30.6.2016 | 11:38
Bóndi?
Ég hélt að þessi kona væri útgerðarmaður. Hún er þá í mesta lagi sauðfjárbóndi í hjáverkum:
http://www.mbl.is/greinasafn/grein/1027833/
Syngjandi bóndi á skattalista | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
29.6.2016 | 18:09
Vonandi hefur verðið verið viðráðanlegt!
Hysterían vegna árangurs íslenska karlalandsliðsins í fórbolta á EM er að ná hæstu hæðum.
Nýjasta fréttin er sú að frekar tekjulág hjón hafi verið að kaupa flug og miða á leikinn gegn Frökkum á sunnudaginn á 530.000 kr. Flugið kostar þau um 400.000 og miðarnir um 130.000 kr. Þá á eftir að kaupa hótelgistingu, fæði og annað uppihald.
Okur flugfélaganna er eitt en að láta hafa sig út í þessa vitleysu sýnir fyrst og fremst sjúklega neyslu- og kikkmenningu Íslendinga. Stórasta - og eyðslusamasta - þjóð í heimi!
Íslendingar fá jafnmarga miða á undanúrslitin | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
29.6.2016 | 08:58
Hærra metinn en sóknarmenn landsliðsins!
Til samanburðar má nefna, um nýlegar sölur á íslensku landsliðsmönnunum, að Alfreð Finnbogason var seldur til Augsburg á 4 milljónir evra, Kolbeinn Sigþórsson til Nantes á 3 milljónir, Arnór Ingvi til Rapid Wien á 2 milljónir og Emil Hallfreðs á eina milljón evra til Udinese. Þá mun Hjörtur Hermannsson vera metinn á eina milljón evra.
Leicester og Tottenham með Ragnar í sigtinu | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
28.6.2016 | 06:51
Frábær maí?
Eitthvað er nú Sveinn Rúnar illa að sér í veðurfræðum!
Maí í ár hefur ekki verið neitt sérstakur. Í Reykjavík var meðalhitinn 6,6 stig sem er -0,3 stigum undir meðallagi síðustu 10 ára.
Þá er ekkert sjálfgefið að góður maí-mánuður gefi góða berjasprettu. Í hitteðfyrra var meðalhitinn í maí 8,1 stig og sætukopparnir lofuðu svo sannarlega góðu, enda sólríkur mánuður þá.
Síðan fór að rigna og sást varla til sólar næstu tvo mánuði - og berjasprettan var engin!
Það þarf nefnilega sól til að sætukoppar verði að grænjöxlum og grænjaxlarnir að berjum.
Stefnir í frábært berjaár | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
27.6.2016 | 18:31
Sama byrjunarliðið enn og aftur!
Þetta er auðvitað brandari! Það er ekki verið að koma andstæðingnum á óvart. Enska pressan hefur verið að benda á veikleika vinstra megin hjá íslenska landsliðinu. Ari Freyr fái ekki nógu mikinn stuðning. Verður það að skrifast á varnartengiliðina og á Birkir Bjarnason.
Þá bjuggust margir við að bjargvættir liðsins í síðasta leik, varamennirnir Theodór Elmar og Arnór I. Traustason fengju að byrja, annarhvor eða báðir, en það var auðvitað borin von.
Sænskur íþróttafréttamaður benti á að Lars hefur aldrei komið liði lengra en í 16 liða úrslit. Vonandi gerist það ekki enn einu sinni ...
Byrjunarlið Íslands klárt | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
27.6.2016 | 14:40
Enska byrjunarliðið valið!
Byrjunarlið Englendinga gegn okkar mönnum í kvöld hefur verið valið, samkvæmt BBC.
Það er þannig skipað:
Hart - Walker, Cahill, Smalling, Rose - Alli, Dier, Rooney, Sterling - Kane, Sturridge.
Hannes hræðir Englendinga | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
24.6.2016 | 15:58
Kratarnir og öfgahóparnir
Þetta er auðvitað ágætt komment hjá formanni flokks sem hefur fallið úr yfir 30% atkvæða niður fyrir 10% á nokkrum árum, einkum vegna hroka og lítilsvirðingu í garðs almennra kjósenda.
Reyndar hafa krataflokkarnir lengi verið við þetta heygarðshornið eða allt síðan á millistríðsárunum þegar þeir horfðu aðgerðarlausir á eflingu hægri flokkanna í Evrópu vegna tómarúmsins sem skapaðist þegar jafnaðarmannaflokkarnir hættu að vera verkalýðsflokkar og fór að leita inn á miðjuna.
Danski Enhetslistinn, sem samsvarar Vinstri grænum hér en er þó róttækari, tekur annan pól í hæðina. Hann leggur áherslu á að leyfa ekki hægri"öfga"hópunum að eigna sér andstöðuna við ESB heldur keppa við þá um fylgi ómenntað láglaunafólks, m.a með því að mótmæla frjálsri för verkamanna frá Austur-Evrópu til vesturs.
Þessi frjálsa för hefur í för með sér aukið atvinnuleysi verkamanna hér vestra - og um leið aukinn gróða óprúttinna verktaka- og byggingafyrirtækja sem borga smánarlaun án þess að byggingarkostnaðurinn minnki nokkuð.
Hvernig væri nú að Jafnaðarmannaflokkarnir fari að nálgast aftur uppruna sinn og sækja sitt gamla fylgi til verkalýðsins?
Þá verður flokkur eins og Samfylkingin að hætta að viðra sig upp við íhaldið og nýfrjálshyggjuna og standa vörð um störf almennings í landinu.
Gefur öfgahópum byr undir báða vængi | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
23.6.2016 | 16:53
"Þú verður saddur af að borða hafragraut í öll mál en..."
Flestar Norðurlandaþjóðirnar eru mjög ánægðar fyrir Íslands hönd með árangur þeirra á EM, einnig Danir.
Einn Dananna, fyrrum aðstoðarþjálfari karlalandsliðs Dana, er þó ekki hrifinn af leikstíl íslenska landsliðins og ber það saman að borða hafragraut í öll mál.
Eftir að hafa horft á þrjá leiki í röð með liðinu segir hann:
"Þú verður saddur af því ... en vildir gjarnan borða safaríka steik með góðu grænmeti öðru hverju".
http://www.bt.dk/em/fodboldromantikerne-naegter-at-overgive-sig-til-island-du-bliver-ogsaa-maet-af-at-spise
England hlýtur að vinna | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
22.6.2016 | 15:57
Voru Ungverjar ekki búnir að lesa liðið - hvað þá með Austurríki?
Mig minnir að Heimir landsliðsþjálfari hafi sagt að Ungverjar hefðu verið búnir að lesa íslenska liðið eftir fyrsta leikinn og því átt 70% af leik þeirra við "okkar" lið í annarri umferðinni. Og nú eru tvær umferðir búnar - og enn sama byrjunarlið - þannig að Austurríki ætti að vera búið að lesa íslenska landsliðið enn betur!
Það fer því um mig aulahrollur, ekki síst í ljósi þess að Heimir hefur viðurkennt að liðið hafi leikið eins í fjögur ár og því kæmi ekkert í leik þess öðrum liðum á óvart!
Byrjunarlið Íslands orðið klárt | |
Tilkynna um óviðeigandi tengingu við frétt |
Dægurmál | Breytt s.d. kl. 15:59 | Slóð | Facebook | Athugasemdir (0)
21.6.2016 | 15:49
"Heift" í garð hjólreiðafólks?
Ekki hef ég nú orðið var við mikla heift í garð hjólreiðafólks hvort sem ég er akandi, hjólandi eða gangandi.
Hins vegar er áberandi hve hjólreiðafólk er gjarnt á að brjóta umferðareglurnar. Fara yfir gatnamót á rauðu ljósi, hjóla á móti umferð (þar sem er einstefna), hjóla á miðri einstefnugötu þó að bíll sé á eftir þeim og fara eftir eigin geðþótta hvort sem þeir eru á hjólastígum eða gangstéttum.
"Við erum svo frjáls og flott, hipp og kúl, að við megum haga okkur eins og okkur sýnist, amk gagnvart þessu pakki á bílunum"!
Annars er það nær undantekningalaust þannig að ökumenn taka tillit til hjólandi og gefa þeim oft réttinn þó þeir eigi hann sjálfir.
Hjólreiðamenn þurfa því fyrst og fremst að líta í eigin barm, draga úr hrokanum og fara eftir umferðareglunum.
Þá gengur allt saman vel - og gagnkvæm virðing ríkir!
Heift í garð hjólreiðamanna | |
Tilkynna um óviðeigandi tengingu við frétt |
Dægurmál | Breytt s.d. kl. 15:51 | Slóð | Facebook | Athugasemdir (0)
Um bloggið
Torfi Kristján Stefánsson
Færsluflokkar
Heimsóknir
Flettingar
- Í dag (29.4.): 4
- Sl. sólarhring: 10
- Sl. viku: 38
- Frá upphafi: 455397
Annað
- Innlit í dag: 4
- Innlit sl. viku: 36
- Gestir í dag: 4
- IP-tölur í dag: 4
Uppfært á 3 mín. fresti.
Skýringar