraínu í stríði þeirra við Rússa, með skírskotun til þess að Ísland væri í Nató og bæri því að sýna samstöðu með öðrum NATÓ-þjóðum í fordæmingu þeirra á Rússum. Þessi afstaða núverandi forseta landsins er í hróplegu ósamræmi við orð fyrirrennara hans, Ólafs Ragnars, sem bendir réttilega á að einangrunarstefna Natóríkjanna gagnvart Rússum sé helsta ástæða þessa stríðs.

Þetta er reyndar ekki í fyrsta skipti sem forsetar Íslands gera sig seka um flokkspólitískar yfirlýsingar sem ganga þvert gegn skoðunum ákveðna pólitískra flokka og brýtur því í bága við eðli forsetaembættisins sem ópólitískt.
Þetta gættu sín fyrirrennarar hans á, þau Kristján Eldjárn og Vigdís Finnbogadóttir og jafnvel Ólafur Ragnar að ákveðnu leyti.
En ekki fyrstu forsetarnir, Sveinn Björnsson og Ásgeir Ásgeirsson. Þeir hikuðu ekki við að taka afstöðu með borgaralegu flokkunum gegn vinstri mönnum og stuttu heilshugar Natóstefnuna rétt eins og Guðni Th. gerir sig sekan um hér.

Því er engin furða að Guðni sagði að fyrirmynd sín í embætti væri Framsóknarmaðurinn Ásgeir Ásgeirsson (sem minnir á sérkennileg ummæli núverandi formanns þess flokks um illmennin í Kreml)!
Dómgreinarleysi forseta okkar hefur reyndar komið víðar fram, og það áður en hann varð forseti, eins og þegar hann í bók sinni, Óvinir ríkisins, réttlætti símanjósnir hægri stjórnarinnar á viðreisnarárunum og CIA á íslenskum sósíalistum (samanber titil bókarinnar sem var meintur af fullri alvöru!).
Það er gott að Guðni þegir nú, eftir þessa óbeinu ádrepu frá Ólafi Ragnari.

 

Guðni vill ekki tjá sig um orð Ólafs