Er ekki hægt að segja það sama um Bjarta framtíð ...?

... þ.e. að Björt framtíð sé hluti af popúlískri bylgju eða trendi. Flokkurinn gaf sig út fyrir vera mið-vinstriflokkur sem höfðaði til óánægju almennings með hið pólitíska kerfi - og hélst inni á þingi vegna þess. 
Strax eftir kosningar vendir hann sínu kvæði í kross, leitar til hægri og hefur samstarf við Viðreisn sem er dæmigerður nýfrjálshyggjulegur óánægjuflokkur.

Ef Óttari er alvara með þessum áhyggjum af populisma ætti hann að koma sér, og flokknum, aftur inn í Píratabandalagið og leita þannig á ný til vinstri. Út á það var hann og flokkur hans (nema kannski Björt Ólafsdóttir) kosin á þing.

Trump hluti af „popúlískri bylgju“

Gott á hrokagikkina!

Hrokafullir og montnir Íslendingar skitu á sig á móti Úkraínu! Og afsakanirnir strax byrjaðar.
-----
Ástæðan er þó einföld. Stjórnunin á liðinu var arfaslök. Aron með 50% skotnýtingu en aldrei tekinn útaf. Arnór hægur og slakur leikstjórnandi og fékk að spila alltof mikið. Af hverju var Ólafur Guðmunds ekki meira notaður?
Rúnar Kára var tekinn útaf í byrjun seinni hálfleiks þrátt fyrir stórleik í hinum fyrri og kom ekki inná fyrr en liðið var á hálfleikinn og munurinn orðinn þrjú mörk.

Þá lék Björgvin allan leikinn í markinu en varði á stundum ekki neitt. Og Guðjón Valur lék allan leikinn í horninu þrátt fyrir að hafa varla sést tímunum saman.

Þessi nýi þjálfari er engin breyting á lélegri stjórnun liðsins. Alltaf leikið á sömu leikmönnunum, sama hve lélegir þeir eru. Eru þjálfararnir hræddir við prímadonnurnar í liðinu, eins og Aron og Guðjón Val?

Ísland líklega lélegasta liðið í riðlinum - og að venju með lélegasta þjálfarann.

Tveggja marka tap í Sumy

Thule Investments

Fyrir nokkrum árum var þetta fyrirtæki, Thule Investments, í Kastljósi vegna hás umsýslukostnaðar við sjóðavörslu fyrir þrjá lífeyrissjóði.
Sjá: http://www.dv.is/frettir/2013/9/16/stjornendur-attu-ad-vita-betur-EZCMQ6/

Þetta fyrirtæki virðist þannig enn vera í "góðum" rekstri!

Tilboði Fögrusala ehf. í Fell tekið

Gjörspillt dómskerfi?

Þessi úrskurður héraðsdóms hlýtur að vekja upp spurningar um dómskerfið í landinu. Það virðist borðleggjandi að þessi fyrrum sparisjóðsstjóri hafi gert sig sekan um vítaverða vanrækslu í starfi og hyglun vina og ættingja með lánveitingum til þeirra. Samt er þetta niðurstaðan!

Benda má á skýrslu rannsóknarnefndar alþingis um sjóðinn (19. kaflann). Þar kemur m.a. fram að hagnaður Sparisjóðsins á árunum 1998–2007 var um 12,8 milljarðar króna á samræmdu verðlagi. Tap áranna 2008 og 2009 nam hins vegar 37 milljörðum króna á sama verðlagi. Á þessum tveimur árum tapaði sparisjóðurinn næstum þreföldum hagnaði síðustu 10 ára þar á undan. http://www.rna.is/sparisjodir/skyrsla-nefndarinnar/5-bindi/19-kafli/

Kröfuhafar sjóðsins fengu lítið sem ekkert upp í tugmilljarða kröfur sínar (36 milljarða). Kostnaður ríkisins, og þar með skattgreiðenda, vegna yfirtöku sjóðsins mun hafa numið hátt í 70 milljarða króna.

Svo aðeins fátt eitt sé nefnt um óráðsíuna og um vægast sagt hæpna meðferð á annarra fé, en þar hlýtur einnig stjórn sjóðsins að eiga stóra sök, má nefna eftirfarandi:

750 milljóna króna skuld sonar Geirmundar var afskrifuð.
Hvað Geirmund sjálfan varðar mun hann hafa fengið 54 milljónir króna í laun árið 2009, þrátt fyrir að hafa látið af störfum í byrjun júní það ár. Auk þess tók hann út séreignasparnað sem nam 70 milljónum króna.
Þannig fékk hann 124 milljónir á einu ári, árinu sem sjóðurinn var kominn í þrot.
http://www.vb.is/frettir/frettaskyring-spkef-mun-kosta-skattgreidendur-milljarda/61788/?q=SpKef%20sparisj%C3%B3%C3%B0ur

Af hverju er þetta allt saman ekki refsivert?

Geirmundur sýknaður

Hjálmar goðsögn hjá "bláhvítum"

Íslendingar geta verið stoltir af Hjálmari Jónssyni enda hefur hann verið góð landkynning. Við hér heima gerum okkur ekki grein fyrir því hve vinsæll hann er í Gautaborg. Hér eru nokkur dæmi um það sem sagt var um hann í kveðjuleiknum í gær.

Hjálmar var að venju á bekknum en kom inná þegar á 28. mín. í stöðunni 0-1. Þetta var í raun ekki heiðursskipting, a.m.k. ekki svona snemma leiks, því aðalmið­vörðurinn meiddist. Hjálmari var fagnað sérstaklega í hvert skipti sem hann kom við boltann og sungu áhorfendur nafn hans stöðugt fyrst eftir að hann kom inná. Sungið var "Hjalmar, Hjalmar, Hjalmar, Hjalmar Jonsson" og lagið var No limit. Leiknum lauk 2-2. Hjálmar skaffaði víti sem lið hans skoraði úr og var svo valinn maður leiks­ins!

Sjá einnig http://www.gp.se/sport/fotboll/laget-%C3%A4r-viktigast-som-vanligt-1.3919221

Hjálmar hélt aftur af tárunum (myndskeið)