Óskhyggja Baldurs

Þetta er auðvitað all sérstök túlkun stjórnmálafræðingsins á stöðu stjórnarmyndunarviðræðanna. Það virðist vera lenska í þessari háskóladeild að leyfa sér mikla hlutdrægni í störfum sínum. Hannes Hólmsteinn er auðvitað gott dæmi um það en mér sýnist að Baldur þessi leyfi sér svipaða hluti.

Baldur var áður yfirlýstur Samfylkingarmaður og leyfði sér þá ýmislegt sem manni fannst samrýmast illa háskólaprófessor og þeirri hlutleysiskröfu sem eðlilegt er að þeir uppfylli. Nú virðist hann hafa farið enn lengra inn á miðjuna eða til hægri. Nýjar heimaslóðir Baldurs virðast þannig að vera hjá Viðreisn eða Bjartri framtíð og verður að lesa þessa "túlkun" hans á stöðu mála með það í huga. 

Vandamálið við fimm flokka stjórn er nefnilega ekki Píratar heldur hægri miðflokkarnir Viðreisn og Björt framtíð. Vinstri grænir og Píratar standa næst hvor öðrum. Því mun Katrín fyrr gefast upp á þessum flokkum en á Pírötum. Og hún á um fleiri kosti að velja en Bjarta viðreisn - og það vita hægrimiðflokkarnir auðvitað ágætlega.
Það er því kominn tími til að gefa Baldri og "skýringum" hans frí og fá einhvern í hans stað sem ekki er eins áberandi hlutdrægur.

„Katrín er öll af vilja gerð“

Swansea neðst!

Það gleymdist að segja frá því, í hrifningunni yfir að Gylfi hafi skorað, að Swansea er neðst í ensku úrvalsdeildinni með aðeins sex stig eftir 12 umferðir. 
Sunderland er skammt fyrir ofan en síðan er langt í næstu lið.
Fallið blasir því við Gylfa og félögum eins og sakir standa.

Toure hetja City – Gylfi skoraði í jafntefli

Leiðinlegur áróður

Skotveiðimönnum leiðist ekki að halda áfram sama áróðrinum viku eftir viku. Haustið er búið að vera ágætt en samt væla þeir. 

Spáin er ágæt fyrir helgina svo ég ráðlegg þeim Skotvísarmönnum að hætta þessu væli áður en þeir verða að athlægi fyrir alþjóð.

 

 

Veiðimenn ósáttir við ráðherra

Er Guðni hlutdrægur?

Ætli forsetinn hafi sagt það sama við Bjarna, að hann yrði að hafa "hraðar hendur" við stjórnarmyndunarviðræðurnar eða sett honum nokkra daga tímamörk?
Benda má á að það tók Framsókn og Sjallana 26 daga að mynda nýja stjórn 2013 en Katrín á helst að vera búin að því á innan við viku!

Þá verður það fróðlegt að sjá hvort Guðni segir, eftir nokkra daga, það sama um stjórnarmyndunartilraun Katrínar og hann sagði um tilraun miðhægri flokkanna, þ.e. að hann hafi vissulega bundið nokkrar von­ir við að miðvinstri umræðurnar skiluðu ár­angri.

Kannski hefur, og er, það Guðna forseta óljúft að fela formanni VG stjórnarmyndunarumboðið, því sá flokkur er eflaust í hans augum "óvinur ríkisins" rétt eins og fyrirrennarar hans voru, Sósíalistaflokkur alþýðu og Alþýðubandalagið, að mati safnfræðingsins Guðna Th. Jóhannessonar.

„Þarf að hafa hraðar hendur“

Birkir Már Bjarnason?

Birkir Már er reyndar Sævarsson. Nema að átt sé við hinn Birkinn í landsliðinu, sem er Bjarnason. Það er þó ólíklegt því Heimir landsliðsþjálfari gaf það út að hann myndi byggja á leikmönnum sem spila á Norðurlöndunum, þ.e. í þeim deildum þar sem leiktíðinni er lokið (sænsku og norsku).
Þó má benda á að Ólafur I. Skúlason, Arnór I. Traustason, Rúnar M. Sigurjónsson, Viðar Ö. Kjartansson, Ari F. Skúlason og Sverrir I. Ingason eru allir enn að spila í sínum deildum, og eru samt valdir, þ.e. meira en helmingur liðsins!

Þá er skrítið að leikurinn sé ekki sýndur á RÚV því áhuginn á karlalandsliðinu er mikill um þessar mundir eftir EM í sumar.

 

Tíu breytingar á liði Íslands

Er byrjunarliðið leyndarmál?

Það eru fleiri vináttulandsleikir í kvöld, svo sem hjá Svíum og Dönum og það hörkuleikir: Ungverjaland-Svíþjóð og Tékkland-Danmörk. Frændur okkar eru búnir að birta byrjunarliðin hjá sér en ekkert bólar á því hjá okkur.
Það er að venju því landsliðsþjálfararnir okkar hafa alltaf verið seinastir að tilkynna lið sín. Skrítið að það eigi einnig við í vináttuleikjum.

Svo er auðvitað spurning af hverju sé verið að leika gegn Möltu en ekki einhverju sterkara liði. Ísland er jú hærra á styrkleikjalistanum en bæði Svíar og Danir og ætti því að geta valið úr mótherjum.

Mæta Möltu í fimmtánda sinn

Halló, beðið eftir niðurstöðu!

46 mál komin á borð hjá héraðssaksóknara og hann gerir ekki með þau. Ekki verið ákært í einu einasta aflandsmáli svo ég viti.
Beðið eftir dómi í máli sem hófst fyrir mörgum árum. Hvað á að bíða lengi, í nokkur ár í viðbót?

Talandi um að halda hlífiskyldi yfir einhverjum ...

Mál Jóns Ásgeirs tefur aflandsmálin

Gaman að sjá Hörð Björgvin spreyta sig!

Þetta var auðvitað fyrirsjáanlegt með Viðar Örn. Það á að verjast, hlaupa og djöflast eins og venjulega hjá þessu landsliði - og því eru tveir hlaupagikkir látnir vera fremstir. 

Vinstri kanturinn er greinilega það sem verður forvitnilegast í leiknum. Hörður Björgvin og lið hans hefur komið á óvart í ensku B-deildinni þannig að hann er auðvitað ágætur varamaður fyrir Ara Frey. 
Þá átti Theodór Elmar fínan leik gegn Tyrkjum og náði vel saman með Gylfa. Vel spilandi leikmaður sem einnig er sívinnandi. Þetta lið getur alveg staðið í Króötunum.

Elmar heldur sæti sínu

Hvar er yfirlýsingin?

Hvernig væri nú að birta þessa yfirlýsingu svo almenningur geti metið hvort hér sé eðlilega að verki staðið eða ekki?

 

Kirkjuráð segir frétt Pressunnar ranga

Andstaða leikmannanna raunverulega ástæðan?

Er ekki raunveruleg ástæða Guðmundar sú að leikmennirnir sjálfir eru óánægðir með hann? Landin, markvörður danska landsliðins, kom fram ekki fyrir svo margt löngu og kvartaði yfir því að ekki væri ljóst með þjálfaramálin eftir HM á næsta ári. Krafðist hann þess að það lægi fyrir sem fyrst.
Í kjölfarið ákvað Guðmundur að hætta eftir það mót, þ.e. þegar samningur hans rennur út næsta sumar.
Raunveruleg ástæða ákvörðunar hans er þannig sú að hann vill fá vinnufrið með liðið á næsta stórmóti - og koma í veg fyrir uppákomur þá eins og urðu á ÓL í sumar.

Guðmundur svekktur út í Dani